79.23 F
Washington DC
June 16, 2021
Satenaw Ethiopian News/Breaking News
Amharic News

በወልድያ ከተማ የተጀመረው የከፍተኛ ኃይል ማከፋፈያ ጣቢያ ግንባታ እየተፋጠነ መሆኑን የኢትዮጵያ ኤሌክትሪክ ኃይል ገለጸ፡፡

በወልድያ ከተማ የተጀመረው የከፍተኛ ኃይል ማከፋፈያ ጣቢያ ግንባታ እየተፋጠነ መሆኑን የኢትዮጵያ ኤሌክትሪክ ኃይል ገለጸ፡፡

ባሕር ዳር፡ ግንቦት 25/2013 ዓ.ም (አሚኮ) በአማራ ክልል ሰሜን ወሎ ዞን ወልድያ ከተማ እየተገነባ የሚገኘው የወልዲያ ባለ 400/230/33/15 ኪሎ ቮልት የኃይል ማከፋፈያ ጣቢያ ፕሮጀክት አማካይ አፈጻጸም 48 በመቶ መድረሱን የኢትዮጵያ ኤሌክትሪክ ኃይል በይፋዊ የማኅበራዊ ትስስር ገጹ አስታውቋል፡፡

የባሕር ዳር- ኮምቦልቻ – ወልዲያ ከፍተኛ ኃይል ማስተላለፊያ እና ማከፋፈያ ጣቢያ ፕሮጀክት የሳይት ተቆጣጣሪ መሐንዲስ አቶ ሃብታሙ ተሾመ እንደገለጹት በፕሮጀክቱ ሂደት እስከ አሁን የኤሌክትሮ መካኒካልና የብረታ ብረት ተከላና ለኤሌክትሪክ ገመዶች ቀበራ የሚውል ግንባታ ሥራ ተሠርቷል፤ እንዲሁም ሁለት የባለ 75 ሜጋ ቮልት አምፒር ትራንስፎርመር ተከላና ሁለት የባለ 500 ሜጋ ቮልት አምፒር ትራንስፎርመር መትከያ የመሠረት ግንባታ ተጠናቋል፡፡

በቀጣይም የጠጠር ንጣፍ፣ የውስጥ አጥር፣ የ(ሲዊች ያርድ) ግንባታ እና የኤሌክትሪክ ገመድ ዝርጋታ ሥራዎች ትኩረት ተሰጥቷቸው እንደሚከናወኑ መሐንዲሱ ጠቁመዋል፡፡ የኤሌክትሮ ሜካኒካል ዕቃዎችን የመገጣጠምና የብረታ ብረት ሥራዎች የተጠናቀቁ ሲሆን በቀጣይ የስዊች ጊር ስራዎች ትኩረት ተሰጥቷቸው የሚሠሩ መሆናቸውን የሳይት መሐንዲሱ ተናግረዋል፡፡

ማከፋፈያ ጣቢያው 500 ሜጋ ቮልት አምፒር አቅም ያላቸው ሁለት ትራንስፎርመሮች እና 150 ሜጋ ቮልት አምፒር አቅም ያላቸው ሁለት ባለ 75 ሜጋ ቮልት አምፒር ትራንስፎርመሮች ይኖሩታል፡፡ ለማከፋፈያው ጣቢያው የሚያስፈልጉት የተለያዩ የኤሌክትሮ ሜካኒካል ዕቃዎች ከ 40 በመቶ በላይ ወደ ግንባታ ሥፍራው ተጓጉዘው ደርሰዋል ተብሏል፡፡ ቀሪዎቹም በቅርቡ ወደ ሀገር ውስጥ ይገባሉ ተብሎ ይጠበቃል፡፡

የማከፋፈያ ጣቢያውን ሥራ አጠናቆ ለአገልግሎት ለማብቃት ከ913 ሚሊዮን ብር በላይ ገንዘብ መመደቡን የፕሮጀክቱ ሥራ አስኪያጅ ወይዘሮ የትናየት ይመር ጠቅሰዋል፡፡ ግንባታውን ሻንጋይ ኤሌክትሮ ግሩፕ የተባለ የቻይና ኩባኒያ ሲያከናውን የአማካሪነት ሥራውን ደግሞ የኢትዮጵያ ኤሌክትሪክ ኃይል እያከናወነ ይገኛል፡፡

የማከፋፈያ ጣቢያው ስምንት ባለ 33 ኪሎ ቮልት እና ስምንት ባለ 15 ኪሎ ቮልት ወጪ መስመሮች አሉት፡፡ ማከፋፋያ ጣቢያው ሲጠናቀቅ የወልዲያ ኢንዱስትሪ ፓርክ፣ የአዋሽ- ኮምቦልቻ- ወልድያ -ሀራ ገበያ የባቡር ፕሮጀክት፣ የወልዲያ ከተማን እና የአካባቢውን የኤሌክትሪክ ኃይል ፍላጎት አቅርቦትን ጥያቄ ይመልሳል ተብሏል፡፡ ከዛም ባሻገር አስተማማኝ የኤሌክትሪክ ኃይል አቅርቦት እንዲኖር በማድረግ ዘርፈ ብዙ ጠቀሜታ እንደሚኖረው ተመላክቷል፡፡

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የብሪታኒያ ባለሃብቶች በኢትዮጵያ የፋርማሲዩቲካልና የህከምና መሳሪያዎች ኢንቨስትመንት ዙሪያ እንዲሰማሩ ጥሪ ቀረበ

admin

“የአማራ ሚዲያ ኮርፖሬሽን በቀጣናው ተፅዕኖ ፈጣሪ እንዲሆን ነው የምንፈልገው” አቶ አብርሃም አለኸኝ

admin

“ለአንድ ፓርቲ የማደላ ከሆነ ሄጄ እዚያው ፓርቲ እገባለሁ” ወ/ሪት ብርቱካን ሚደቅሳ

admin