64.24 F
Washington DC
April 14, 2021
Satenaw Ethiopian News/Breaking News
Amharic News

ነጻነት እና እኩልነት ፓርቲ የምርጫ ምልክቱን እና ማኒፌስቶውን ይፋ አደረገ

አዲስ አበባ ፣ ሚያዝያ 1 ፣ 2013 (ኤፍ ቢ ሲ) ነጻነት እና እኩልነት ፓርቲ ለስድስተኛው ዙር ሀገር አቀፍ ምርጫ የሚወዳደርበትን የምርጫ ምልክት እና ማኒፌስቶ ይፋ አድርጓል።

የነጻነት እና እኩልነት ፓርቲ ሊቀመንበር ዶክተር አብዱልቃድር አደም የፓርቲው ማኒፌስቶ የሀገሪቱን፣ የአህጉሩን ብሎም ዓለም አቀፍ ነባራዊ ሁኔታውን ታሳቢ ያደረገ መሆኑን ገልጸዋል።

በምርጫ ምልክት እና ማኒፌስቶ ማስተዋወቂያ መድረኩ ላይ የፓርቲው ራዕይ፣ ተልዕኮ እና ዓላማዎች ተዘርዝረዋል።

የፓርቲው ራዕይ አስተማማኝ ሰላምና ዘላቂ ኢኮኖሚያዊ እድገት የተረጋገጠባት፣ ዜጎች የዘር፣ የቋንቋ፣ የባህል፣ የሀይማኖት፣ የፖለቲካ አመለካከት ወዘተ ልዩነት ሳይደረግባቸው በብሔራዊ ጉዳዮች እኩል የሚሳተፉባት እና ከልማቷ እኩል ተጠቃሚ የሚሆኑባት የበለጻገች እና ዴሞክራሲያዊት ሀገር እውን ሆና ማየት እንደሆነ ተገልጿል።

ተልእኮው ደግሞ፣ መልካም አስተዳደር እና የሕግ የበላይነት የተረጋገጠባት፣ የፖለቲካ ሥልጣን ከሕዝብ እና ከሕዝብ ብቻ የሚመነጭበት የፖለቲካ ባህል የዳበረባት፣ ዜጎች ማኅበራዊ እና ኢኮኖሚያዊ እድሎችን ፍትሐዊ በሆነ መንገድ የሚጠቀሙባት ዴሞክራሲያዊ ሥርዓት መገንባት መሆኑ ነው የተገለጸው።

ከፓርቲው ዓላማዎች መካከል፣ አካታች እና ዘላቂ ኢኮኖሚ በመገንባት ድህነትን መቀነስ ብሎም ማጥፋት፣ ማኅበራዊ፣ ኢኮኖሚያዊና ፖለቲካዊ ፍትሕን ማስፈን፤ የሰብዓዊ እና ዴሞክራሲዊ መብቶች እንዲከበሩ ማድረግ፣ የሕግ የበላይነትን እውን ማድረግ እና ነጻ የፍትሕ ሥርዓት መገንባት፤ የብሔሮች እና ብሔረሰቦችን ቋንቋ እና ባህል በእኩልነት ለማበልጸግ፣ ሁሉንም የሀገራችንን ክልሎች ልማት ፍትሐዊ በሆነ መንገድ ለማረጋገጥ የሚያስችል እውነተኛ የፌዴራል ሥርዓት መገንባት የሚሉ ይገኙባቸዋል።

የፓርቲው የምርጫ ምልክት ብዕር መሆኑን ኢቢሲ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

የአፍሪካ ቀንድ ሀገራት የገንዘብ ሚኒስትሮች በቀጠናዊ ትብብርና የአካባቢውን የልማት ስራዎች ላይ ውይይት አካሄዱ

admin

የህክምና መገልገያ መሳሪያዎች እና የመድሃኒት አቅርቦት ችግርን በዘላቂነት ለመፍታት አሰራሩን ማሻሻል ይገባል – ዶክተር ሊያ ታደሰ

admin

“የአማራ ክልል መንግሥት እና ሕዝብ ከቀረበባቸው ክስ እና ወቀሳ ይልቅ በሕዝባቸው ላይ የደረሰው ጉዳት ያሳስባቸዋል፡፡” የርዕሰ መስተዳድሩ የሕግ ጉዳዮች አማካሪ

admin