55.89 F
Washington DC
April 13, 2021
Satenaw Ethiopian News/Breaking News
Amharic News

አምባሳደር አለማየሁ ተገኑ ከሩሲያ ምክር ቤት የዓለም አቀፍ ጉዳዮች ኮሚቴ ሊቀመንበር ጋር ተወያዩ

አዲስ አበባ፣ ጥር 14፣ 2013 (ኤፍ ቢ ሲ) በሩሲያ የኢትዮጵያ ባለሙሉ ሥልጣን አምባሳደር አለማየሁ ተገኑ ከሩሲያ ምክር ቤት የዓለም አቀፍ ጉዳዮች ኮሚቴ ሊቀመንበር ኮንስታንቲን ኮሳቼቭ ጋር በቪዲዮ ኮንፈረንስ ተወያዩ ፡፡

በውይይታቸው አምባሳደር አለማየሁ በኢትዮጵያ ወቅታዊ ሁኔታ ላይ ማብራሪያ ሰጥተዋል።

በማብራሪያቸው ባለፉት ሁለት ሳምንታት ውስጥ የትግራይ ክልል ሁኔታ በከፍተኛ ሁኔታ መሻሻሉን ጠቅሰው የሰላምና የፀጥታ ሁኔታ ለማረጋጋት፣ በህወሓት ጁንታ የተጎዱ የመሰረተ ልማት አውታሮችን ጠግኖ ወደ አገልግሎት ለመመለስ ጥረት እየተደረገ መሆኑን፣ መንግስታዊ አገልግሎቶችን ለማስቀጠል የትግራይ ክልል ጊዜያዊ አስተዳደር እየተደረገ ያለው ርብርብ መቀጠሉን እና የሰብዓዊ እርዳታ የማዳረስ ጥረቶችን በተመለከተ ገልፀዋል፡፡

ከሱዳን ጋር ያለውን የድንበር ጉዳይ በተመለከተ ደግሞ ኢትዮጵያ በምስራቅ አፍሪካ ቀጠናዊ ሰላምና መረጋጋት ለማምጣት የሚያስችል ዘላቂ መፍትሄ የሚያመጣ የዲፕሎማሲያዊ መፍትሄን በመጠቀም ጉዳዩን በሰላማዊ መንገድ መፍታት እንደምትፈልግ እና የተሻለ አማራጭ እሱ ብቻ እንደሆነ በጽኑ እንደምታምንም አረጋግጠዋል ፡፡

የሩሲያ ምክር ቤት የዓለም አቀፍ ጉዳዮች ኮሚቴ ሊቀመንበር በበኩላቸው የኢትዮጵያን ወቅታዊ ሁኔታን በሚገባ መረዳታቸውን ጠቅሰው ኢትዮጵያ ያጋጠማትን ፈታኝ ሁኔታ ለመወጣት ያደረገችውን ዘመቻ ሀገራቸው ትደግፈዋለች ብለዋል።

እንዲሁም ለአካባቢያዊ ሰላም በአጠቃላይ እና ከሱዳን ጋር በድንበር አካባቢ ያጋጠመውን ጉዳይ በመግባባት መፍታት ቁልፍ መፍትሄ መሆኑንም ጠቁመዋል ፡፡

በሌላ በኩል በሩሲያና በኢትዮጵያ መካከል በፖለቲካ ፣ በንግድ ፣ በኢኮኖሚ ፣ በባህልና በሰብአዊ ጉዳዮች ዙሪያ ያለውን ትብብር ለማጠናከር እንደሚሰሩ ገልፀው በሁለቱ ሃገራት መካከል የፓርላማ ለፓርላማ ትብብር ማጠናከር ልዩ ትኩረት መስጠት እንደሚገባ መናገራቸውን ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመላክታል፡፡

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ዘወትር ከእኛ ጋር ስላሉ እናመሰግናለን!

Source link

Related posts

አጼ ቴወድሮስ ከቋራ እስከ መቅደላ የሠሩትን ታሪክና አካባቢውን የቱሪዝም መዳረሻ ለማድረግ መሥራት እንደሚገባ ተገለጸ።

admin

የግብርና ምርቶችን ለሚያቀነባብሩ ፋብሪካዎች ሀገር በቀል ግብዓት እንዲያገኙ ታቅዶ እየተሠራ መሆኑን የግብርና ሚኒስቴር አስታወቀ፡፡

admin

ኢትዮጵያና ጃፓን የሀገራቱን የህዝብ ለህዝብ ግንኙነት በሚያጠናክሩ ጉዳዮች ዙሪያ መከሩ

admin