91.11 F
Washington DC
June 21, 2021
Satenaw Ethiopian News/Breaking News
Amharic News

በዩናይትድ ኪንግደም የኢትዮጵያ አምባሳደር ተፈሪ መለሰ ለእንግሊዝ ፓርላማ አባላት በኢትዮጵያ ወቅታዊ ሁኔታ ላይ ማብራርያ ሰጡ፡፡

በዩናይትድ ኪንግደም የኢትዮጵያ አምባሳደር ተፈሪ መለሰ ለእንግሊዝ ፓርላማ አባላት በኢትዮጵያ ወቅታዊ ሁኔታ ላይ ማብራርያ ሰጡ፡፡

ባሕር ዳር፡ መጋቢት 04/2013 ዓ.ም (አብመድ) በለንደን የኢትዮጵያ ኤምባሲና በእንግሊዝ ፓርላማ የኢትዮጵያ ወዳጅነት ቡድን ጋር በመተባበር ነው ውይይቱ የተዘጋጀው፡፡ ከእንግሊዝ የሁለቱም ፓርላማ ምክር ቤቶች ለተገኙ የፓርላማ አባላት በኢትዮጵያ በተለይም በትግራይ ክልል ስላለው ወቅታዊ ሁኔታ ሰፊ ማብራሪያ ሰጥተዋል፡፡

አምባሳደር ተፈሪ በዚሁ ማብራሪያቸው በትግራይ ክልል የሰብዓዊ እርዳታን ተደራሽ ለማድረግ የተደረገውን ርብርብ በዝርዝር አስረድተዋል፡፡ በክልሉ የሰብዓዊ ጉዳዮችን ከገለልተኛ ወገኖች ጋር በመተባበር ለማጣራት እና በውጤቱ ላይ ተመስርቶ ሕጋዊ እርምጃ ለመውሰድ ያለውን የመንግሥት ቁርጠኝነት አስረድተዋል፡፡

አምባሳደሩ ኢትዮጵያ ከዩናይትድ ኪንግደም እና ከሌሎች አጋሮች የሚያስፈልጋት ወቀሳ ሳይሆን ገንቢ ትብብርና ተጨጠባጭ ድጋፍ መሆኑን ለሁለቱም ምክር ቤቶች የፓርላማ አባላት ገልጸዋል፡፡ በኢትዮጵያ ላይ እየተሰራጨ ያለው አሉታዊ መረጃ ሳያደናግራቸው ትክክለኛውን መረጃ መሰረት በማድረግ እውነቱን ከሃሰት መለየት እንደሚያስፈልግም ተናግረዋል፡፡

አምባሳደሩ በቅርቡ የፓርላማው ከፍተኛው ምክር ቤት (ሃውስ ኦፍ ሎርድስ) በትግራይ ክልል ሁኔታ ላይ ያደረገው ምክክር በጣም እንዳሳዘናቸውና ትክክለኛውን መረጃ ለማድረስ ተጨማሪ መድረክ በፓርላማው እንዲዘጋጅ ጠይቀዋል፡፡ በዚህ ውይይት ላይ የተገኙ የሁለቱም ምክር ቤቶች ተጽእኖ ፈጣሪ የፓርላማ አባላት ይህን መረጃ ለሁለቱም የምክርቤቶቹ አባላት እንዲያደርሱ ተጠይቀዋል፡፡

የፓርላማ አባላቱም ተጨማሪ መድረክ እንዲዘጋጅ በአምባሳደር ተፈሪ የቀረበውን ጥያቄ ሙሉ ፍቃደኛ ሆነው መቀበላቸውን አረጋግጠዋል፡፡

የፓርላማ አባላቱ በበኩላቸው ኢምባሲው በየወቅቱ የፓርላማ አባላትን እየጠራ ለሚሰጠው ማብራሪያ አመስግዋል፡፡ አባላቱ በትግራይ ክልል ያለውን የሰብዓዊ መብት ጉዳዮች ለመመርመር ከሌሎች አካላት ጋር ለመተባበር መንግሥት ያሳየውን ተነሳሽነት አድንቀዋል፡፡

በትግራይ ክልል ስላለው የሰብዓዊ መብት ድጋፍ ለተጠየቁት አቅርቦት ለተነሳላቸው ጥያቄ አምባሳደር ተፈሪ መለሰ መንግሥት ለሰብዓዊ እርዳታ ሰጪዎች ያልተገደበ መብት እንደሰጠ አረጋግጠዋል፡፡ የሰብዓዊ መብት ጥሰት ምርመራን በተመለከተ መንግሥት ከአፍሪካ ኅብረት የሰብዓዊ መብት ተቋም ጋር በትብብር ለመሥራት ሙሉ ዝግጁ እንደሆነ አስረድተዋል፡፡

በክልሉ የውጭ ኃይሎች እንቅሰቃሴን አስመልከቶ ለቀረበው ጥያቄ አምባሳደረ ተፈሪ በሰጡት ማብራሪያ ህወሃት በትግራይ ክልል ድንበር ሲጠብቅ በነበረው የሀገር የመከላከያ ሠራዊት ላይ ጥቃት ሲያደርስና ግጭቱ ዓለም አቀፋዊ ይዘት እንዲኖረው በጎረቤት ሀገሮች ላይ ትንኮሳ ሲያደርግ ተመሳሳይ ችግር ሊከሰት እንደሚችል የሚጠበቅ እንደነበር ገልጸዋል፡፡

የፓርላማ አባላቱ በኢትዮጵያ ላይ በተለያዩ አቅጣጫዎች እየተሰነዘረ ባለው ጥቃት ማዘናቸውን ገልጸዋል፡፡ የዩናይትድ ኪንግደም መንግሥት ምን አይነት ድጋፍ አደረገ? ምን ድጋፍስ ማድረግ ይችል ነበር? ሲሉ ጠይቀዋል፡፡ አምባሳደር ተፈሪ በሰጡት ምላሽ በትግራይና በሌሎች ቦታዎች ለተጎዱ ዜጎች የምግብ የመድኃኒትና ሌሎች መሰረታዊ አቅርቦቶችን በማስፋት ድጋፉን እንዲያጠናክር ለፓርላማው አባላት ተናግረዋል፡፡ መንግሥት በአሁኑ ሰዓት 70 በመቶ ድጋፉን እየሸፈነ መሆኑንና ከኮቪድ ወረርሽኝና ሌሎች ችግሮች ጋር በተያያዘ ድጋፉን ለማስቀጠል አጋሮች ድጋፋቸውን እንዲያደርጉ ጠይቀዋል፡፡

የእንግሊዝ መንግሥት እያደረገ ላለው ድጋፍ አመስግነው ኢትዮጵያ የጀመረችውን የሪፎም ሂደት ለማስቀጠል አስፈላጊውን ድጋፍ እንዲያደርጉም ጥሪ አቅርበዋል፡፡

አምባሳደር ተፈሪ በዚሁ የውይይት መድረክ ላይ ስለታላቁ የህዳሴ ግድብ የድርድር ሂደት፣ ከሱዳን ጋር ስላለው የድንበር ውዝግብና መጪው ምርጫ ላይ ያተኮረ ዝርዝር ማብራሪያ ሰጥተዋል፡፡ የፓርላማ አባላቱ ለተሰጣቸው ማብራሪያ አመስግነው ጉዳዩን ከመንግሥታቸው እና ከሌሎች የፓርላማ አባላት ጋር እንደሚነጋገሩብት አረጋግጠዋል። ምንጭ:- በእንግሊዝ የኢትዮጵያ ኤምባሲ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

በኢትዮጵያ የመጀመሪያ የሆነው የእናቶችና ህጻናት ሆስፒታል በአዲስ አበባ ተመረቀ።

admin

“አንድነት ለኢትዮጵያ” በሚል መሪ ሀሳብ በዋሽንግተን ዲሲና በኒውዮርክ ግዛቶች ሰላማዊ ሰልፍ ሊካሄድ ነው፡፡

admin

“ከዛሬ ጀምሮ የኮሮናቫይረስ ወረርሽኝ ለመከላከል የወጣውን ሕግ በማይተገብሩ አካላት ሕጋዊ እርምጃ ይወሰዳል” የክልሉ የኮሮና ወረርሽኝ መከላከል ግብረ ኃይል

admin