76.66 F
Washington DC
June 13, 2021
Satenaw Ethiopian News/Breaking News
Amharic News

አሚኮ ሀገራዊ ብሎም ቀጣናዊ መገናኛ ብዙኃን ለመኾን እያደረገው ያለውን ጥረት እንደሚያደንቁ የኮርፖሬሽኑ ተከታዮች ተናገሩ፡፡

አሚኮ ሀገራዊ ብሎም ቀጣናዊ መገናኛ ብዙኃን ለመኾን እያደረገው ያለውን ጥረት እንደሚያደንቁ የኮርፖሬሽኑ ተከታዮች ተናገሩ፡፡

ባሕር ዳር፡ ግንቦት 25/2013 ዓ.ም (አሚኮ) አማራ ሚዲያ ኮርፖሬሽን በሁሉም ፕሮግራሞች አድማሱን እያሰፋ ይገኛል፡፡ ኮርፖሬሽኑ ጥራታቸውን የጠበቁና ወቅታዊ የኾኑ መረጃዎችን ለማኅበረሰቡ እያደረሰ ይገኛል፡፡ ኮርፖሬሽኑ እየሰጠ የሚገኘውን አገልግሎት በተመለከተ ተከታዮቹ አስተያየታቸዉን ሰጥተዋል፡፡

የደሴ ከተማ ነዋሪው አቶ በየነ ፈንታው አሚኮ በተለይ ከለውጡ በኋላ ተጨባጭ የኾነ መሻሻልን እንዳሳየ ተናግረዋል፡፡ ባለፉት ሦስት ዓመታት ኮርፖሬሽኑ በአማራ ሕዝብ ላይ ሲደርስ የነበረውን ግፍና ጭቆና አውጥቶ በማሳየት፤ አማራን አስመልክቶ ለበርካታ ዓመታት ሲሰራጭ የነበረውን የሀሰት ትርክት የተሳሳተ መኾኑን በማሳወቅ አኩሪ ተግባራት መፈፀሙን አቶ በየነ አስረድተዋል፡፡

ኮርፖሬሽኑ በየወቅቱ የተለያዩ ምሁራንን በማሳተፍ የአሁኑ ትውልድ እውነተኛ መረጃ እንዲያገኝ የሄደው ርቀት አበረታች መኾኑንም ነው ነዋሪው የጠቆሙት፡፡

ኮርፖሬሽኑ የአማራ ሕዝብ ወግ፣ ባሕልና ትውፊት ጎልተው እንዲወጡ ሰፊ ሥራ መሥራቱን እንደሚገነዘቡ የነገሩን አቶ በየነ አሚኮ ተረስተው የቆዩ ቅርሶችን በማስተዋወቅና በአሁኑ ትውልድ እየተረሱ የመጡ ሀገር በቀል ባሕላዊ ጨዋታዎች፣ ወጎችና ልምዶች እንዲታወቁ በማድረግ የሠራው ሥራ ከፍተኛ መኾኑን አስረድተዋል፡፡

‹‹በተለይ የአርሶአደሮች ወግ በሚል በኮርፖሬሽኑ እየተላለፈ የሚገኘው ዝግጅት ምንጊዜም አይረሳኝም›› ብለዋል፡፡ አሚኮ በክልሉ ፍትሐዊ ያልኾነ የኀይል አቅርቦት መኖሩን በተደጋጋሚ ሲሞግት ቆይቷልም ብለዋል፡፡

ኮርፖሬሽኑ የክልሉ የጀርባ አጥንት የኾነው ግብርና ላይ ትኩረት አድርጎ የሠራው ሥራ ውጤት ማስመዝገቡንም አቶ በየነ ገልጸዋል፡፡ በአማራ ክልል ውስጥ የሚገኙ ብሔር ብሔረሰቦች ከሌሎች ወንድሞቻቸው ጋር በባህል፣ በአብሮነትና በሌሎችም እንዲተዋወቁና እንዲተሳሰሩ አሚኮ በሁሉም ሚዲየሞቹ ሥራ መሥራቱን ተናግረዋል፡፡ በሁሉም ሚዲየሞቹ በቋንቋቸው እንዲሳተፉ ማድረጉ ሊመሰገንና ለሌሎች አርአያ ሊኾን የሚገባው ነውም ብለዋል፡፡ ኮርፖሬሽኑ ወደፊትም ቢኾን በሁሉም ጉዳይ ላይ ቀዳሚ በመኾን ወደኋላ ማለት እንደሌለበት አቶ በየነ ጠቁመዋል፡፡

አቶ ባዩ በዛብህ የጎንደር ከተማ ነዋሪ ናቸው፡፡ አሚኮ ወቅታዊ የኾኑ ክልላዊ፣ ሀገራዊና ዓለምአቀፋዊ ጉዳዮችን ማስተናገዱ ጥሩ ነው ብለዋል፡፡ አሚኮ የሕዝብን አጀንዳ ወደ መንግሥት፣ የመንግሥትን አጀንዳ ወደ ሕዝብ በማገናኘት በርካታ አገልግሎቶችን ሲሰጥ ቆይቷል እየሰጠም ይገኛልም ነው ያሉት፡፡

አቶ ባዩ አሚኮ በየወቅቱ ተደራሽነቱን እያሰፋ መሄዱ ሁሉም ኅብረተሰብ ባለበት መረጃ እንዲደርሰው ስለሚያደርግ ተጠናክሮ መቀጠል እንዳለበት አስገንዝበዋል፡፡ ኮርፖሬሽኑ ወደፊትም ቢኾን ኢትዮጵያዊ ይዘት ያላቸው ጉዳዮች ላይ በማተኮር ከክልል በዘለለ ሀገራዊ መገናኛ ብዙኃን መኾን እንደሚገባው አቶ ባዩ አስረድተዋል፡፡

“ኢትዮጵያ ውስጥ የሚገኙ መገናኛ ብዙኃን ሀገራዊ ሚዲያ መኾን አለባቸው፤ አሚኮም የጀመረውን ለውጥ ማጠናከር አለበት” ብለዋል፡፡

ዘጋቢ፡- ቡሩክ ተሾመ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ሕዝቡ በበዓል ግብይት ጊዜ በሐሰተኛ ገንዘብ እንዳይታለል ጥንቃቄ ማድረግ እንዳለበት ተገለጸ፡፡

admin

“ለውጭ ኃይሎች ልናረጋግጥላቸው የምንወደው የወልቃይት ጠገዴ አማራዎች ያስመለስነው ማንነት እንጂ የነጠቅነው መሬት የለም” አቶ አሸተ ደምለው የወልቃይት ጠገዴ ሰቲት ሑመራ አስተዳዳሪ

admin

በመቐለ ከተማ ማዕከል በማቋቋም እርዳታ በቅርበት ለወረዳዎች እንዲዳረስ እየተደረገ  ነው

admin