82.62 F
Washington DC
June 22, 2021
Satenaw Ethiopian News/Breaking News
Amharic News

አቶ ደመቀ መኮንን ከሞሮኮ የውጭ ጉዳይ ሚኒስትር ጋር ተወያዩ

አዲስ አበባ ፣ ግንቦት 18 ፣ 2013 (ኤፍ ቢ ሲ) የውጭ ጉዳይ ሚኒስትር እና ምክትል የውጭ ጉዳይ ሚኒስትር ደመቀ መኮንን ከሞሮኮ የውጭ ጉዳይ ሚኒስትር ናስር ቦሪታ ጋር ተወያዩ፡፡

በውይይታቸው ወቅትም የሃገራቱን የሁለትዮሽና ዓለም አቀፋዊ ትብብር ማጠናከር በሚቻልባቸው መንገዶች ላይ መክረዋል፡፡

አቶ ደመቀ በዚህ ወቅት በኢትዮጵያ ወቅታዊ ጉዳዮች ላይ በተለይም በህዳሴ ግድብ፣ በኢትዮ ሱዳን የድንበር ውዝግብ እና ከመጪው ሃገራዊ ምርጫ ጋር በተያያዘ ገለጻ አድርገዋል፡፡

አያይዘውም ሃገራቱ በሞሮኮው ንጉስ ሞሃመድ 4ኛ ጉብኝት ወቅት ለተፈራረሟቸው የመግባቢያ ስምምነቶች ተግባራዊነት መስራት እንደሚገባቸውም ተናግረዋል፡፡

ከዚህ ባለፈም በሃገራቱ የጋራ ጥምረት የሚገነባውን የማዳበሪያ ፋብሪካ ወደ ስራ ማስገባትና ሃገራቱን በቀጥታ የአየር ትራንስፖርት ማስተሳሰር ያለውን ኢኮኖሚያዊ ፋይዳ በተመለከተ አንስተዋል፡፡

በተጨማሪም ሞሮኮ ለተመድ የኢንዱስትሪ ልማት ድርጅት ዳይሬክተርነት ለሚወዳደሩት ዶክተር አርከበ ዕቁባይ ድጋፍ እንደምትሰጥ ያላቸውን እምነትም ገልጸዋል፡፡

የሞሮኮው የውጭ ጉዳይ ሚኒስትር ናስር ቡሪታ በበኩላቸው ለተደረገላቸው ገለጻ አመስግነው፥ ኢትዮጵያ ድንበሯንና ሉዓላዊነቷን ለማስከበር የምታደርገውን ጥረት ሃገራቸው ትደግፋለች ብለዋል፡፡

ከህዳሴው ግድብና ከኢትዮ ሱዳን የድንበር ውዝግብ ጋር በተያያዘም፥ በሁሉም አካላት በኩል ሰላማዊ የሆነ መፍትሄ እንደሚደረስ እምነታቸው መሆኑን ነው የገለጹት፡፡

አያይዘውም በሃገራቱ መካከል ኢኮኖሚያዊ ትስስር መፍጠር እንደሚገባ መናገራቸውን የውጭ ጉዳይ ሚኒስቴር መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

የምርት ብክነትንና የጥራት መጓደልን የሚቀንሱ ቴክኖሎጂዎችን በመጠቀም ተጠቃሚ መሆን እንደቻሉ አርሶ አደሮች ተናገሩ፡፡

admin

ኢትዮ-ቴሌኮም በሰሜን ምዕራብ ሪጅን የአራተኛ ትውልድ (4ጂ) የኢንተርኔት አገልግሎት ጀመረ

admin

የኮሮናቫይረስ ወረርሽኝ እያስከተለ ያለውን የከፋ ጉዳት በመረዳት ቅድመ መከላከል ሥራዎች ላይ ማተኮር እንደሚገባ ተገለጸ፡፡

admin