27.21 F
Washington DC
March 5, 2021
Satenaw Ethiopian News/Breaking News
Amharic News

በካሳ ክፍያ ምክንያት ተስተጓጉሎ የነበረው የባቡር መስመር ዝርጋታ ሥራ ተጀመረ፡፡

በካሳ ክፍያ ምክንያት ተስተጓጉሎ የነበረው የባቡር መስመር ዝርጋታ ሥራ ተጀመረ፡፡

ባሕር ዳር፡ ጥር 19/2013 ዓ.ም (አብመድ) ከካሳ ክፍያ ጋር በተያያዘ ተስተጓጉሎ የነበረው የአዋሽ – ኮምቦልቻ – ሀራ ገበያ የባቡር መስመር ዝርጋታ ፕሮጀክት ችግሩ ተፈትቶ ሥራው የቀጠለ መሆኑን የፕሮጀክቱ ሥራ አስኪያጅ ኢንጂነር አብዱልከሪም መሃመድ ገለጹ።

የፕሮጀክቱ አካል የሆነውና በኤሌክትሪክ ሀይል አቅርቦት ችግር በመጀመርያ ምዕራፍ ግንባታው ተጠናቆ ያለአገልግሎት የቆየውን የአዋሽ – ኮምቦልቻ የባቡር መስመር በቅርቡ ሥራ ለማስጀመር እየተሠራ እንደሆነም ተመልክቷል ።

ሥራ አስኪያጁ እንዳሉት በሁለት ምዕራፍ እየተሠራ የሚገኘው የአዋሽ- ኮምቦልቻ- ሃራ ገበያ 390 ኪሎ ሜትር የምድር ባቡር መስመር ዝርጋታ በ2007 ዓ.ም ነው የተጀመረ ሲሆን በ2012 ዓ.ም መጨረሻ ለማጠናቀቅ ታቅዶ ነበር።

የሁለተኛው ምዕራፍ ከኮምቦልቻ – ሃራ ገበያ ያለው 122 ኪሎ ሜትር የባቡር መስመር ዝርጋታም ከካሳ ክፍያ ጋር በተያያዘ በተፈጠረ አለመግባባት ሥራው ተስተጓጉሎ መቆየቱን አመልክተዋል።

“በአጠቃላይ ከኤሌክትሪክ አቅርቦትና ከካሳ ክፍያ ጋር በተያያዘ በሁለቱም ምዕራፎች የባቡር መስመር ዝርጋታ ሥራው ለስምንት ወር ተስተጓጉሎ ቆይቷል” ብለዋል።

ችግሩን ለመፍታት በመንግሥት በተቀመጠ አቅጣጫ መሰረት ለ480 አርሶ አደሮች 100 ሚሊዮን ብር ተጨማሪ የካሳ ክፍያ በቅርቡ በመከፈሉ በሁለተኛው ምዕራፍ ተስተጓጉሎ የነበረው የ50 ኪሎ ሜትር መስመር ዝርጋታ ካለፈው ወር ጀምሮ እየተካሄደ መሆኑን ገልጸዋል።

ከኮምቦልቻ – ሃራ ገበያ ያለው 122 ኪሎ ሜትር የባቡር መስመር ዝርጋታ አጠቃላይ ሥራ 82 በመቶ መድረሱን የጠቆሙት የፕሮጀክቱ ሥራ አስኪያጅ፤ ቀሪውን ሥራ በአንድ ዓመት ጊዜ ውስጥ ለማጠናቀቅ እየተሠራ መሆኑን አመላክተዋል።

በመጀመሪያ ምዕራፍ ግንባታው 99 በመቶ ተጠናቆ በኤሌክትሪክ ኃይል አቅርቦት ችግር ወደ ሙከራ ሳይገባ የቆየውን አዋሽ – ኮምቦልቻ የባቡር መስመርን ሥራ ለማስጀመር ከኢትዮጵያ ኤሌክትሪክ ኃይል አቅርቦት ጋር ስምምነት ላይ መደረሱን ተናግረዋል።

የባቡር መስመር ዝርጋታ ፕሮጀክቱ በጊዜ መራዘም ምክንያት ተጨማሪ ወጪ እንዳይጠይቅ ባለድርሻ አካላትን በማሳታፍ እየተሠራ መሆኑን ጠቅሰዋል፡፡

የአዋሽ – ኮምቦልቻ – ሃራ ገበያ የምድር ባቡር መስመር ስርጋታ ፕሮጀክት የ51 ድልድዮችና የ12 ዋሻዎች ግንባታ ያካተተ መሆኑን ሥራ አስኪያጁ ማስታወቃቸውን ኢዜአ ዘግቧል፡፡

አዋሽ – ኮምቦልቻ – ሃራ ገበያ የምድር ባቡር ፕሮጀክት በ1 ነጥብ 7 ቢሊዮን የአሜሪካን ዶላር የሚከናወን መሆኑ ታውቋል።

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ኅብረተሰቡ ለወሳኝ ኩነቶች ምዝገባ ንቁ ተሳትፎና ትብብር በማድረግ ክልሉ ፍትሐዊ ተጠቃሚ እንዲሆን የአማራ ክልል ወሳኝ ኩነቶች ኤጀንሲ ጠየቀ፡፡

admin

በይርጋለም የተቀናጀ የግብርና ምርቶች ማቀነባበርያ ኢንዱስሪ ፓርክ የተሰማሩ ባለሀብቶች ከማህበራት ጋር ትስስር መፍጠራቸው ተገለፀ

admin

የሐረማያ ዩኒቨርስቲ የዘንድሮ ተመራቂ ተማሪዎች ከሁለት ሚሊዮን ብር በላይ በሚገመት ያከናወኑዋቸው ፕሮጀክቶች ተመረቁ

admin