61.99 F
Washington DC
May 11, 2021
Satenaw Ethiopian News/Breaking News
Amharic News

“ተዋግተን አይደለም ስንተኛ ብንውል እንኳን መቀሌና አዲስ አበባ አይገቡም” ጄኔራል ባጫ

በትግራይ ክልል በስምንት ቡድኖችና አካባቢዎች ሲንቀሳቀስ የነበረው የሕወሓት ቡድን ሙሉ ለሙሉ መደምሰሱን፣ በአገር መከላከያ ሠራዊት የደቡብ ግንባር ዋና አዛዥ ሌተና ጄኔራል ባጫ ደበሌ ማክሰኞ ሚያዝያ 5 ቀን 2013 ዓ.ም. አስታወቁ፡፡

“በትግራይ ውስጥ በስምንት ቡድኖች የተደራጀ ኃይል በአንድ ጊዜ ለመደምሰስ በሠራዊታችን ዘመቻ ተደርጎበታል፡፡ አካባቢዎቹም በምሥራቅ ትግራይ አፅቢ፣ ሐይቅ መሳል፣ ደሴአ፣ በደቡብ ትግራይ ዋጅራት፣ ቦራ፣ በሰሜን ምሥራቅ ትግራይ ጽጌረዳ፣ ሐውዜን፣ እንዲሁም በሰሜን ትግራይ ውቅሮ ማርያም፣ ዛና ናቸው፡፡ በእነዚህ አካባቢዎች ሰፋ ያለ የጥቃት ድርጊት ሲፈጽሙ ስለነበር ወታደራዊ ዘመቻ ተካሂዶባቸው ተደምስሰዋል” ሲሉ ጄኔራል መኮንኑ አስረድተዋል፡፡

ባለፈው ሳምንት ሠራዊቱ ባደረገው ዘመቻ ትንንሽ ማሠልጠኛዎችንና የሕወሓት መሪዎችን እንደ ጠባቂ የሚያገለግሉ ተዋጊዎችን በማጥቃት በቁጥጥር ሥር ማዋል መቻሉን፣ አመራሮቹ ከዚህ በኋላ ሌላ ሠራዊትና ጠባቂ ይዘው ሊቀጥሉ እንደማይችሉ፣ ዘመቻውን በውጤታማነት ለማጠናቀቅም ሠራዊቱ ዘመናዊ የቴክኖሎጂ መሣሪያዎችን መጠቀሙን አስረድተዋል፡፡

“ትንንሽ ማሠልጠኛዎችንና እነሱን ከቦ የሚከላከላቸውን ኃይል ማጥቃትና መደምሰስ ስለነበረ ዓላማው፣ እነዚህን አጥቅተን ሙሉ በሙሉ ተደምስሰዋል፡፡ ማሠልጠኛዎቹ ሙሉ በሙሉ እንዲጠፉ ተደርጓል፣ በማሠልጠኛዎቹ ውስጥ የነበረው የሞተው ሞቶ ሌላው ተበታትኗል፡፡ እነሱንም ከቦ ሲከላከል የነበረው ሠራዊትም በከፍተኛ ደረጃ ተመቷል፡፡ ከአሁን በኋላ ሌላ ሠራዊት መሆን በማይችልበት ሁኔታ ተደምስሷል” ሲሉ ሌተና ጄኔራል ባጫ ተናግረዋል፡፡

ሕወሓት በዚህ ደረጃ ሙሉ በሙሉ በመደምሰሱ አካባቢው ነፃ መሆኑንና ቡድኑን ለመያዝም ምቹ ሁኔታ እንደሚፈጠር ያስረዱት ጄኔራል መኮንኑ፣ አመራሩን የከበበውን ሠራዊት መደምሰስ ትልቅ ፋይዳ እንደለው አስታውቀዋል፡፡

ሕወሓት የሚደርስበትን ጥቃት ለመቋቋም የሚያስችለው አቅም ላይ ባይሆንም፣ በሠራዊቱ ላይ ምንም ዓይነት የሰው ኃይል ኪሳራ እንዳይኖር ታቅዶ ዘመቻው መከናወኑን አስታውቀዋል፡፡

የሕወሓት ቡድን በተጠቀሱት ስምንት አካባቢዎች ለመቆየት የመረጠው ወደ መቀሌ የሚወስዱ መንገዶችን በመዝጋት የኅብረተሰቡን የዕለት ተዕለት ደራሽ ዕርዳታና አገልግሎት ለማጨናገፍ መሆኑን ጠቁመው፣ ነገር ግን በተካሄደበት ወታደራዊ ኦፕሬሽን ዓላማው መጨናገፉን ገልጸዋል፡፡

ብቻውን የቀረው ኃይል በሱዳን በኩል ለማምለጥ እየሞከረ ነው የሚል መረጃ መኖሩን ገልጸው፣ የመከላከያ ሠራዊቱ በሁሉም አቅጣጫ በቂ ዝግጅት ያደረገ በመሆኑ ሱዳን እንደ አዲስ አበባ ብቻ ሳይሆን እንደ መቀሌም እንዲርቀው ይደረጋል ብለዋል፡፡ (ሪፖርተር)

የጄነራል ባጫ ደበሌ መግለጫ ባጭሩ

በዋነኝነት መግለጫውን የሰጡት የሰሞኑን የሰራዊቱን ወታደራዊ ኦፕሬሽን ለህዝብ ለማሳወቅ እንደሆነ ተገልጿል።

ሌ/ጄኔራል ባጫ በቅርቡ ዶ/ር አብይ አህመድ በ8 ግንባሮች ውጊያ እየተደረገ እንደነበር መግለፃቸውን አስታውሰው ይህን ጉዳይ በተመለከተ ግልፅ ማብራሪያ መስጠት ማስፈለጉን ገልፀዋል።

በትግራይ ክልል ፥ በ8 ቡድን የተደራጀና በ8 የህወሓት ቡድን አመራሮች የሚመሩ ኃይሎች ላይ በተመሳሳይ ጊዜ እርምጃ ለመውሰድ ዘመቻ መደረጉን ተናግረዋል።

አካባቢዎቹ፥ አፅቢ እና ሃይቀመሳል፣ ዴሴኣ (ምስራቅ ትግራይ)፣ ዋጅራት፣ ቦራ (ደቡባዊ ክፍል ራያ አካባቢ ያለው)፣ ፅግሬዳ (ሰሜን ምስራቅ መቐለ)፣ ሃውዜን (ሰሜን) ፣ ውቅሮ ማርያ፣ ዛና (አክሱም አካባቢ) ናቸው።

ሌ/ጄነራሉ ፥ በተገለፁት አካባቢዎች የሰፋ የ “ሽፍትነት ተግባር” በመፈፀሙ ዘመቻ ተደርጓል ብለዋል።

በእካባቢዎቹ ህወሓት ኃይል ትንንሽ ማሰልጠኛ ቦታዎች እንደነበሩት፣ የቀሩ የህወሓት አመራሮችን የሚጠብቁ ወታደሮች እንደነበሩ ተገልጿል።

አመራሮቹን ለመያዝ የከበባቸውን ወታደር ማጥቃት እና መደምሰሱ አስፈላጊ ስለነበረ ሙሉ በሙሉ መደምሰስ መቻሉን ሌ/ጄነራል ባጫ ተናግረዋል።

ማሰልጠኛዎቹ ጠፍተዋል፣ በጥቃቱ የሞተው ሞቶ የቀረው ተበታትኗል፣ አመራሮቹን ከቦ ሲከላከል የነበረው ኃይል በከፍተኛ ደረጃ ተመቷል ብለዋል። በከፍተኛ ደረጃ ተመቷል ያሉትን ሲያብራሩም የተመታው ኃይል ከአሁን በኃላ ሌላ ሰራዊት ሆኖ መቀጠል አይችልም ብለዋል።

ሌ/ጄነራል ባጫ፥ “…በእኛ የሚደርሰውን የሰው ኃይል ኪሳራ ለመቀነስ ቴክኖሎጂ እንጠቀማለን ፣ የአውሮፕላን እንጠቀማለን፣ ሂሊኮፕተር እንጠቀማለን፣ ረጃጅም ርቀት የሚሄዱ መድፌች እና ሚሳኤሎች ጥቅም ላይ እናውላለን፥ በዚህ አይነት መንገድ ነው አብሮት የነበረው ኃይል እንዲደመሰስ የተደረገው” ብለዋል።

በተጨማሪ እነሱን በተስፋ የሚጠብቁትን ተስፋ እንዲያደርጉ፣ እንዲሁም ዓለም አቅፍ በሆነ ደረጃ መኖራቸውን ለማሳየት ከላይ በተገለፁት አካባቢዎች መንቀሳቀስ እንዳስፈለጋቸው ተናግረዋል።

ነገር ግን በቅርቡ መቀሌን እንቆጣጠራለን፣ አዲስ አበባ እንገባለን፣ የሚባለውን ነገር በነሱ አቅም ፈፅሞ የሚሞከር እና የሚቀመስ አይደለም ብለዋል።

ሌ/ጄነራሉ ፥ “ተዋግተን አይደለም ስንተኛ ብንውል እንኳን መቀለ እና አዲስ አበባ እይገቡም” ሲሉ ተደምጠዋል።

ከላይ ከተገለፁት አካባቢዎች በተጨማሪ በአንድ ሳምንቱ ዘመቻ በተለያዩ አካባቢዎች ግጭቶች እንደነበሩ የገለፁ ሲሆን በጨርጨር፣ መቻሬ፣ ዳንዲ፣ መሆኒ አካባቢዎች ችግር ለመፍጠር ሲሞክሩ የነበሩ ኃይሎች ተደምስሰዋል ሲሉ ተናግረዋል።

በተወሰደው እርምጃ ፥ ተኩሶ እንኳን ከማይመታው አውሮፕላን እና ሂሊኮፍተር ጋር የሚወጋው የህውሓታ ኃይል በብዛት እጁን እየሰጠ ነው ብለዋል።

የህወሓት ቡድን ከፍተኛ የሞራል ውድቀት ደርሶበታል የሚሉት ሌ/ጄነራል ባጫ ፥ ቡድኑ ከቻለ በምስራቅ አልያም በምዕራብ በኩል ወደ ሱዳን ለመውጣት ዝግጅት እያደረገ ነው /እየተሰባሰበ ነው ብለዋል። ዝግጅቱ እዚህ ኢትዮጵያ ባለው የህወሓት ቡድን ብቻ ሳይሆን በውጭ በሱዳን በኩልም ዝግጅቶችን አሉ ሲሉ ተናግረዋል።

ሌ/ጄነራል ባጫ ፥ በመከላከያ በኩል ያለውን ዝግጅት ሲገልፁ ፥ ” እነሱ የሚያመልጡበት ፣ እኛ የማንደርስበት የኢትዮጵያ ምድር የለም፤ የትግራይ ምድርም አይኖርም” ብለዋል።

“ሱዳን እንደ መቀሌ ትርቃቸዋለች፣ የሱዳን መውጫ መንገድም እንደ አዲስ አበባ አይደልም እንደ መቐለ ትርቃቸዋለች፤ አይወጧትም” ሲሉ ተደምጠዋል። (tikvahethiopia)

ጎልጉል፤ የድረገጽ ጋዜጣ

Print Friendly, PDF & Email



Source link

Related posts

የኢኖቬሽንና ቴክኖሎጂ ሚኒስትሩ ከቻይና አምባሳደር ጋር ተወያዩ

admin

በጋምቤላ ክልል በኑዌር ዞን ሁለት ወረዳዎችን ከዞኑ ከተማ ጋር ለማገናኘት የተሰራው ድልድይ ለትራፊክ ክፍት ሆነ

admin

ዓለምአቀፉ አሸባሪ ትክክለኛ ስሙን አገኘ

admin