51.91 F
Washington DC
May 12, 2021
Satenaw Ethiopian News/Breaking News
Amharic News

ታላቁ የሕዳሴ ግድብ በተመለከተ የሚመጡ አሉታዊ ተጽዕኖዎችን መቋቋም የሚያስችል የተደራጀ ሥልት መቀየስ እንደሚገባ ምሁራን ገለጹ።



ታላቁ የሕዳሴ ግድብ በተመለከተ የሚመጡ አሉታዊ ተጽዕኖዎችን መቋቋም የሚያስችል የተደራጀ ሥልት መቀየስ እንደሚገባ
ምሁራን ገለጹ።
ባሕር ዳር፡ ሚያዝያ 02/2013 ዓ.ም (አሚኮ) ኢትዮጵያ በአፍሪካ ሕብረት አደራዳሪነት እየተካሄደ ያለውን ድርድር አጠናክራ
መቀጠል እንዳለባትም ምሁራኑ ምክረ ሃሳብ ሰጥተዋል።
በአዲስ አበባ ዩኒቨርሲቲ የአፍሪካና የእስያ ጥናት ማዕከል ረዳት ፕሮፌሰር ሣሙኤል ተፈራ፤ ኢትዮጵያ ግድቡን በተመለከተ
አቋሟን ይበልጥ ማስተዋወቅ እንዳለባት ተናግረዋል። እስካሁን ባለው ሂደት በተለያዩ ተቋማት በተናጠል በተሠሩ ሥራዎች
የሚፈለገውን ያህል ባይሆንም ውጤቶች መመዝገባቸውን ገልጸዋል።
በሀገር ውስጥና በውጭ ሀገራት የሚኖሩ ኢትዮጵያዊያን በተለያዩ ቋንቋዎች በራሳቸው ተነሳሽነት ያደረጓቸው ጥረቶች አበረታች
መሆናቸውንም ነው የጠቀሱት። ይሁንና ግድቡን በተመለከተ በተቋማትና በግለሰቦች የሚሰራጩት መረጃዎች ተናጠላዊ ሳይሆኑ
በተደራጀ መልኩ መከናወን እንዳለባቸውም ነው የተናገሩት።
መረጃዎቹ የታችኛው የተፋሰሱ ሀገራት ለሚያሰራጯቸው የተዛቡ መረጃዎች ማምከኛ ብቻ መሆን እንደሌለባቸውም
አመላክተዋል፡፡
በተቋማት፣ በመገናኛ ብዙኃንና በግለሰቦች የሚወጡ መረጃዎችን ተቋማዊ ቅርጽ በማስያዝ አጀንዳ የሚሰጡ መሆን አለባቸው
ብለዋል።
የውኃ ሃብት ባለሙያው ፈቅ አሕመድ በበኩላቸው የታችኛው የተፋሰስ ሀገራት በግድቡ ግንባታ ላይ የያዙት ትክክለኛ ያልሆነ
አቋም ግድቡን ጨምሮ በናይል ተፋሰስ ጉዳዮች እንከን እየፈጠረ መሆኑን አብራርተዋል።
ለአብነትም የሱዳንና የግብጽ መርህን መሠረት ያላደረገ አካሄድ ለበርካታ ዓመታት በተሠራበት የናይል የትብብር ማዕቀፍ ላይ
እንቅፋት የፈጠረ መሆኑን ገልጸዋል።
ከዚህ አንጻር በአፍሪካ ሕብረት አሸማጋይነት የሚካሄደው ድርድር እንዳይሳካ የሚያደርጉትን ጥረት ኢትዮጵያ በተደራጀ አኳኋን
መመከት እንደሚገባት ጠቁመዋል።
የታችኛው ተፋሰስ ሀገራት ተጽዕኖ ቀጣይነት ያለው መሆኑን ጠቅሰው፤ ተጽእኖውን በተደራጀ መረጃና አካሄድ ከወዲሁ መቋቋም
እንደሚገባ መግለጻቸውን ኢዜአ ዘግቧል፡፡
ከቀናት በፊት በአፍሪካ ሕብረት የወቅቱ ሊቀመንበር የኮንጎ ፕሬዚዳንት ፌሊክስ ሼሴኬዲ በተመራውና በኪንሻሳ በተካሄደው
የሦስቱ ሀገራት ስብሰባ ኢትዮጵያ በሕብረቱ የሚካሄደው ድርድር እንዲቀጥል አቋሟን ዳግም መግለጿ ይታወሳል።
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleአንዳንድ የውጭ ሀገር ዜጎች “ኢንቨስተር ነን” በሚል ከፍተኛ የማጭበርበር ወንጀል እንደሚፈፅሙ የፌደራል ፖሊስ ኮሚሽን አስታወቀ

Source link

Related posts

በምን እንግባባ .??? – መሰረት ተስፉ | Ethiopian News | ዘ-ሐበሻ | Latest News Provider

admin

በጋምቤላ ህወሃትንና ኦነግ ሸኔን ትረዳላችሁ ተብለው የታሰሩ እንዲፈቱ ተጠየቀ

admin

በጋምቤላ ክልል የሚንቀሳቀሱ ስድስት የፖለቲካ ፓርቲዎች የጋራ ምክር ቤት መሰረቱ

admin