36.68 F
Washington DC
February 27, 2021
Satenaw Ethiopian News/Breaking News
Amharic News

በክልሉ እየተገነቡ ያሉ የመስኖ ልማት ፕሮጀክቶች ውጤታማ እንዲሆኑ በቅንጅት መሥራት እንደሚገባ የአማራ ክልል ርእሰ መሥተዳድር አቶ አገኘሁ ተሻገር ተናገሩ።

በክልሉ እየተገነቡ ያሉ የመስኖ ልማት ፕሮጀክቶች ውጤታማ እንዲሆኑ በቅንጅት መሥራት እንደሚገባ የአማራ ክልል ርእሰ መሥተዳድር አቶ አገኘሁ ተሻገር ተናገሩ።

ባሕር ዳር ፡ የካቲት 06/2013 ዓ.ም (አብመድ)

በአማራ ክልል የሚከናወኑ የከፍተኛና መካከለኛ መስኖ ልማት ፕሮጀክቶችን ያሉበትን ደረጃ ለማወቅና እያጋጠማቸው ያሉትን ችግሮች ለይቶ መፍትሔ ለመስጠት ውይይት እየተደረገ ነው።

የክልሉ የከፍተኛና መካከለኛ የመስኖ ፕሮጄክቶች አስተባባሪ ኮሚቴ ነው ውይይቱን እያካሄደ ያለው።

በውይይቱ ላይ የክልሉ ውኃ ፣መስኖ እና ኢነርጂ ልማት ቢሮ ኃላፊ ዶክተር ማማሩ አያሌው በክልሉ ሰፊ በመስኖ ሊለማ የሚችል መሬት አለ ብለዋል።

ክልሉ ከፍተኛ የውኃ ሀብት ያለበት መሆኑን ነው የተናገሩት። ዓባይን ጨምሮ ትልልቅ ወንዞች ያሉበትን የአማራ ክልል ማልማት የዜጎችን ሕይወት በዘላቂነት ለመለወጥ ያስችላልም ነው ያሉት።

በክልሉ እስካሁን ድረስ በመካከለኛ መስኖ ፕሮጀክቶች 103 ሺህ፣ በአነስተኛና በባሕላዊ መስኖ ፕሮጀክቶች ደግሞ 280 ሺህ ሄክታር መሬት ለምቷል ነው የተባለው። በመስኖ የለማው መልማት ከሚችለው አንፃር ዝቅተኛ መሆኑን ነው የተናገሩት።

በ2002 ዓ.ም ጀምሮ በፌዴራል መንግሥት ድጋፍ ከፍተኛ የመስኖ ፕሮጄክቶች እየተገነቡ መሆኑን የተናገሩት ዶክተር ማማሩ የፕሮጀክቶቹ አፈፃፀም ግን የዘገየ ነው ብለዋል። የታሰበለትን ዓላማ ሳያሳኩ ከመቅረታቸውም በላይ የግንባታ ዋጋ በየጊዜው እየናረ ተጨማሪ ኪሳራ እያመጡ መሆናቸውን ነው የገለፁት።

ለአብነት የመገጭን ግድብ ያነሱት ዶክተር ማማሩ ከተያዘለት 2 ነጥብ 1 ቢሊዮን ብር ዛሬ ላይ 5 ነጥብ 2 ቢሊዮን ብር ደርሷል ነው ያሉት።

የክልሉ መንግሥት የፕሮጀክቶቹን ጠቀሜታ በመገንዘብ ድጋፍና ክትትል እያደረገ መሆኑንም ተናግረዋል።

የግንባታዎቹ ሂደት ግን በሚፈለገው ልክ እየሄደ እንዳልሆነ ጠቅሰዋል። የክልሉ መንግሥት የተለዬ ትኩረት በማድረግ ሥራዎችን በመገምገም ችግሮቹን በመፍታት የማኅበረሰቡን ጥቅም ማረጋገጥ ይገባልም ብለዋል።

በክልሉ ርእሰ መሥተዳድር የሚመራ አስተባባሪ ኮሚቴ መቋቋሙን ነው የተናገሩት። አስተባባሪ ኮሚቴውም የከፍተኛ ፕሮጀክቶችን አፈፃፀም በመገምገምና ክትትል በማድረግ ፕሮጀክቶቹ እውን እንዲሆኑ ማድረግ ይገባዋልም ብለዋል።

የሽንፋ የመስኖ ፕሮጀክትን ለማስጀመር ጥናት እንዲደረግ ስለተፈቀደ ጥናት በሚደረግበት ሂደትም ምክክር ይደረጋል ተብሏል።

የአማራ ክልል ርእሰ መሥተዳድር አገኘሁ ተሻገር ባለፉት ዓመታት ያለንን ሀብት ማዕከል አድርገን አልተንቀሳቀስንም ነው ያሉት። አርሶ አደሮች በሚያደርጉት እንቅስቃሴ ግን አኩሪ ሥራ እየተመዘገበ ነው ብለዋል። የዓባይ፣ የጀማ፣ የአንገረብና የሌሎች ወንዞች ባለቤቶች ሆነን ሳለ ሰፊ የመስኖ ፕሮጀክት የለም ነው ያሉት ርእሰ መሥተዳድሩ።

ርእሰ መሥተዳደሩ የተጀመሩት እየተጓተቱ ነው፤ በክልሉ አንዳንድ ፕሮጀክቶች ከልማት ፕሮጀክት አልፈው የመልካም አስተዳደር ችግር ሆነዋልም ብለዋል።

ለክልሉ የመስኖ ፕሮጀክት መጓተት አንደኛው ችግር የወሰን ማስከበር ችግር መሆኑንም ተናግረዋል። በክልሉ እየተገነቡ ያሉ የመስኖ ፕሮጄክቶች ውጤታማ እንዲሆኑ ቅንጅታዊ ሥራ መኖር አለበትም ነው ያሉት። የክልሉ አማካሪ፣ የዲዛይን ድርጅቶችና ተቋራጮች ራሳቸውን ለሥራ ዝግጁና ብቁ ማድረግ እንደሚገባቸውም አሳስበዋል።

የሽንፋ መስኖ ፕሮጄክትን ዲዛይን በመሥራት ሀብት ማፈላለግ ይገባልም ብለዋል። የፌዴራል መንግሥትም የሽንፋ ዲዛይን እንዲጠና ፍላጎት እንዳለው ተጠቅሷል። ተወዳዳሪ ክልል እንዲሆን የክልሉን ሀብት መጠቅም ይገባልም ብለዋል ርእሰ መሥተዳደሩ።

ዘጋቢ:- ታርቆ ክንዴ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

300 በላይ የመንግሥት የሥራ ኀላፊዎች በቅጣት ሃብታቸውን እንዲያስመዘግቡ መደረጉን የፌደራል የሥነ ምግባር እና ጸረ ሙስና ኮሚሽን ገለጸ።

admin

የመንግስት የፋይናንስ አስተዳደር ስርዓትን ለማሻሻል የገንዘብ ሚኒስቴር አዲስ ስትራቴጂክ ዕቅድ ይፋ አደረገ

admin

የብልጽግና ፓርቲ ዋና ጽሕፈት ቤት የሥራ ኃላፊዎች ለሰብዓዊ ድጋፍ የሚውል የአንድ ወር ደመወዝ 50 በመቶ ለገሱ

admin