76.66 F
Washington DC
June 13, 2021
Satenaw Ethiopian News/Breaking News
Amharic News

አሜሪካ የጣለችው የቪዛ ክልከላ የሃገራቱን የክፍለ ዘመናት ግንኙነት የሚሸረሽር ነው – የዳያስፖራ አባላት

አዲስ አበባ ፣ ግንቦት 17 ፣ 2013 (ኤፍ ቢ ሲ) አሜሪካ የጣለችው የቪዛ ክልከላ ሁለቱ ሃገራት ለክፍለ ዘመናት የነበራቸውን የጠነከረ ግንኙነት የሚሸረሽር መሆኑን ኢትዮጵያውያን እና የኢትዮጵያ ዳያስፖራ ማህበረሰብ አባላት ገለጹ፡፡

በተለያዩ ሃገራት የሚኖሩ ኢትዮጵያውያን የዳያስፖራ ማህበረሰብ አባላት ውሳኔው አግባብነት የሌለው በመሆኑ ቆም ብሎ ማሰብ እንደሚገባም አስገንዝበዋል፡፡

የዳያስፖራ ማህበረሰብ አባላቱ የማህበረሰብ አንቂዎች፣ የህግ ባለሙያዎች፣ በተለያዩ ዓለም አቀፍ ሚዲያዎች የሚጽፉ አምደኞችን ጨምሮ በተለያዩ ሙያዎች ላይ የተሰማሩ ናቸው፡፡

የ ጆ ባይደን አስተዳደር በተለያዩ ምክንያቶች ነው በሚል በኢትዮጵያ የስራ ኃላፊዎች ላይ የቪዛ ክልከላ መጣሉ ይታወሳል፡፡

ይህን አስመልክቶም የዳያስፖራ ማህበረሰብ አባላቱ ክልከላው አግባብነት የሌለው መሆኑን ገልጸዋል፡፡

ከዚህ ባለፈም አሜሪካ የሰብዓዊ ጉዳዮችን ለታላቁ የህዳሴ ግድብ እንደ መደራደሪያ ለመጠቀም ማሰቧን በመጥቀስ አካሄዱ የተሳሳተ መሆኑንም አስታውቀዋል፡፡

እንዲሁም አሜሪካ እና ኢትዮጵያ ለክፍለ ዘመናት የነበራቸውን ፖለቲካዊና ኢኮኖሚያዊ የጠነከረ ግንኙነት የሚሸረሽር በመሆኑ ቆም ብሎ ማሰብ እንደሚገባ ገልፀዋል፡፡

ክልከላው ተገቢ እንዳልሆነ በመጥቀስም አሜሪካ ከአሜሪካ ካፒታል አመፅ አራማጆች ጋር ለመደራደር እንደማትችል ሁሉ የኢትዮጵያ መንግስትም ከህወሃት ጋር እንዲደራደር ማስገደድ የማይታሰብ ነው ብለዋል፡፡

በሌላ በኩልም የጆ ባይደን አስተዳደር የውጭ ፖሊሲ እርስ በራሱ የተጣረሰና ወጥነት የሌለው ነው ሲሉ አውስተዋል፡፡

የዳያስፖራ ማህበረሰብ አባላቱ ከዚህ አንፃር ቀጠናዊ የፀጥታ፣የሰላምና ደህንነት ጉዳዮች ላይ ትኩረት ሰጥቶ መስራት እንደሚያስፈልግ አውስተዋል፡፡

እንዲሁም አንድነትን ማጠናከርና ቋሚ የሆነ የገቢ ማሰባሰቢያ መንገድ ሊፈጠር ይገባል ነው ያሉት፡፡

ይህም በቀጣይ ሊፈጠር የሚችለውን ኢኮኖሚያዊ ጫናን መቋቋም እንደሚያስችል በመጥቀስ፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ዘወትር፦ ከእኛ ጋር ስላሉ እናመሰግናለን!

Source link

Related posts

“…ለወራት ያጣጣምነውን ነፃነት ለዓመታት ማጣጣም ስለምንሻ የአማራ ልዩ ኀይልንና ሚሊሻ አይንኩብን”የአካባቢው ነዋሪዎች

admin

ጊዜ ቆጣቢ እና ምርትን ከብክነት ሊታደጉ የሚችሉ የግብርና ቴክኖሎጂዎችን እያስተዋወቀ መሆኑን “ሳሳካዋ አፍሪካ አሶሴሽን” የተባለ ግብረሰናይ ድርጅት አስታወቀ፡፡

admin

በምሥራቅ ወለጋ ዞን ከ114 ሚሊየን በላይ የቡና ችግኝ ተዘጋጀ

admin