52.39 F
Washington DC
February 25, 2021
Satenaw Ethiopian News/Breaking News
Amharic News

በአልጀሪያ  የኢትዮጵያ  ኤምባሲ በሁለት የንግድ ከተሞች  የኢንቨስትመንት፣ ንግድና ቱሪዝም ማስተዋወቂያ ሥራዎች አካሄደ

አዲስ አበባ፣ የካቲት 16፣ 2013 (ኤፍ ቢ ሲ) በአልጀሪያ የሚገኘው የኢትዮጵያ ኤምባሲ በአልጄሪያ በሚገኙ  ኦራን እና ሙስታጋን  በተባሉ የንግድ ከተሞች የንግድ ፣ የኢንቨስትመንት እና የቱሪዝም ማስተዋወቂያ ስራዎች  አካሂዷል ፡፡

አምባሳደር  ነቢያት ጌታቸው በኢትዮጵያና በአልጄሪያ መካከል ያለውን የንግድና ኢንቨስትመንት ትስስር ለማሳደግ በሚቻልበት ሁኔታ ላይ ከንግድና ኢንዱስትሪ ምክር ቤት ፕሬዝዳንቶች እና ከሌሎች የሁለቱ ከተሞች የስራ ኃላፊዎች ጋር ውጤታማ ውይይት አካሂደዋል ፡፡

አምባሳደሩ  በኢትዮጵያ ስላለው ምቹ የንግድና ኢንቨስትመንት አማራጮችም  ገለፃ አድርገዋል፡፡

በወቅቱም አምባሳደሩ  የተለያዩ ኩባንያዎችን የመስክ ጉብኝት ያደረጉ ሲሆን ÷ጂ.አይ.ኤስ.ቢ  ከተሰኘው በአልጄሪያ ግንባር ቀደም የኤሌክትሪክ ገመድ ማምረቻ ከሆነው ኩባንያ ባለቤቶችና ስራ አስፈፃሚዎች ጋር በመገናኘት ኢትዮጵያ በዘርፉ ስላለው የኢንቨስትመንት እድል ገለፃ አድርገዋል ፡፡

በተጨማሪም በአገሪቱ ትልቁ የግብርና ኢንዱስትሪ ቡድን ሜቲዲጂ ግሩፕ ሥራ አስፈፃሚዎች ጋር በመወያየት በአግሮ ቢዝነስ ዘርፍ ኢትዮጵያ ስላላት ትልቅ አቅም አስረድተዋል ፡፡

ሁለቱም ኩባንያዎችም የቅድመ-ኢንቨስትመንት ጉብኝት በኢትዮጵያ ለማድረግ ተስማምተዋል ፡፡

ከዚያም ባለፈ በአልጄሪያ የቱሪስት መዳረሻ ከተሞች አንዷ በሆነችው ኦራን ውስጥ የጉብኝት ኦፕሬተር ከሆኑት የሃያ ቱር ባለሥልጣናት ጋር በተደረገ ውይይት÷ኢትዮጵያን በቱሪስት መዳረሻ ዝርዝራቸው ውስጥ  ለማካተት እና የኢትዮጵያን የቱሪስት መስህቦች ለማስተዋወቅ ስምምነት ላይ  መድረሳቸውን ከውጭ ጉዳይ ሚኒስቴር ያገኘነው መረጃ ያመላክታል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision

በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን

 



Source link

Related posts

በደቡብ ክልል ከ62 ሺ በላይ ወጣቶች የሚሳተፉበት ምክንያታዊ የወጣቶች የውይይትና ክርክር መድረክ ከነገ ጀምሮ ይካሄዳል

admin

በመዲናዋ ወንጀል እየተፈጸመ ነው በሚል የውጭ ሃገራት ዜጎች ጉዞ እንዳያደርጉ በሚል የተናፈሰው ዜና ነባራዊ ሁኔታውን ያለገናዘበ ነው – ፖሊስ

admin

መቐለን ጨምሮ የብር ቅያሪ ከተጀመረ 14 ቀናት ባለፋቸው የትግራይ ከተሞች አገልግሎቱ መጠናቀቁ ተገለፀ

admin