70.74 F
Washington DC
May 14, 2021
Satenaw Ethiopian News/Breaking News
Amharic News

“ኢትዮጵያን ለማዳን ሁሉም አንድ መሆን ይገባዋል” የጦር ኃይሎች ጠቅላይ ኢታማዦር ሹም

“ኢትዮጵያን ለማዳን ሁሉም አንድ መሆን ይገባዋል” የጦር ኃይሎች ጠቅላይ ኢታማዦር ሹም

ባሕር ዳር፡ ሚያዝያ 26/2013 ዓ.ም (አሚኮ) ኢትዮጵያ ከመቼውም ጊዜ በላይ የውስጥና የውጭ ጠላቶች ግንባር ፈጥረው የተነሱባት አገር በመሆኗ ኢትዮጵያን ለማዳን ሁሉም አንድ መሆን ይገባዋል ሲሉ የጦር ኃይሎች ጠቅላይ ኢታማዦር ሹም ጄኔራል ብርሃኑ ጁላ ተናገሩ።

ጠቅላይ ኢታማዦር ሹም ጄኔራል ብርሃኑ ጁላ ይህንን ያሉት የኢፌዲሪ ባህር ኃይል የማዕረግ፣ የአርማ፣ የደንብ ልብስና የመሠረታዊ ባህረኞች ማሰልጠኛ ማዕከሉ ግንባታ በቢሾፍቱ ይፋ ባደረገበት ወቅት ነው።

ኢትዮጵያ የውስጥና የውጭ ጠላቶች ግንባር ፈጥረው የተነሱበት ወቅት ላይ እንገኛለን ያሉት ጠቅላይ ኤታማዦር ሹሙ፤ እነዚህ ጠላቶች አገሪቷን በማዳከም ከችግር እንዳትወጣ፣ ታላቅነቷን አስጠብቃ እንዳትሄድ እየሰሩ ነው ብለዋል።

በዚህም በኢትዮጵያ በተለያዩ ቦታዎች የሚፈጠሩትን ግጭቶች ሰራዊቱ በየቦታው እየሄደ እያመከነ ይገኛል ነው ያሉት። ይህ ሁሉ ትንኮሳ፣ ማናቆርና ህብረተሰቡን እርስበርሱ ማባላት ኢትዮጵያን ለማዳከም ነው ሲሉ ተናግረዋል። ፍላጎቱም አገሪቷ ስትዳከም ባላት ሃብት እንዳትጠቀም ማድረግ ነው ብለዋል።

ከመቶ ዓመታት ጀምሮ ኢትዮጵያን ለማዳከም የሚሰሩ ኃይሎች ዛሬ ተጠናክረው ሀገራችን ላይ ዘምተዋል ብለዋል ጠቅላይ ኤታማዦር ሹሙ። ባንዳዎችን ይዘው ሀገር ለማፍረስ እየተንቀሳቀሱ ያሉትን እነዚህን ኃይሎች በውጭ ወራሪ እንደማንቻል ስለሚያውቁ ከውስጣችን ሊያፈራርሱን ያስባሉ ነው ያሉት። ሕዝቡ ከሰራዊቱ ጎን በመቆም የተደገሰውን ለማክሸፍ መታገል ይኖርበታል ሲሉም አሳስበዋል።

ኢትዮጵያን ለማዳን ሁላችንም አንድ መሆን ይገባናል፤ ተሳስተው የጠላት መሳሪያ የሆኑ አካላትም ቆም ብለው ማሰብ እንደሚገባቸውና ለሀገራቸው ጥፋት እየደገሱ ለሌሎች ታሪካዊ ጠላቶች በር መክፈት የለባቸውም ነው ያሉት። ሠራዊቱም ደግሞ ኢትዮጵያን ለመጠበቅ በቁርጠኝነት እንደሚሰለፍና ኢትዮጵያ ወደፊት እንደምትራመድ ይህንንም ችግር እንደምትሻገር አስረድተዋል።

ኅብረተሰቡም ኢትዮጵያን ለመጠበቅና ከውጭ ወራሪዎች ለመከላከል አንድ ሆኖ እንዲቆም ጥሪ ማቅረባቸውን ኢዜአ ዘግቧል።

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

በመቐለ ከተማ የንግድ እንቅስቃሴ ተጀመረ

admin

በካናዳ የሚኖሩ ኢትዮጵያዊያን ከሁለት ሚሊየን የካናዳ ዶላር በላይ ግምት ያለው የሕክምና ቁሳቁስ አበረከቱ

admin

የኢትዮጵያ ዳያስፖራ በአገሪቷ ላይ የተከፈተውን ያልተገባ ጫና ለመመከት እየሰራ ነው

admin