66.31 F
Washington DC
June 13, 2021
Satenaw Ethiopian News/Breaking News
Amharic News

“በኢትዮጵያ የኢንዱሰትሪ ዘርፍ ዕድገት እንዲረጋገጥ የሀገሪቱ ከፍተኛ የትምህርት ተቋማት ከኢንዱስትሪዎች ጋር ተሳስረው መሥራት ይገባቸዋል” ፕሮፌሰር ዳንኤል ቅጣው

“በኢትዮጵያ የኢንዱሰትሪ ዘርፍ ዕድገት እንዲረጋገጥ የሀገሪቱ ከፍተኛ የትምህርት ተቋማት ከኢንዱስትሪዎች ጋር ተሳስረው መሥራት ይገባቸዋል” ፕሮፌሰር ዳንኤል ቅጣው

ባሕር ዳር፡ ግንቦት 19/2013 ዓ.ም (አሚኮ) አንድ ሀገር የእድገት መሰላልን ለመቆናጠጥ ለኢንዱስትሪ ዘርፉ ከፍተኛ ትኩረት መስጠት የምርጫ ጉዳይ አለመሆኑን የምጣኔ ሃብት ባለሙያዎች ያነሳሉ፡፡ ምክንያቱ ደግሞ ዘላቂ ልማትን ለማረጋገጥ ትልቁን ድርሻ ሊሸከም የሚችለው የኢንዱስትሪው ክፍለ ኢኮኖሚ እንደሆነ ያመላክታሉ፡፡ ባለሙያዎች እንደሚሉት ኢንዱስትሪ በባህሪው ጠቅላላ ሀገራዊ ኢኮኖሚን የማንቀሳቀስ እና የተሳሰረ ዘላቂ ሽግግርን የማምጣት አቅም አለው፡፡ የዓለም የእድገት ታሪክ የሚያሳየውም ይህንኑ ነው፡፡ ይህን ለማሳካት ደግሞ በግብርናው ዘርፍ ውስጥ መዋቅራዊ ሽግግር መፍጠር እንደሚገባ ይገልጻሉ፡፡

የአዲስ አበባ ዩኒቨርሲቲ የምህንድስና መምህር እና ተመራማሪ ፕሮፌሰር ዳንኤል ቅጣው ኢትዮጵያ ከፍተኛ የሆነ ሠራተኛ፣ ሰፊ መሬት፣ ማዕድን፣ የውኃ እና የእንስሳት ሃብት ያላት ሀገር ብትሆንም በዓለም የልማት ካርታ ውስጥ አለመቀመጧን አንስተዋል፡፡

የሀገሪቱን ድህነት መጠቀሚያ በማድረግ ጫና ለመፍጠር ከሚሹ ሀገራት ተፅዕኖ ለመላቀቅ የሰው ኃይል እና የተፈጥሮ ሃብት አቀናጅቶ በተገቢው መንገድ ማልማት እንደሚገባ አንስተዋል፡፡ ለዚህ ደግሞ ጥሬ ዕቃን ለዓለም ገበያ ከማቅረብ በመውጣት እሴት ጨምሮ ለዓለም ገበያ ማቅረብ እንደሚገባ አንስተዋል፡፡

የኢንዱስትሪ ዘርፉ እንዲያድግ የግል ባለሃብቱ ከፍተኛ ድርሻ ሊወስድ እንደሚገባ ገልጸዋል፡፡ የበለጸጉ ሀገራት የዕድገት ምስጢርም ለግል ባለሃብቶች ትኩረት መስጠታቸው መሆኑን ነው ያነሱት፡፡

ፕሮፌሰሩ እንዳሉት ከሰው ኃይል ውጭ ምንም ሃብት የሌላት ባንግላዴሽ በዚህ ወቅት በሃብት በዓለም 32ኛ ደረጃ ላይ እንደምትገኝ ለአብነት አንስተዋል፡፡ ለዚህ ደግሞ ፈጠራ ላይ ትኩረት ሰጥተው በመሥራታቸው እንደሆነ ነው የገለጹት፡፡ የሀገሪቱ ከፍተኛ የትምህርት ተቋማትም ከኢንዱስትሪዎች ጋር ተሳስረው መሥራት በመቻላቸው መሆኑንም ነግረውናል፡፡ ኢትዮጵያም ጥሬ ዕቃን እሴት በመጨመር ለዓለም ገበያ ለማቅረብ መንግሥት፣ የግሉ ዘርፍ፣ ከፍተኛ ትምህርት ተቋማት እና ኢንዱስትሪዎች በቅንጅት መሥራት እንደሚገባቸው አመላክተዋል፡፡

ሳይንሳዊ የፈጠራ ብቃትን በማጎልበት እና የሕዝቡን የቴክኖሎጅ እውቀት በማዳበር የኢኮኖሚ ግብዓቶችን በብቃት እንዲጠቀም ማድረግ ይገባል፡፡ ለዚህ ደግሞ የሀገሪቱ የሳይንስ እና ቴክኖሎጅ ደረጃ እንዲሻሻል ከፍተኛ ትኩረት መስጠት ያስፈልጋል፡፡ የሀገሪቱን የኢንዱስትሪ ዘርፍ ለማጎልበት የተፈጥሮ ሃብት ላይ የተመሰረተ አግሮ ኢንዱስትሪን ማስፋፋት፣ ወደ ወጪ ሀገራት የሚላኩትን ምርቶች በጥራት እና በዓይነት ማሳደግ እንደሚገባ ጠቁመዋል፡፡

ከውጪ ወደ ሀገር ውስጥ የሚገቡ ምርቶችንም መተካት የሚችል አሠራር፣ የሰው ጉልበት ተጠቃሚ የሆነ በቂ የግብርና ግብዓቶችን ማምረት መቻል፣ ከፍተኛ የቴክኒክ ዕውቀት ያለው የሰው ኃይል ማፍራት የሚችል እና ሌሎቹን የኢኮኖሚ ዘርፎች በብቃት ማስተሳሰር የሚችል ሁለገብ የኢንዱስትሪ ዘርፍ መገንባት ያስፈልጋልም ብለዋል፡፡

ዘጋቢ፡- ዳግማዊ ተሠራ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ከግንቦት ወር አጋማሽ ጀምሮ የክረምት ዝናብ በተወሰኑ የኢትዮጵያ ክፍሎች ተፅዕኖ እንደሚኖረው ተገለጸ

admin

“ኢትዮጵያን ለማዳን ሁሉም አንድ መሆን ይገባዋል” የጦር ኃይሎች ጠቅላይ ኢታማዦር ሹም

admin

በጅቡቲ ከሚኖሩ ኢትዮጵያውያንና ትውልደ ኢትዮጵያውያን ጋር በወቅታዊ ጉዳዮች ላይ ውይይት ተካሄደ።

admin