65.05 F
Washington DC
June 13, 2021
Satenaw Ethiopian News/Breaking News
Amharic News

በአማራ የፖለቲካ ፓርቲዎች የጋራ ምክር ቤት ተቋቋመ።



በአማራ የፖለቲካ ፓርቲዎች የጋራ ምክር ቤት ተቋቋመ።
ባሕር ዳር፡ ሚያዝያ 17/2013 ዓ.ም (አሚኮ) በ6ኛው ሀገራዊና ክልላዊ ምርጫ በአማራ ክልል የሚወዳደሩ ዘጠኝ ተፎካካሪ
የፖለቲካ ፓርቲዎች የጋራ ምክር ቤት አቋቋሙ።
በምርጫው ሂደት ፓርቲዎች የሚያጋጥሙ ችግሮችን በጋራ በመፍታት ምርጫው ሰላማዊና በመተማመን ላይ የተመሰረተ ሆኖ
እንዲጠናቀቅ ለማስቻል ምክር ቤቱ መቋቋሙ ተመልክቷል።
የጋራ ምክር ቤቱን ትናንት የመሰረቱት የኢትዮጵያ ነፃነት ፓርቲ፣ የኢትዮጵያ ዲሞክራት ህብረት፣ ኢትዮጵያ ህዝባዊ አብዮታዊ
ፓርቲ፣ ብልፅጽግና ፓርቲ፣ ህብር ኢትዮጵያ፣ መላው ኢትዮጵያ አንድነት ድርጅት፣ የኢትዮጵያ ዜጎች ለማህበራዊ ፍትህ፣ የኢትዮጵያ
ዲሞክራሲ ሃይሎች ንቅናቄና እናት ፓርቲ ናቸው።
የእናት ፓርቲ የሰሜን ምዕራብ ኢትዮጵያ አስተባባሪ አቶ ጀምበሩ አለማየሁ ለኢዜአ እንደገለፁት የዘንድሮው ምርጫ ከዚህ በፊት
ከነበሩት የምርጫ ሂደቶች የተሻለ ሁኔታ ይስተዋልበታል።
በሃገሪቱ አዲስ የፖለቲካ ምህዳር እንዲሰፋ የፖለቲካ ፓርቲዎች እርስ በእርስ መቃወም ላይ መሰረት ካደረገ እንቅስቃሴ
በመላቀቅ ተፎካካሪ ሆኖ መስራት እንደሚገባ ተናግረዋል።
የምክር ቤቱ መቋቋም እርስ በእርስ ተቀራርቦ በመስራት በእንቅስቃሴ ሂደት ችግር እንዳይፈጠር ቢፈጠርም በሰከነ አግባብ
በመወያየት ለመፍታት ትልቅ ሚና እንዳለው አመልክተዋል።
“እንዲሁም እርስ በእርስ ከመጠራጠር፣ ከመጠላለፍና ጥል ከመፍጠር በመላቀቅ የሰለጠነ የፖለቲካ እንቅስቃሴ እንዲፈጠርም
ያግዛል” ብለዋል።
ከሁሉም በላይ በዚህ ምርጫ አሸናፊው ህዝብ እንዲሆን እንዲሁም ምርጫው ዴሞክራሲያዊ፣ ነፃና ፍትሃዊ ሆኖ እንዲጠናቀቅ
እየተደረገ ያለውን ጥረት በማጎልበት ምክር ቤቱ የጎላ ድርሻ እንዳለው አብራርተዋል።
የአማራ ዴሞክራሲ ንቅናቄ (አዴሃን) ሊቀመንበርና የጋራ ምክር ቤቱ ሰብሳቢ ሆነው የተመረጡት አቶ ተስፋሁን አለምነህ
በበኩላቸው አሁን ያለው የፖለቲካ ድባብ ምርጫው የተሻለ ተስፋ እንዲጣልበት ያደረገ መሆኑን ተናግረዋል። ዘገባው የኢዜአ
ነው።
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleʺሆሳዕና በአርያም መድኃኒት በሰማይ”

Source link

Related posts

የፍጻሜው ጦርነት ነው – ሁሉም ዘብ ይቁም በቦታው….. ወይራው እርገጤ | Ethiopian News | ዘ-ሐበሻ | Latest News Provider

admin

“ግብጽና ሱዳን የሕዳሴ ግድብ የሦስትዮሽ ድርድር ከአፍሪካ ሕብረት ማዕቀፍ እንዲወጣ እየጣሩ ነው” የውጭ ጉዳይ ሚኒስቴር

admin

ኢትዮጵያውያን በጋራ በመቆም ለሀገራቸው የሚጠበቅባቸውን ኀላፊነት እንዲወጡ በተባበሩት መንግሥታት ድርጅት የኢፌድሪ ቋሚ መልዕክተኛ አምባሳደር ታዬ አፅቀስላሴ ጥሪ አቀረቡ፡፡

admin