42.35 F
Washington DC
March 9, 2021
Satenaw Ethiopian News/Breaking News
Amharic News

በደቡብ ወሎ ዞን በ52 ሺህ ሄክታር መሬት ላይ የአፈርና ውኃ ጥበቃ ሥራ እየተከናወነ ነው፡፡

በደቡብ ወሎ ዞን በ52 ሺህ ሄክታር መሬት ላይ የአፈርና ውኃ ጥበቃ ሥራ እየተከናወነ ነው፡፡

በደሴ ዙሪያ ወረዳ እየተከናወኑ የሚገኙ የአፈርና ውኃ ጥበቃ ሥራዎችም ከክልልና ከዞኖች በተውጣጡ የሥራ ኀላፊዎች በተገኙበት ተጎብኝተዋል፡፡

ባሕር ዳር፡ የካቲት 14/2013 ዓ.ም (አብመድ) በዞኑ የተሠሩ የተፋሰስ ሥራዎች የክልልና የዞን የሥራ ኀላፊዎች በተገኙበት በደሴ ዙሪያ ወረዳ ጉብኝት ተደርጓል፡፡ የተሠሩ የአፈርና ውኃ ጥበቃ ሥራዎችን ዘላቂነት ለማረጋገጥ እየሠራ መሆኑንም የአማራ ክልል ግብርና ቢሮ አስታውቋል፡፡

በደሴ ዙሪያ ወረዳ እየተከናወኑ የሚገኙ የአፈርና ውኃ ጥበቃ ሥራዎችም ከክልልና ከዞኖች በተውጣጡ የሥራ ኀላፊዎች በተገኙበት ተጎብኝተዋል፡፡

በጉብኝቱ ላይ የተሳተፉት የሰሜን ሸዋና ምስራቅ ጎጃም ዞን ግብርና መምሪያ ኃላፊዎች በደሴ ዙሪያ ወረዳ የተሠሩ የተፋሰስ ሥራዎች የሥራ ዕድል መፍጠሪያ ለመሆን የሚያስችሉ መሆናቸውን ገልጸዋል፡፡ ሕዝቡ በተነሳሽነት ጥራታቸውን ጠብቆ የሠራቸው መሆኑ ልዩ ያደርጋቸዋል ነው ያሉት፡፡ በጉብኝቱ ያገኙትን ተሞክሮ ወደ ዞናቸው ወስደው እንደሚተገብሩም ጠቁመዋል፡፡

በደቡብ ወሎ ዞን ከጥር ወር ጀምሮ የተፈጥሮ ሃብት ልማትና ጥበቃ ሥራ እየተከናወነ ይገኛል፡፡

በዚህም፡-

• 1 ሽህ 264 ተፋሰሶች ተለይተው የማልማት ሥራ እየተከናወነ ይገኛል፡፡

• የተፋሰስ ሥራውም 52 ሺህ ሄክታር መሬት ይሸፍናል፡፡

• ለሥራው ስኬታማነትም ከ590 ሺህ በላይ ሰዎች እየተሳተፉ ነው፡፡

• በደሴ ዙሪያ ወረዳ 72 ተፋሰሶች ተለይተው የማልማት ሥራ እየተከናወነ ይገኛል፡፡ በሥራው 41 ሽህ የኅብረተሰብ ክፍል ተሳትፎ እያደረገ ነው፡፡

• በ50 ሞዴል ተፋሰሶች ላይም ለ2 ሺህ 820 ወጣቶች የሥራ ዕድል እንደሚፈጠር የዞኑ ግብርና መምሪያ ኀላፊ አቶ ቃልኪዳን ሽፈራው ተናግረዋል፡፡

በደሴ ዙሪያ ወረዳ በተካሄደው የተፋሰስ የልማት ሥራዎች ጉብኝት ላይ የተገኙት የክልሉ ግብርና ቢሮ ኃላፊ መለስ መኮንን (ዶ.ር) በዚህ ዓመት መጠነ ሰፊ የአፈርና ውኃ ጥበቃ ከሚሠራባቸው አካባቢዎች የደቡብ ወሎ ዞን አንዱ መሆኑን ገልጸዋል፡፡

በዞኑ እየተከናወኑ ያሉ ሥራዎችም ከሌላው ጊዜ በተለየ ጥራታቸውን ጠብቀው እየተሠሩ በመሆናቸው የወጣቱንና የሕዝቡን ኢኮኖሚያዊ ተጠቃሚነት ለማረጋገጥ ጉልህ ድርሻ የሚያበረክቱ እንደሆነ ነው የተናገሩት፡፡

የለሙ ተፋሰሶችን በቋሚ ተክሎች ለመሸፈን ይሠራል ያሉት ዶክተር መለስ ለሥራው ውጤታማነትም ከወዲሁ ቅድመ ዝግጅት እየተደረገ ነው፤ ኅብረተሰቡም ጉልበቱን አሟጦ የሠራቸውን የተፋሰስ ሥራዎች ዘላቂነት ማረጋገጥ ይገባል ብለዋል፡፡ የክልሉ መንግሥትም ለተፋሰስ ሥራዎች ዘላቂነት መረጋገጥ እንደሚሠራ አስገንዝበዋል፡፡

ዘጋቢ፡- አሊ ይመር – ከደሴ ዙሪያ ወረዳ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

በይርጋለም የተቀናጀ የግብርና ምርቶች ማቀነባበርያ ኢንዱስሪ ፓርክ የተሰማሩ ባለሀብቶች ከማህበራት ጋር ትስስር መፍጠራቸው ተገለፀ

admin

በመዲናዋ የሚስተዋለውን የትራንስፖርት እጥረት ለመፍታት በትራንስፖርት ዘርፍ ከተሰማሩ ማህበራት ጋር ምክክር ተካሄደ

admin

ዓለም ባንክ ኢትዮጵያ በኢኖቬሽንና ቴክኖሎጂ ዘርፎች የጀመረቻቸውን ሥራዎች መደገፉን እንደሚቀጥል ገለጸ፡፡

admin
free web page hit counter