76.66 F
Washington DC
June 12, 2021
Satenaw Ethiopian News/Breaking News
Amharic News

በድርጅቱ አባላት መካከል የሚከሰቱ ልዩነቶችን በድርድር እንዲፈቱ ኢጋድ አዎንታዊ ሚና ለመጫወት ዝግጁ ነው – የኢጋድ ጽህፈት ቤት ዋና ኃላፊ

አዲስ አበባ፣ ሚያዝያ 12፣ 2013(ኤፍ ቢ ሲ)በድርጅቱ አባላት መካከል የሚከሰቱ ልዩነቶችን በሠላማዊ መንገድና በድርድር እንዲፈቱ ኢጋድ አዎንታዊ ሚና ለመጫወት ያለውን ዝግጁነት የኢጋድ ጽህፈት ቤት ዋና ኃላፊ ዖስማን ሃሰን ቢላል ገልጸዋል።

በሱዳን የኢ.ፌ.ዴ.ሪ ልዩ መልዕክተኛና ባለሙሉሥልጣን አምባሳደር ይበልጣል አዕምሮ በሱዳን የኢጋድ ጽህፈት ቤት ዋና ኃላፊ ዖስማን ሃሰን ቢላል ጋር በቀጠናዊ የጋራ ጉዳዮች ዙሪያ ውይይት አድርገዋል።

በውይይቱም አምባሳደር ይበልጣል በኢትዮጵያና ሱዳን ድንበር ጉዳይ እና በታላቁ የኢትዮጵያ ሕዳሴ ግድብ ድርድር ሂደት የአገራችንን አቋም በዝርዝር ማስረዳታቸውን ከኢምባሲው ያገኘነው መረጃ ያመለክታል፡፡

በሁሉቱም ጉዳዮች ያሉ ውዝግቦች በሠላማዊ መንገድና በድርድር እንዲፈቱና በቀጠናው ሰላምና ደህንነት ይረጋገጥ ዘንድ ኢትዮጵያ ያላትን ቁርጠኝነትና ዝግጁነት አረጋግጠዋል።

አምባሳደር ይበልጣል በገለጻቸው፤ ኢትዮጵያ በቀጠናው ሰላም መስፈን ኢጋድ ለሚጫወተው ገንቢ ሚና ያላትን ድጋፍ በድጋሚ አረጋግጠዋል።

የኢጋድ ጽህፈት ቤት ዋና ኃላፊ ዖስማን ሃሰን ቢላል በበኩላቸው፤ በአምባሳደር ይበልጣል ለተደርገላቸው ገለጻ አመስግነው፤ ኢጋድ በድንበሩና በሕዳሴ ግድብ ዙሪያ ያሉ ልዩነቶችን በቅርበት እየተከታተለ እንደሚገኝ ተናግረዋል፡፡

በድርጅቱ አባላት መካከል የሚከሰቱ ልዩነቶችን በሠላማዊ መንገድና በድርድር እንዲፈቱ ኢጋድ አዎንታዊ ሚና ለመጫወት ያለውን ዝግጁነትም ነው ዋና ሃላፊው የገለጹት።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

በቢሾፍቱ ከተማ በጥይት የአንድን ግለሰብ ህይወት ያጠፋውን ተጠርጣሪ በቁጥጥር ስር ለማዋል ምርመራ ተጀምሯል – ፖሊስ

admin

ሸሙ የምግብ ዘይት ፋብሪካ የማስፋፊያ ስራውን አጠናቆ በቀን 950 ቶን ዘይት ማምረት ጀመረ

admin

የጎንደር ከተማን ሰላምና ደህንነት ለማወክ አቅደው የተንቀሳቀሱ ተጠርጣሪዎች እየተያዙ ነው – የጎንደር ከተማ ፖሊስ መምሪያ

admin