70.61 F
Washington DC
June 22, 2021
Satenaw Ethiopian News/Breaking News
Amharic News

በትግራይ ክልል ከሕግ ማስከበሩ ዘመቻ በኋላ ከ9 ነጥብ 7 ሚሊዮን በላይ ለሚሆኑ ዜጎች የአስቸኳይ ጊዜ ድጋፍ መሰራጨቱን የብሔራዊ አደጋ ስጋት ሥራ አመራር ኮሚሽን ገለጸ፡፡




በትግራይ ክልል ከሕግ ማስከበሩ ዘመቻ በኋላ ከ9 ነጥብ 7 ሚሊዮን በላይ ለሚሆኑ ዜጎች የአስቸኳይ ጊዜ ድጋፍ መሰራጨቱን
የብሔራዊ አደጋ ስጋት ሥራ አመራር ኮሚሽን ገለጸ፡፡
ባሕር ዳር፡ ሰኔ 02/ 2013 ዓ.ም (አሚኮ) የጠቅላይ ሚኒስቴር ፕሬስ ሴክሬታሪያት ባዘጋጀው መግለጫ ላይ የብሔራዊ አደጋ
ስጋት ሥራ አመራር ኮሚሽን ኮሚሽነር ምትኩ ካሳ በትግራይ ክልል ከሕግ ማስከበሩ ዘመቻ በኋላ ከ9 ነጥብ 7 ሚሊዮን በላይ
ለሚሆኑ ዜጎች ምግብ እና ምግብ ነክ ያልሆኑ ድጋፎች መሰራጨታቸውን ገልጸዋል፡፡
በሦስት ዙሮች 5 ነጥብ 4 ሚሊዮን ብር የሚገመት እና 170 ሺህ 798 ሜትሪክ ቶን ምግብ በክልሉ ተሰራጭቷል ብለዋል፡፡
በመጀመሪያ እና በሁለተኛ ዙር የተሰራጨው ድጋፍ 70 በመቶ በመንግሥት የተሸፈነ እና 30 በመቶው ደግሞ ከአጋር አካላት
የተገኘ መሆኑን ገልጸዋል፡፡
ከሦስተኛው ዙር ጀምሮ የዓለም የምግብ ድርጅት፣ ወርልድ ቪዥን፣ ኬር ኢንተርናሽናል፣ ሪሊፍ ሶሳይቲ ኦፍ ትግራይ እና ፉድ ፎር
ሀንግሪ (ኤፍ ኤች) የተሰኙ ድጋፍ ሰጪ ግብረ ሰናይ ድርጅቶች ከመንግሥት ጋር የአስቸኳይ ጊዜ ድጋፍ በማድረግ እየተሳተፉ
መሆኑን ኮሚሽነሩ ገልጸዋል፡፡
ኮሚሽነሩ መንግሥት የአስቸኳይ ጊዜ ድጋፍ ከማቅረብ ባሻገር መልሶ ማቋቋም ላይ በትኩረት እየሠራ መሆኑንም አንስተዋል፡፡
ለረጂ ድርጅቶቹ ሁኔታዎችን ምቹ ማድረግ መቻሉንም ገልጸዋል፡፡ የሚደረገው ድጋፍ ለሴቶች እና ለሕጻናት ልዩ ትኩረት የሰጠ
እንደሆነ አንስተዋል፡፡ የሕክምና ተቋማት እና የግብዓት አቅርቦት፣ የንጹሕ መጠጥ ውኃ እና መሰል መሰረተ ልማቶች እየተሟሉ
መሆኑንም ጠቅሰዋል፡፡
ክልሉን መልሶ በማቋቋም ረገድ ሚኒስቴር መሥሪያቤቶችም በየዘርፉ እያደረጉ ያለውን ድጋፍ ኮሚሽነር ምትኩ አንስተዋል፡፡
ለአብነት የግብርና ሚኒስቴር 10 ሚሊዮን ብር በጀት በመመደብ የግብርና እና ተፈጥሮ ሃብት ልማቱን እየደገፈ መሆኑን
አንስተዋል፡፡ የማዳበሪያ፣ ምርጥ ዘር እና መሰል የግብርና ግብዓቶች ለአርሶ አደሮች እየቀረቡ ነው ብለዋል፡፡
ኮሚሽነሩ ለ72 መምህራን ልዩ ስልጠና በመስጠት እና የኮሮናቫይረስ ወረርሽን ቅድመ መከላከል ግብዓትን ጨምሮ የትምህርት
ቁሳቁስ በማሟላት የትምህርት ሥራው እንዲጀምር መደረጉንም አንስተዋል፡፡ ኮሚሽነር ምትኩ በመግለጫቸው ምግብ እና
ምግብ ነክ ያልሆኑ ድጋፎችን በቀላሉ እና በሚፈለገው ጊዜ ለማሰራጨት የሚያስችል መዋቅራዊ አደረጃጀት መፈጠሩን
አንስተዋል፡፡
መንግሥት የድጋፍ ሰጪ ድርጅቶችን ፍቃድ ማራዘም፣ የመገናኛ ጥያቄአቸውን መፍታት እና ሌሎች ምቹ ሁኔታዎችን መፍጠሩም
ተገልጿል፡፡ ኮሚሽነር ምትኩ ተፈናቃዮች ዓለም አቀፍ ስምምነት መስፈርትን ባሟላ መልኩ ወደቀያቸው ተመልሰው እንዲቋቋሙ
እየተደረገ መሆኑን ገልጸዋል፡፡
በየማነብርሃን ጌታቸው
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m






Previous articleበትግራይ ክልል የጤና አገልግሎት ተደራሽነትን ለማሳደግ እየተሠራ እንደሚገኝ ጤና ሚኒስቴር ገለጸ፡፡
Next articleሩሲያና ኢትዮጵያ በመረጃና ደኅንነት ጉዳዮች የሚያደርጉትን ትብብር አጠናክረው እንደሚቀጥሉ ተገለጸ።


Source link

Related posts

ከተሞች በሁለተናዊ መስኮች ድርሻቸውንና እድገታቸውን ለማፋጠን በእቅድ የተመሩ ሊሆኑ ይገባል ተባለ

admin

የሽብር ጥቃት ለመፈፀም ሲንቀሳቀሱ የነበሩ በቁጥጥር ስር ዋሉ

admin

ከቀሬጎሃ (ጐሃፅዮን) እስከ ደጀን ያለው የዓባይ በረሃ በደን ሊሸፈን ነው

admin