55.89 F
Washington DC
April 13, 2021
Satenaw Ethiopian News/Breaking News
Amharic News

አይ ኤም ኤፍ በባለሙያዎች ደረጃ በተራዘመው የብድር እና የገንዘብ ድጋፍ አሰጣጥ ላይ ከኢትዮጵያ ጋር ስምምነት ላይ መድረሱን አስታወቀ

አዲስ አበባ ፣ የካቲት 17 ፣ 2013 (ኤፍ ቢ ሲ) የዓለም አቀፉ የገንዘብ ተቋም (አይ ኤም ኤፍ) የባለሙያዎች ቡድን በሁለት ዙር በገመገመው የተራዘመ የብድር እና የገንዘብ ድጋፍ አሰጣጥ ላይ ከኢትዮጵያ ጋር ስምምነት ላይ መድረሱን አስታወቀ፡፡

በሶናሊ ጃይን ቻንድራ የተመራው ቡድን ከገንዘብ ሚኒስትሩ አቶ አህመድ ሺዴ፣ ከብሄራዊ ባንክ ገዢ ዶክተር ይናገር ደሴ፣ ከገንዘብ ሚኒስትር ዲኤታው ዶክተር ኢዮብ ተካልኝ፣ ከምክትል ገዢው ፍቃዱ ሁሪሶ እና ከመንግስት ከፍተኛ ባለስልጣናትና ከግሉ ዘርፍ ተወካዮች ጋር በበይነ መረብ ተወያይተዋል፡፡

ውይይቱ በዋናነት ተቋሙ በሁለት ዙር የገመገመው የተራዘመ የብድር እና እርዳታ አሰጣጥ፥ በኮቪድ19 ምክንያት የሚደርሰውን ተፅዕኖ በማመጣጠን እንዲሁም የሃገር ውስጥ ደህንነትን በማረጋገጥ የፖሊሲ ማሻሻያዎቹ ለጠንካራና አካታች እድገት መሰረት መጣላቸውን ማረጋገጥን አላማ ያደረገ ነበር፡፡

የአይ ኤም ኤፍ የባለሙያዎች ቡድን ከኢትዮጵያ ጋር በሁለት ዙር በገመገመው የተራዘመ የብድር እና የገንዘብ ድጋፍ አሰጣጥ ላይ መስማማታቸውን ገልጸዋል፡፡

ከዚህ ቀደም አይ ኤም ኤፍ ለኢትዮጵያ የ2 ነጥብ 9 ቢሊየን ዶላር ብድር ማፅደቁ ይታወሳል፡፡

ያንን ተከትሎም ኢትዮጵያ ተቋሙ የተራዘመ የብድርና የገንዘብ መመለሻ ስርአትን እንዲተገብር የጠየቀች ሲሆን፥ ለዚህ ይረዳ ዘንድም የተለያዩ የፖሊሲ ማሻሻያዎችን መተግበሯም ይታወሳል፡፡

የተቋሙ ባለሙያዎችም በሃገር ደረጃ የተተገበሩ ኢኮኖሚያዊና ሌሎች የፖሊሲ ማሻሻያዎችን የገመገሙ ሲሆን፥ ማሻሻያዎቹ ውጤታማ እንደነበሩም ገምግመዋል፡፡

ኮቪድ19 በኢትዮጵያ ማህበራዊ፣ ኢኮኖሚያዊ እንዲሁም በጤናው ዘርፍ ከፍ ያለ ተፅዕኖ መፍጠሩን ተቋሙ አስታውሷል፡፡

በሃገር ደረጃ የተተገበሩት የፖሊሲ ማሻሻያዎችም በሃገሪቱ ከኮቪድ19 ጋር በተያያዘ ይደርስ የነበረውን ኢኮኖሚያዊ፣ ማህበራዊና የጤና ተፅዕኖ መቀነስ መቻሉ በባለሙያዎች ቡድን ተገምግሟል፡፡

ይህም ማክሮ ኢኮኖሚው እንዲረጋጋ በማድረግ የራሱን አስተዋጽኦ ማድረጉም በውይይቱ ወቅት ተጠቅሷል፡፡

ከዚህ ባለፈም ብሄራዊ ባንክ በባንኮች ላይ የገንዘብ እጥረት እንዳይከሰት ለማድረግ ለባንኮች ገንዘብ በማከፋፈል የወሰደው እርምጃም ውጤት ማሳየቱም ተነስቷል፡፡

የተወሰዱት ኢኮኖሚያዊ ማሻሻያዎች ኮቪድ19 በሃገሪቱ ኢኮኖሚያዊ እድገት ላይ የሚያሳድረውን ተፅዕኖ መነቀስ እና መቋቋም ማስቻሉም ነው የተነሳው፡፡

ኮቪድ19 ባስከተለው ተፅዕኖ ሳቢያ 23 በመቶ ደርሶ የነበረው የዋጋ ግሽበት አሁን ላይ ወደ 19 በመቶ መውረዱም በዚህ ወቅት ተገልጿል፡፡

በአንጻሩ አሁን ላይ ምግብ ነክ የሆኑ ሸቀጦች ዋጋ ጭማሪ ማሳየቱንንም ነው የገለጸው፡፡

በተያዘው በጀት አመት 2 በመቶ ኢኮኖሚያዊ እድገት እንደሚመዘገብ ያነሳው ቡድኑ፥ በፈረንጆቹ 2021/2022 የዓለም ኢኮኖሚ እንደሚያገግም በማውሳት ኢትዮጵያ 8 ነጥብ 7 በመቶ እድገት ታስመዘግባለችም ብሏል፡፡

አሁን ላይ የተቀማጭ ገንዘብ ክምችትም የዋጋ ግሽበቱን ወደ ነጠላ አሃዝ ለማምጣት የተያዘውን እቅድ ለማሳካት ማገዝ ያስችላልም ነው ያለው፡፡

ሃገር በቀል ኢኮኖሚያዊ ማሻሻያውን ያደነቀው ተቋሙ፥ ማሻሻያው የግሉ ዘርፍ በኢኮኖሚው ላይ ያለውን ተሳትፎ ለማሳደግ እንደሚያስችልም አስረድቷል፡፡

አሁን በባለሙያዎች ደረጃ የተደረሰው ስምምነት ፀድቆ ተግባራዊ ይሆን ዘንድም ለተቋሙ የዳይሬክተሮች ቦርድ ቀርቦ መፅደቅ እና ከዓለም አቀፍ አጋሮች ከገንዘብ አቅርቦት ጋር በተያያዘ ማስተማመኛ መገኘት ይኖርበታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

አክሱም ዩኒቨርሲቲ ተመራቂ ተማሪዎችን ጥር 20 እና 21 በመቀሌ ዩኒቨርሲቲ ኹሓ ካምፓስ ተቀብሎ እንደሚያስተምር አስታወቀ

admin

በትግራይ ክልል ለተፈጠረው ሰብዓዊ ቀውስ ተጠያቂው ህወሃት ነው ሲል የተባበሩት መንግሥታት ድርጅት የልማት ፕሮግራም ሰነድ አረጋገጠ፡፡

admin

የአማራ ክልል ሰንደቅ ዓላማ የክልሉን ሕዝብ ሥነ ልቦና፣ መልክዓ ምድር እና የተፈጥሮ ሃብቶች የሚወክል ሊሆን እንደሚገባ ደራሲ ጌታቸው በለጠ አመላከቱ፡፡

admin