79.57 F
Washington DC
June 13, 2021
Satenaw Ethiopian News/Breaking News
Amharic News

“በትግራይ ክልል ያለውን ችግር በዘላቂነት ለመፍታት መንግሥት እየሰራ ነው” አቶ ደመቀ መኮንን

“በትግራይ ክልል ያለውን ችግር በዘላቂነት ለመፍታት መንግሥት እየሰራ ነው” አቶ ደመቀ መኮንን

ባሕር ዳር፡ ግንቦት 26/2013 ዓ.ም (አሚኮ) በትግራይ ክልል ያለውን ችግር በዘላቂነት ለመፍታት መንግሥት እየሰራ መሆኑን ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ገለጹ።

የውጭ ጉዳይ ሚኒስቴር የትግራይ ክልል ወቅታዊ ሁኔታን በተመለከተ መቀመጫቸውን አዲስ አበባ ካደረጉ አምባሳደሮችና የዓለም አቀፍ ድርጅት ተወካዮች ጋር ውይይት አድርጓል።

ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን በዚሁ ጊዜ እንደገለጹት፤ መንግሥት በትግራይ ክልል ያለውን ችግር ለማቃለል እየሰራ ነው።
በተለይም የሰብዓዊ ድጋፍን በተመለከተ መንግሥት 70 በመቶውን በመሸፈን ቀሪውን ደግሞ አጋር አካላት ሲሰሩት መቆየታቸውን ገልጸዋል።

በክልሉ በግብርና፣ በጤና፣ በትምህርትና በሌሎችም ሴክተሮች በተሰሩት ሥራዎች አዎንታዊ ለውጦች መታየታቸውን ተናግረዋል።
ከዚህ ጎን ለጎንም ህዝቡን መልሶ የሟቋቋምና መሰረተ ልማቶችን የመገንባት ሥራዎች እየተካሄዱ መሆኑን ጠቁመው ይህም ተጠናክሮ እንደሚቀጥል አረጋግጠዋል።
ያም ሆኖ አሁንም አንዳንድ ድርጅቶች በተለይም በክልሉ የሰብዓዊ እርዳታ ማመላለሻ ኮሪደር አልተከፈተም በማለት ዓለም አቀፍ ማህበረሰቡን እያሳሳቱ መሆኑን ገልጸዋል።
እነዚህ አካላት ስሜት ቀስቃሽ የሆኑ የሐሰት ዘገባዎችን ጭምር እያሰራጩ መሆኑን ገልጸው፤ ድርጊቱ በፖለቲካ፣ በሞራልም ሆነ በህግ ተቀባይነት የለውም ብለዋል። ይሁንና በክልሉ የሰብዓዊ እርዳታ ማመላለሻ ኮሪደር ከጥቂት የጸጥታ ስጋት ካለባቸው አካባቢዎች በስተቀር ሙሉ በሙሉ በሚባል ደረጃ ክፍት መሆኑን ተናግረዋል።

በሌላ በኩል በክልሉ የተፈጸሙ ኢ-ሰብዓዊ ድርጊቶችን የመንግሥታቱ ድርጅት የሠብዓዊ መብት ተቋምና የኢትዮጵያ አቻው ተቋም በጋራ እያጠኑ መሆኑን አስታውሰዋል።

ይህንንም ተከትሎ መንግሥት ባሉት የጸጥታና የፍትህ ተቋማት በመታገዝ በንጹሃን ዜጎች ላይ ኢ-ሰብዓዊ ድርጊት የፈጸሙ ግለሰቦች ለህግ እንደሚቀርቡ አረጋግጠዋል።
በክልሉ ያለውን ችግር በዘላቂነት ለመፍታትና ህዝቡን ወደ ቀደመ ህይወቱ ለመመለስ በጋራ መሥራትና ርብርብ ማድረግ እንደሚገባም ጠቁመዋል።

መንግሥትም ለክልሉ ችግር ዘላቂ መፍትሄ ለማምጣት በብሔራዊና በክልል ደረጃ ሁሉን አቀፍ የውይይት እቅድ በማውጣት እየሰራ መሆኑን ነው ያስረዱት። ይህንን ተከትሎ በጠቅላይ ሚኒስትር ዶክተር ዐብይ አህመድ መሪነት ሁለት ወሳኝ ውይይቶች መደረጋቸውን አቶ ደመቀ ተናግረዋል።

ሁሉን አቀፍ ውይይቱን ይበልጥ አጠናክሮ በማስቀጠል ለክልሉ ሁነኛ መፍትሄ ለማምጣት መንግሥት ቁርጠኛ መሆኑንም አረጋግጠዋል። ዘገባው የኢዜአ ነው

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ለሰላም ግንባታና የኮሮናቫይረስ ወረርሽኝን ለመከላከል የሀገር በቀል እውቀት ትኩረት ሊሰጠው እንደሚገባ ተመላከተ፡፡

admin

‹‹ እነሆ ወደ ዮርዳኖስ ወረደ የእዳ ደብዳቤውም ተቀደደ››

admin

የኢትዮጵያና ኬንያ ግንኙነት መጠናከር ለቀጠናው ሰላምና መረጋጋት ጉልህ ሚና እንዳለው ተገለጸ

admin