61.99 F
Washington DC
May 11, 2021
Satenaw Ethiopian News/Breaking News
Amharic News

በትግራይ የአስቸኳይ ጊዜ አዋጅ የተሻሻለ የሰዓት እላፊ ገደብና የአዋጅ መተግበሪያ መመሪያ ተግባራዊ መሆን ጀመረ

አዲስ አበባ፣ መጋቢት 22፣ 2013 (ኤፍቢሲ) በትግራይ ክልል ለአራት ወራት በስራ ላይ በዋለው የአስቸኳይ ጊዜ አዋጅ የተደነገገ የሰዓት እላፊ ገደብ ማሻሻያና የአዋጅ መተግበሪያ መመሪያ ወጥቶ ተግባራዊ መሆን መጀመሩን የጊዜያዊ አስተዳደሩ ኮማንድ ፖስት አስታወቀ፡፡

የኮማንድ ፖስቱ አባልና የጊዜያዊ አስተዳደሩ የፍትሕ ቢሮ ኃላፊ አቶ አበራ ንጉሴ በአዋጁ የሰዓት እላፊ ማሻሻያና  አስፈላጊነት እንዲሁም በአዋጅ መተግበሪያ መመሪያ ዙሪያ ለኢዜአ ማብራሪያ ሰጥተዋል፡፡

ሀላፊው  በክልሉ ያለው ሠላም እየተሻሻለ መምጣቱን ተከትሎ  ኢኮኖሚያዊ እንቅስቃሴው ይበልጥ እንዲነቃቃ በአዋጁ የተደነገገው የሰዓት እላፊ ገደብን ማሻሻል አስፈልጓል ብለዋል፡፡

በተለይም በፋብሪካዎችና በግል ተቋማት የሚሰሩ ሠራተኞች ከሥራ ባህሪያቸው አንጻር እስከ ምሽት የሚሰሩ ሰራተኞችን ከግንዛቤ በማስገባት ከምሽቱ አንድ ሰአት የነበረው የሰአት እላፊ ገደብ ወደ ምሽት ሁለት ሰዓት እንዲራዘም መሻሻሉን አስታውቀዋል ።

አዋጁ እስካሁን የመተግበሪያ መመሪያ ሳይወጣለት የቆየ በመሆኑ የወንጀል ድርጊቶች መፈጸምና ለሌሎች ጉድለቶች ምክንያት ሆኖ መቆየቱን አስታውሰዋል ።

ኮማንድ ፖስቱ ሁኔታውን ከገመገመ በኃላ የአዋጅ መተግበሪያ መመሪያ ማዘጋጀቱን የቢሮ ኃላፊው ተናግረዋል፡፡

መመሪያው በዋነኛነት የህብረተሰቡን ዕለታዊ እንቅስቃሴ ለመግታት ህገ ወጥ እንቅስቃሴ ማድረግ ፣አሉባልታ መንዛት፣ የንግድ ተቋማት መዝጋት፣ አድማ ማድረግ ያለ በቂ ምክንያት ከሥራ ቦታ የመቅረት ክልከላዎችን ያካተተ መሆኑን አብራርተዋል።

መመሪያው የተቀመጡ ክልከላዎች ተላልፈው ሲገኙና ሲፈጸሙ  በገንዘብና በእስራት ለመቅጣት የሚያስችል ሆኖ  መዘጋጀቱን አመልክተዋል።

መመሪያው ክልሉን ወደ ቀደመ ሰላማዊ ሁኔታ እንዲመለስ በማድረግ ማህበራዊና ኢኮኖሚያዊ እንቅስቃሴውን የማነቃቃት ዓላማ ያደረገ መሆኑን አስገንዝበዋል ።

የሰዓት እላፊ ገደብ ማሻሻያና የአዋጅ መተግበሪያ መመሪያው ከትላንት በስትያ ጀምሮ በክልሉ በሁሉም አካባቢዎች ተግባራዊ መደረግ መጀመሩን  ሀላፊው አስታውቀዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

 



Source link

Related posts

የዘር ማጥፋት ጭፍጨፋው ይቁም፣ጨፍጫፊዎቹም ለፍርድ ይቅረቡ! | Ethiopian News | ዘ-ሐበሻ | Latest News Provider

admin

‹‹የኢትዮጵያን አፈር ጭረው፣ ልጅ አሳድገው፣ ተምሮ ሀገርና ቤተሰብ ይቀይርልናል የሚሉ ዜጎች በገዛ መሬታቸው ላይ መጤ ተብለው ሲገደሉ ሲሳደዱ፣ መስማትና ማዬት ያማል›› ታማኝ በየነ

admin

‹‹ እንግዳ ሲመጣ አገው ምድር ሲደርስ ፣ አዲናስ ይላሉ ቀልብን በሚሰርቁ በሚያማምር ፈረስ።››

admin