62.49 F
Washington DC
June 17, 2021
Satenaw Ethiopian News/Breaking News
Amharic News

በአማራ ክልል ሰሜን ሸዋ እና ኦሮሞ ብሔረሰብ አስተዳደር ዞኖች የአብሮነትና የሰላም ሥነ-ስርዓት እየተካሄደ ነው

አዲስ አበባ፣ ግንቦት 25፣ 2013 (ኤፍ ቢ ሲ) የጸጥታ ችግር ተከስቶባቸው በነበሩት የአማራ ክልል ሰሜን ሸዋ እና ኦሮሞ ብሔረሰብ አስተዳደር ዞኖች የህዝብ ለህዝብ ትስስርን የሚያጠናክር የአብሮነትና የሰላም ሥነ-ስርዓት እየተካሄደ ነው።

የአብሮነትና የሰላም ሥነ-ስርዓቱ በከሚሴ ከተማ ደዋ ጨፋ ወረዳ ተረፍ ቀበሌ አስተዳደር እየተካሄደ ሲሆን፥ ሰላምንና አብሮነትን ያስተሳስራል ተብሎ ይጠበቃል።

ከጥቂት ጊዜያት በፊት የጸጥታ መደፍረስና ከፍተኛ ችግሮች ደርሰውበት የነበረውን የሰሜን ሸዋ ዞንና የኦሮሞ ብሔረሰብ አስተዳደር ዞንን ወደ ቀድሞ እንቅስቃሴ በተጠናከረ ሁኔታ ለመመለስና የተፈናቀሉ ወገኖችን ለመደገፍ የተለያዩ ተግባራት እየተከናወኑ ይገኛል።

በሥነ-ስርዓቱ ላይ በአካባቢው የተቋቋመው የጸጥታ ግብረሃይል ዋና አስተባባሪ ሌተናል ጄኔራል ደስታ አቢቼ ጨምሮ የአካባቢው ነዋሪዎች የሁለቱ ዞኖችና የመከላከያ ሠራዊት ከፍተኛ አመራሮች ተገኝተዋል።

በዚህም የአካባቢውን ነዋሪዎች አንድነትና ወንድማማችነትን የሚያጠናክረው የአብሮነትና የሰላም ሥነ-ስርዓት በዛሬው እለት በአካባቢው ባህል መሠረት እየተካሄደ ይገኛል።

በሐይማኖት አባቶችና በሃገር ሽማግሌዎች መሪነት እየተከናወነ የሚገኘው ሥነ-ስርዓቱ ከዚህ ቀደም የተከሰቱ ችግሮች ዳግም እንዳይከሰቱ ለማድረግና ወንጀለኞችን ለማጋለጥ ያለመ መሆኑን ኢዜአ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!



Source link

Related posts

የአብን “ፀሐይ” ጎንደር ላይ ጠለቀች

admin

በፈለገ ሕይወት ጠቅላላ ስፔሻላይዝድ ሆስፒታል የአግልግሎት አሰጣጥ ጥራትን ለማሻሻል የሚያስችል የማነሳሻ (አይ ኬር ኢኒሼቲቭ) መርሐ ግብር ይፋ ተደረገ፡፡

admin

ስንከባበር፣ሰላማችን ስንጠብቅ፣ ግድባችንን እንገነባለን  ወደ ልማታችን  ፊታችንን እናዞራለን-ተቀዳሚ ሙፍቲ ሃጂ ዑመር

admin