56.68 F
Washington DC
April 21, 2021
Satenaw Ethiopian News/Breaking News
Amharic News

በዘላቂ የኑሮ ዋስትና ማረጋገጥ ፕሮግራም 230 ሺህ ቤተሰቦች ተጠቃሚ ሆነዋል

አዲስ አበባ ፣ የካቲት 20 ፣ 2013 (ኤፍ ቢ ሲ) በአምስት ክልሎች በተመደበ 8 ነጥብ 5 ሚሊየን ብር ወጪ በተካሄደው ዘላቂ የኑሮ ዋስትናን ማረጋገጥ ፕሮግራም 230 ሺህ ቤተሰቦች ተጠቃሚ መሆናቸው ተገለጸ።

ባለፉት ሁለት ዓመታት በፕሮግራሙ የተከናወኑ ስራዎችን ለመገምገም የተዘጋጀው የምክክር መድረክ በሀዋሳ ከተማ እየተካሄደ ነው።

የፕሮግራሙ ብሄራዊ አስተባባሪ ዶክተር ቴዎድሮስ ተፈራ እንደተናገሩት፤ ከኔዘርላንድስ መንግስት በተገኘ የገንዘብ ድጋፍ ፕሮግራሙ በትግራይ፣ አማራ፣ ደቡብ፣ ኦሮሚያና ሲዳማ ክልልች የምግብ ዋስትና እጥረት ባለባቸው 62 ወረዳዎች ውስጥ የተካሄደ ነው።

በወረዳዎቹ በዓመት እስከ ዘጠኝ ወር ድረስ የምግብ እጥረት ያለባቸው ቤተሰቦች እንዳሉ በጥናት መረጋገጡን ያመላከቱት አስተባባሪው ይህንን ችግር ለማቃለል ፕሮግራሙ ትኩረት ሰጥቶ መንቀሳቀሱን ተናግረዋል።

ፕሮግራሙ በክልሎቹ ከሚገኙ ስምንት ዩኒቨርሲቲዎች፣ ግብርና ቢሮ፣ የአደጋ ስጋት መከላከልና ስራ አመራር ኮሚሽንና ምርምር ተቋማት ጋር በአጋርነት መሰራቱንም ገልጸዋል።

ካለፉት ሁለት ዓመታት ወዲህ በፕሮግራሙ አማካኝነት የምግብ እጥረት ችግርን ለመፍታት የሚያስችሉ ምርጥ የግብርና ተሞክሮዎች የመለየት፣ የማላመድና የማስፋት ስራዎች መከናወናቸውን አመልክተዋል።

በዚህ ረገድ የተሻሻሉ የሰብል፣ ጥራጥሬ፣ ፍራፍሬ እና የስራስር ዘሮችን ለምግብ ዕጥረት ተጋላጭ ለሆኑ አርሶ አደሮች በማሰራጨት ተጠቃሚ ማድረግ ተችሏልም ነው ያሉት።

እንዲሁም በአነስተኛ ማሳ ላይ ምርምር በማካሄድ ምርታማነትንና የምግብ ዋስትናን ለማረጋገጥ የሚያስችሉ ውጤታማ ቴክኖሎጂዎችን የመለየት ስራ ተከናውኗል ማለታቸውን ኢዜአ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

አቶ ደመቀ መኮንን ከሳዑዲ ዓረቢያ አምባሳደር ጋር ተወያዩ 

admin

በባሕር ዳር ከተማ የሚገነቡ መሠረተ ልማቶች በሚፈለገው ጥራት ልክ ሊከናወኑ እንደሚገባ የባሕር ዳር ከተማ አስተዳደር ምክር ቤት የኢኮኖሚ ጉዳዮች ቋሚ ኮሚቴ አሳሰበ፡፡

admin

ብዙኃን መገናኛ ድርጅቶች ትክክለኛ የአማርኛ ቋንቋ አጠቃቀም ሥርዓተ ጽሕፈትን በመጠቀም ሕዝብን ሊያስተምሩ እንደሚገባ ምሁራን ገለጹ፡፡

admin