45.01 F
Washington DC
February 28, 2021
Satenaw Ethiopian News/Breaking News
Amharic News

አድማስ ሁለገብ የገበሬዎች የኅብረት ሥራ ማኀበራት ዩኒዬን ወጣቶችን የሥራ ዕድል ተጠቃሚ እያደረገ ነው።

አድማስ ሁለገብ የገበሬዎች የኅብረት ሥራ ማኀበራት ዩኒዬን ወጣቶችን የሥራ ዕድል ተጠቃሚ እያደረገ ነው።

ባሕር ዳር፡ የካቲት 07/2013 ዓ.ም (አብመድ) አድማስ ሁለገብ የገበሬዎች የኅብረት ሥራ ማኀበራት ዩኒዬን ከተለያዩ ዩኒቨርሲቲዎችና ማስልጠኛ ተቋማት በተለያዩ የሙያ መስኮች ለተመረቁ ወጣቶች የሥራ ዕድል መፍጠሩን አብመድ ከቦታው ተገኝቶ አረጋግጧል።

ወጣት ፈለጉሽ የኔት በአድማስ ሁለገብ የገበሬዎች የኅብረት ሥራ ማኀበራት ዩኒዬን በሽመና ዘርፍ ተቀጥረው ከሚሠሩ ወጣቶች አንዷ ናት። ዩኒዬኑ ለእሷና ለበርካታ ወጣቶች በእንጅባራ ከተማ የተለያዩ ፋብሪካዎችን በመክፈት የሥራ ዕድል ተጠቃሚ እንዳደረጋቸው ነው የገለጸችው። የኬሚስትሪ ምሩቅ መሆኗን የተናገረችው ወጣት ፈለጉሽ በዩኒዬኑ የሥራ ዕድል ከማግኘቷ በፊት ሥራ አጥ በመሆን ብዙ ጊዜዋን ከቤቷ ስታሳልፍ እንደነበር አስረድታለች።

በአድማስ ሁለገብ የገበሬዎች የኅብረት ሥራ ማኀበራት ዩኒዬን የሥራ ዕድል ተጠቃሚ መሆኗ ደግም ሥራ በማጣት ሲደርስባት የነበረውን መጨናነቅ በማስወገድ ከሥራ ቦታ እንድትውልና ተጠቃሚ ለመሆን እንዳስቻላት ተናግራለች።

“ዩኒዬኑ የአካባቢውን ኅብረተሰብ የኢኮኖሚ ተጠቃሚነት ለማረጋገጥ ልዩ ትኩረት ሰጥቶ እየሠራ ነው” ያለችው ወጣቷ እሷም ጊዜን በአግባቡ በመጠቀም ያላትን እውቀት ለዩኒዬኑ ለማበርከት ዝግጁ መሆኗን አስረድታለች።

ሌላው በዩኒዬኑ የሥራ እድል የተፈጠረለት ደግሞ ወጣት በላይ ጥላሁን ነው፡፡ ወጣቱ በከረጢት ማምረቻ ፋብሪካ ተቀጥሮ እየሠራ ነው፡፡ ከ2012 ዓ.ም ጀምሮ የሥራ ዕድል የተፈጠረለት መሆኑን ያስታወሰው ወጣት በላይ ወደ ሥራዉ ከመግባቱ በፊት የሙያ ስልጠና እንደተሰጠውም ተናግሯል። ይህ ደግሞ ውጤታማ ሥራ እንዲሠራ እንዳገዘዉም ጠቁሟል።

የአድማስ ሁለገብ የገበሬዎች የኅብረት ሥራ ማኅበር ዩኒዬን ቦርድ ሰብሳቢ ቀለሙ ጥሩነህ እንደገለጹት የገበሬዎች ኅብረት ሥራ ማኀበራት ዩኒዬን በ1996 ዓ.ም አምስት ወረዳዎችን ማዕከል በማድረግ በ16 መሠረታዊ ማኅበራት እና በ855 ሺህ ብር ሥራ ጀምሯል።

ዩኒዬኑ በሰው ኃይልና በቴክኖሎጂ እድገት እየታገዘ መሆኑን ያስረዱት የቦርድ ሰብሳቢው በአሁኑ ወቅት 245 ዜጎችን የሥራ ዕድል በመፍጠር ተጠቃሚ አድርጓልም ብለዋል። ሁሉም ፋብሪካዎች በሙሉ አቅማቸው ሥራ ሲጀምሩ ደግሞ ተጨማሪ 200 ሥራ ፈላጊዎችን መቅጠር እንደሚችል አስርድተዋል፡፡

ዘጋቢ፡- አዳሙ ሽባባው-ከእንጅባራ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የሰዎች ለሰዎች ድርጅት ለልማት ስራዎች 600 ሚሊየን ብር በጀት መድቦ እየተንቀሳቀሰ ነው

admin

“እኛ መለዮአችንን አወለቅን እንጅ ልባችን ከመከላከያ ሠራዊት አልወጣም” ተቀናሽ የመከላከያ ሠራዊት አባላት

admin

ለአዲሱ የሲዳማ ክልል መስተዳድር የተደረገው የክልሎች ድጋፍና አንደምታዎቹ | ዘ-ሐበሻ (ZeHabesha)

admin