52.39 F
Washington DC
February 25, 2021
Satenaw Ethiopian News/Breaking News
Amharic News

ብልጽግና ፓርቲ የቻይና ኮሚኒስት ፓርቲ በመላው ዓለም ለሚገኙ የፖለቲካ ፓርቲዎች ባዘጋጀው ውይይት ላይ ተሳተፈ

አዲስ አበባ፣ የካቲት 16፣ 2013 (ኤፍ ቢ ሲ) ብልጽግና ፓርቲ የቻይና ኮሚኒስት ፓርቲ በመላው ዓለም ለሚገኙ የፖለቲካ ፓርቲዎች ባዘጋጀው የበይነመረብ ውይይት ላይ ተሳተፈ፡፡

ብልጽግና ፓርቲን በመወከል የፓርቲው የህዝብና ዓለም አቀፍ ግንኙነት ዘርፍ ኃላፊ ዶክተር ቢቂላ ሁሪሳ በውይይቱ ላይ ተሳትፈዋል፡፡

ዶክተር ቢቂላ ቻይና በጤናና በድህነት ቅነሳ ስራ ላይ ያስመዘገበችው ስኬት ለአፍሪካና ለሌሎች የዓለም አገራት ምሳሌ ነው ሲሉ በውይይቱ ወቅት ተናግረዋል፡፡

በቻይና ኮሚኒስት ፓርቲ አዘጋጅነት የተካሄደው ይህ ውይይት የብልጽግና ፓርቲን ጨምሮ ከ80 ሀገራት የተወጣጡ ከ300 በላይ የፖለቲካ ፓርቲዎች ተሳትፈውበታል፡፡

ውይይቱ “የተሻለች ዓለም ለሁሉም” በሚል መሪ ቃል የድህነት ቅነሳን ትኩረት በማድረግ የተካሄደ ሲሆን የቻይና የድህነት ቅነሳ ዘመቻና ፕሮግራም ቻይና እንዴት በአጭር ጊዜ በተቀናጀ አካሄድ ከድህነት እንደወጣች ለዓለም አገራት ተሞክሮ መቅረቡ ነው የተገለጸው፡፡

በፈረንጆቹ 2020 መጀመሪያ ላይ ሙሉ በሙሉ ከድህነት የወጣችው የቻይናዋ የዣንዥግ ግዛት በውይይቱ ወቅት እንደምሳሌ ተነስታለች፡፡

ቻይና በቅርቡ በመላው ግዛቷ 750 ሚሊዮን ዜጎቿን ከድህነት ሙሉ በሙሉ ማውጣቷ ይታወሳል፡፡

በውይይቱ ከድህነት ቅነሳ በተጨማሪ የጤና ጥበቃ ስርዓት እንዲሁም ሽብርተኝነትን በመከላከል የዜጎችን ሰላም ከመጠበቅ አንጻር የቻይና ተሞክሮ ቀርቦ ውይይት ተካሂዶበታል፡፡

ከአፍሪካ የሶስት አገራት የፖለቲካ ፓርቲዎች ማለትም ብልጽግና፣ የግብጽና የቶጎ ፖለቲካ ፓርቲዎች ሀሳባቸውንና አስተያየታቸውን አቅርበዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን



Source link

Related posts

የተሃድሶ ስልጠና የተሰጣቸው የትግራይ ክልል ተወላጅ ፖሊስ አባላት በክልሉ ስምሪት እንደተሰጣቸው የፌዴራል ፖሊስ ኮሚሽን ገለጸ

admin

እቴጌ ጣይቱ ብርሃን ዘ-ኢትዮጵያ | የአማራ ብዙኃን መገናኛ ድርጅት

admin

ህዝቡ ለሰላም ዘብ በመቆም በድህነት ላይ የጋራ ትግል ሊያደርግ እንደሚገባ የሀይማኖት አባቶች አሳሰቡ

admin