76.68 F
Washington DC
June 17, 2021
Satenaw Ethiopian News/Breaking News
Amharic News

ኢትዮጵያና ሩሲያ በመረጃና ደህንነት ጉዳዮች የሚያደርጉትን ትብብር አጠናክረው እንደሚቀጥሉ ተገለጸ

አዲስ አበባ ፣ ሰኔ 2 ፣ 2013 (ኤፍ ቢ ሲ) ኢትዮጵያና ሩሲያ በመረጃና ደህንነት ጉዳዮች እንዲሁም በሌሎች መስኮች የሚያደርጉትን ሁሉን አቀፍ ትብብር አጠናክረው እንደሚቀጥሉ ተገልጿል፡፡

የብሄራዊ መረጃና ደህንነት አገልግሎት ዳይሬክተር ጄኔራል  ተመስገን ጥሩነህ በኢትዮጵያ ከሩሲያ አምባሳደር  ኢያቭገኒ ተርኪን ጋር በሁለትዮሽ ጉዳዮች ዙሪያ ውይይት አድርገዋል፡፡

በዚህ ወቅት ዳይሬክተር ጄኔራሉ ሁለቱ ሀገራት የረጅም አመት የታሪክና የባህል ትስስር ያላቸው መሆኑን አስታውሰው፤ ወቅታዊ የኢትዮጵያን ፈተና ለማሻገር እገዛ በሚያደርጉ መስኮች ትብብራቸውን አጠናክረው ለመቀጠል በሚያስችሉ ጉዳዮች ዙሪያ ውይይት ማድረጋቸውን አመልክተዋል፡፡

የብሄራዊ መረጃና ደህንነት አገልግሎት ነፃና ገለልተኛ እንዲሁም ዓለም አቀፍ ደረጃውን የጠበቀ ፕሮፌሽናል ተቋም ለመገንባት እያከናወናቸው ላሉ ተግባራት ከሩሲያ ጋር የሚደረገው ትብብር አቅም እንደሚፈጥርለት የጠቆሙት አቶ ተመስገን፤ የሁለቱ ሀገራት አጋርነት በችግር ወቅትም ተፈትኖ ፍሬያማ ስኬት የታየበት በመሆኑ በቀጣይም በመረጃና ደህንነት ዘርፍ ትብብሩ ተጠናክሮ ስለሚቀጥልበት ጉዳይ ውይይት መደረጉን ተናግረዋል፡፡

በኢትዮጵያ የሩሲያ አምባሳደር ኢያቭገኒ ተርኪን በውይይቱ ወቅት ፤ሩሲያ ከኢትዮጵያ ጋር በተለያዩ መስኮች ስታደርግ የነበረው ትብብር ተጠናክሮ ይቀጥላል ብለዋል፡፡

በተለይ ሀገራቱ በመረጃና ደህንነት ጉዳዮች ትብብራቸው ወደ ላቀ ደረጃ እንዲሸጋገር የተለያዩ ተግባራት እየተከናወኑ ነው፡፡

በዚህ ረገድ በቴክኖሎጂ ሽግግር፣ በአቅም ግንባታ መስክና በመረጃ ልውውጥ የተጠናከረ የጋራ ስራ ለማከናወን የሚያስችል ገንቢ ውይይት ከብሄራዊ መረጃና ደህንነት አገልግሎት ዳይሬክተር ጀነራል ጋር ማድረጋቸውን ገልፀዋል፡፡

ሩሲያ በተባበሩት መንግስታት የጸጥታው ምክር ቤት ቋሚ መቀመጫ ካላቸው አምስት ሀገራት አንዷ ናት፡፡

በትግራይ ከተካሄደው የህግ ማስከበር ዘመቻ ጋር በተያያዘ በሚነሱ አጀንዳዎች ዙሪያ ከሌሎች አጋር ሀገራት ጋር ከኢትዮጵያ ጎን በመቆም ሀገሪቱ የውስጥ ችግሮችን በራሷ መፍታት የምትችል ሉዓላዊ ሀገር መሆኗን በጸጥታው ምክር ቤትና በሌሎችም ዓለም አቀፍ መድረኮች እያንጸባረቀች ትገኛለች ሲል የብሄራዊ መረጃና ደህንነት አገልግሎት ለፋና ብሮድካስቲንግ ኮርፖሬት በላከው መግለጫ አመልክቷል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ዘወትር፦ ከእኛ ጋር ስላሉ እናመሰግናለን!

Source link

Related posts

መንግሥት ሀገራዊ ህልውናን አደጋ ላይ ለመጣል የሚሞክሩ የውስጥና የውጭ ፀረ ሰላም ኃይሎችን በምንም አይነት ሁኔታ እንደማይታገስ የደህንነትና ጸጥታ የጋራ ግብረ ኃይል አስታወቀ።

admin

የደቡብ ክልል ከፍተኛ የስራ ኃላፊዎች በሀዲያ ዞን ሻሾጎ ወረዳ ያልተጠናቀቁ ፕሮጀክቶችን ጎብኝተዋል

admin

የቀዳማዊት እመቤት ጽህፈት ቤት በቤኒሻንጉል ጉሙዝ ክልል ያስገነባቸውን ትምህርት ቤቶች አስመረቀ

admin