73.2 F
Washington DC
June 14, 2021
Satenaw Ethiopian News/Breaking News
Amharic News

አማራ ሚዲያ ኮርፖሬሽን በአዊኛ እና ኽምጣና ቋንቋዎች የቴሌቪዥን የአየር የሰዓት ማሻሻያ ማድረጉ ለቋንቋዎቹ እድገት የጎላ አስተዋጽኦ እንዳለው የኮርፖሬሽኑ የቦርድ ሰብሳቢ አቶ አብረሃም አለኸኝ ገለጹ፡፡

አማራ ሚዲያ ኮርፖሬሽን በአዊኛ እና ኽምጣና ቋንቋዎች የቴሌቪዥን የአየር የሰዓት ማሻሻያ ማድረጉ ለቋንቋዎቹ እድገት የጎላ አስተዋጽኦ እንዳለው የኮርፖሬሽኑ የቦርድ ሰብሳቢ አቶ አብረሃም አለኸኝ ገለጹ፡፡

ባሕር ዳር: ግንቦት 16/2013 ዓ.ም (አሚኮ) አማራ ሚዲያ ኮርፖሬሽን በአዊኛ እና ኽምጣና ቋንቋዎች የቴሌቪዥን የአየር ሰዓት ማሻሻያ አደርጓል።

አማራ ሚዲያ ኮርፖሬሽን ከዚህ በፊት በኽምጣና ቋንቋ ሥርጭቱን ሰኞ ከ7፡00 እስከ 8፡00 እንዲሁም በአዊኛ ቋንቋ ዘወትር ማክሰኞ በተመሳሳይ ሰዓት የነበረውን የቴሌቪዥን ሥርጭት በማሻሻል በኹለቱም ቋንቋዎች ከሰኞ እስከ አርብ የ30 ደቂቃ ስርጭት መጀመሩን የኮርፖሬሽኑ ቦርድ ሰብሳቢ አቶ አብርሃም አለኸኝ ገልጸዋል።

የኮርፖሬሽን የቦርድ ሰብሳቢ አቶ አብርሃም አለኸኝ ዛሬ በሰጡት መግለጫ እንዳሉት የአዊኛ እና የኽምጣና ቋንቋዎችን የቴሌቪዥን ሥርጭት ወደ ተሻለ ደረጃ ለማድረስ የኮርፖሬሽኑ ሥራ አመራር ቦርድ በእቅድ ይዞ ሲሠራበት የቆየ ነው፡፡ በእቅዱ መሰረትም ከግንቦት 16/2013 ዓ.ም ጀምሮ በኽምጣና ከ7፡00 እስከ 7፡30 እንዲሁም በአዊኛ 7፡30 እስከ 8፡00 ዘወትር ከሰኞ እስከ አርብ ይተላለፋል ብለዋል፡፡

ኮርፖሬሽኑ ለቋንቋዎቹ እድገት ያላሰለሰ ጥረት እያደረገ መሆኑን ተናግረዋል፡፡

ዛሬ የተደረገው የአዊኛ እና የኽምጣና ቋንቋዎች የአየር ሰዓት ማሻሻያ የትልቅ ታሪክ ባለቤት የኾነው፣ የረጅም ዓመታት የቋንቋው ተናጋሪ ሕዝብ የራሱን ባሕል፣ ታሪክ እና ቋንቋ ለማሳደግ ትልቅ ሚና ይኖረዋል ብለዋል፡፡

አሚኮ በቅርቡ በትግርኛ ቋንቋ ሥርጭት መጀመሩን እና የኦሮምኛ ቋንቋ ሥርጭትን የአየር ሰዓት ማሻሻያ ማድረጉን አስታውሰዋል፡፡ በቀጣይ በአረበኛ፣ በሱማሊኛ፣ በጉምዝኛ እና በግዕዝ ቋንቋዎች ሥርጭት ለመጀመር ኮርፖሬሽኑ ልዩ ትኩረት ሰጥቶ እየሠራ መሆኑን አስታውቀዋል፡፡

አማራ ሚዲያ ኮርፖሬሽን በአሁኑ ወቅት ወደ አድማጭ ተመልካቾች በአንድ የቴሌቪዥን ጣቢያ ተደራሽ እየሆነ እንደሚገኝ የገለጹት አቶ አብርሃም በቀጣይ ኹለተኛ የቴሌቪዥን ጣቢያ ለመክፈት ቅድመ ዝግጅቶችን እያደረገ ነው ብለዋል፡፡ ኹለተኛው ጣቢያ ሥራ ሲጀምር የቋንቋዎቹ የአየር ሰዓት ማስፋፊያ እንደሚደረግ ጠቁመዋል፡፡

አሚኮ ዓለም የደረሰበትን የመገናኛ ዘዴ በመጠቀም ለሕዝቡ መረጃ እያደረሰ የሚገኝ ተቋም መኾኑንም አቶ አብረሃም አንስተዋል፡፡ እነዚህን መገናኛ ዘዴዎች በመጠቀም ሀገርኛ ቋንቋዎችን ለማሳደግ ጥረት እየተደረገ መሆኑንም ገልጸዋል፡፡

በዋግኽምራ ብሔረሰብ አስተዳደር የራዲዮ የተደራሽነት ችግርን ለመፍታት በሰቆጣ ከተማ የኤፍ ኤም ራዲዮ ጣቢያ ግንባታ እየተጀመረ መሆኑን ጠቅሰዋል፡፡

የመረጃ ምንጮችን በተመለከተ “በአዊኛ እና በኽምጣና ቋንቋዎች የምሁራን ተሳትፎ በጣም ዝቅተኛ ነው” ያሉት አቶ አብርሃም ተሳትፎአቸው ሊያድግ እንደሚገባ አመላክተዋል፡፡

“ቋንቋው ማደግ አለበት” ብሎ መወያየት እና መነጋገር ብቻ ሳይኾን ምሁራን በተግባር በመሳተፍ የጎላ ሚናቸውን ሊጫወቱ ይገባል ብለዋል፡፡ ይህ ካልሆነ ቋንቋው በምኞት እና በፍላጎት ብቻ ማሳደግ አይቻልም ነው ያሉት፡፡

ዘጋቢ ፡- አዳሙ ሽባባው

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

‹‹የኢንዱስትሪ መንደር መጠንሰሻዋ ከተማ ትኩረት ትሻለች››

admin

እነ ስብሃት ነጋ ጥያቄያቸው ውድቅ ሆነ

admin

ሰላም ለአገራችን፣ምህረት ለሕዝባችን – ጆቢር ሔይኢ ከሁስታን ቴክሳስ | Ethiopian News | ዘ-ሐበሻ | Latest News Provider

admin