52.39 F
Washington DC
February 25, 2021
Satenaw Ethiopian News/Breaking News
Amharic News

ባለሃብቶች ለተፈናቀሉ እና ዕርዳታ ለሚሹ ወገኖች የጀመሩትን ድጋፍ እንዲያጠናክሩ ተጠየቀ

አዲስ አበባ ፣ የካቲት 15 ፣ 2013 (ኤፍ ቢ ሲ) ባለሃብቶች በሃገሪቷ የተለያዩ አካባቢዎች ለተፈናቀሉ እና ዕርዳታ ለሚሹ ወገኖች እያደረጉት ያለውን ድጋፍ እንዲያጠናክሩ የብሔራዊ አደጋ ስጋት ሥራ አመራር ኮሚሽን ጠየቀ።

የብሔራዊ አደጋ ስጋት ሥራ አመራር ኮሚሽን ኮሚሽነር አቶ ምትኩ ካሳ ባለሃብቶች ምግብና ምግብ ነክ ያልሆኑ ድጋፎችን በማቅረብ ማኅበራዊ ኃላፊነታቸውን እንዲወጡ ጠይቀዋል።

ባለሃብቶች አሁንም ለዜጎች ድጋፍ እያደረጉ መሆኑን የገለጹት ኮሚሽነሩ፣ ድጋፉ በሚፈለገው ልክ ባለመሆኑ መጠናከር አለበት ብለዋል።

መተከል በተከሰተው መፈናቀል በመጠለያ ጣቢያ ለሚገኙት ተፈናቃዮች ድጋፍ በማድረግ አቶ በላይነህ ክንዴ፥ አቶ ወርቁ አይተነው እና ሌሎች ባለሃብቶች የበኩላቸውን አስተዋፅኦ እያደረጉ መሆኑን ጠቅሰው፣ ይህ ተጠናክሮ እንዲቀጥል ጠይቀዋል፡፡

የእርዳታ ማዕቀፉ ምግብ እና ምግብ ነክ ያልሆኑ አቅርቦቶችን በመያዙ ባለሃብቶች የሚያደርጉት ድጋፍ መንግሥት ሲያቀርብ የነበረውን መተካት እንደሚያስችል ገልጸዋል።

የባለሃብቶቹ ድጋፍ መንግሥት ተጨማሪ እርዳታ ለሚሹ ዜጎች እንዲደርስና ለድጋፍ የሚያውለውን ሃብት ለልማት ሥራ ለማዋል ያስችለዋል ነው ያሉት።

ሰብዓዊ ድጋፍ ማድረግ ሕይወት ማቆያ ነው ያሉት ኮሚሽነር ምትኩ፤ ዜጎችን መልሶ ለማቋቋምና ወደ መደበኛ ሕይወታቸው ለመመለስ ሁሉም የድርሻውን እንዲወጣ መጠየቃቸውን ኢዜአ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

በጋምቤላ ህወሃትንና ኦነግ ሸኔን ትረዳላችሁ ተብለው የታሰሩ እንዲፈቱ ተጠየቀ

admin

የፌደራል ፖሊስ የእነ አቶ ጌታቸው አሰፋን መጥሪያ ማድረስ አልቻልኩም ሲል ገለፀ – ESAT Amharic

admin

በመተከል ዞን የተሃድሶ ስልጠና የወሰዱ የልዩ ኃይልና የመደበኛ ፖሊስ አመራሮች ተመረቁ

admin