62.49 F
Washington DC
June 17, 2021
Satenaw Ethiopian News/Breaking News
Amharic News

በትግራይ ክልል ለዘንድሮ መኸር እርሻ ለአርሶ አደሮች የግብርና ግብዓትና ምርጥ ዘር እንዲቀርብ እየተሠራ መሆኑን ግብርና ሚኒስቴር አስታወቀ፡፡

በትግራይ ክልል ለዘንድሮ መኸር እርሻ ለአርሶ አደሮች የግብርና ግብዓትና ምርጥ ዘር እንዲቀርብ እየተሠራ መሆኑን ግብርና ሚኒስቴር አስታወቀ፡፡

ባሕር ዳር፡ ግንቦት 20/2013 ዓ.ም (አሚኮ) በተያዘው ዓመት የመኸር ወቅት የክልሉን አርሶ አደሮች ወደ ግብርና ልማት ሥራ እንዲገቡ ለማስቻል የፌዴራል መንግሥት ከክልሉ ጊዜያዊ አስተዳደር ጋር በመሆን የተቀናጀ የማቋቋምና ወደ እርሻ ሥራ እንዲገቡ የማድረግ ድጋፍ እያደረገ እንደሚገኝ ሚኒስቴሩ ገልጿል፡፡ የክልሉ አርሶ አደሮች የመኸር እርሻ አጠናክረው መቀጠል እንዲችሉ የማብቃትና የማገዝ ሥራ ተጠናክሮ መቀጠሉንም አመላክቷል፡፡

ግብርና ሚኒስቴር ከክልሉ ጊዜያዊ አስተዳደር ጋር በቅንጅት ባደረገው እንቅስቃሴ ከዘጠኝ መቶ ሺህ ሄክታር በላይ መሬት በመኸር እርሻ እንዲሸፈን በማድረግ የኅብረተሰቡን የምግብ ዋስትና ችግር ለመፍታት እየተደረገ ያለውን ርብርብ በመደገፍ ላይ መሆኑን የግብርና ሚኒስቴር ሚኒስትር ዴኤታ ሳኒ ረዲ ገልጸዋል፡፡ እስካሁን በተደረገው ድጋፍና ርብርብ የዕቅዱ 70 በመቶ የሚሆን መሬት በመኸር እርሻ መሸፈን የሚያስችል እንቅስቃሴ የተደረገ መሆኑን አመላክተዋል፡፡ ለሥራው የሚያስፈልግ ግብዓት መቀሌ ማእከላዊ መጋዘን እየደረሰ ነው ብለዋል፡፡

በክልሉ በተደራጁ የሕብረት ሥራ ማኅበራት በኩል ወደ ወረዳዎች በማጓጓዝ ለአርሶ አደሮች የማድረስ ሥራ መቀጠሉን ሚኒስትር ዲኤታው ተናግረዋል፡፡

የግብርና ሚኒስቴር የክልሉን የመፈጸም አቅም ከፍ ለማድረግ ለአርሶ አደሮች የቴክኒክ ድጋፍ በመስጠት ምርትና ምርታማነት ማሳደግ እንዲቻል የመስክ ሥራ ተሽከርካሪ፣ የቢሮ ቁሳቁስ፣ ኮምፒዩተሮችና ለፈጻሚ ባለሙያዎች ስልጠና ተሰጥቷል ነው ያሉት፡፡ ለዘንድሮ መኸር እርሻ ለክልሉ አርሶ አደሮች የሚያስፈልገውን የግብርና ግብዓትና የምርጥ ዘር አቅርቦት መጠን በመለየት በዕቅዱ መሠረት እንዲቀርብ እየተሠራ እንደሆነ ተገልጿል፡፡

በትግራይ ክልል በተፈጠረው የጸጥታ ችግር የአርሶ አደሮች የግብርና ልማት ሥራ መስተጓጎሉ ይታወሳል፡፡ ይህንን ችግር በመቅረፍ የክልሉ አርሶ አደሮች በዚህ መኸር ወቅት የእርሻ እንቅስቃሴያቸውን በቴክኖሎጂ ለመደገፍና የምርጥ ዘር አቅርቦት በፍላጎታቸው መሠረት እንዲቀርብ ለማስቻል ሁለገብ ጥረት እየተደረገ እንደሚገኝ ከግብርና ሚኒስቴር የማኅበራዊ ትስስር ገጽ የተገኘ መረጃ ያመላክታል፡፡

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

በኮምቦልቻ እና በሀዋሳ የተገነቡ አየር ትራፊክ መቆጣጠሪያ ማማዎች ተመረቁ

admin

የዘንድሮው ምርጫ የዘመናት ቋጠሮዎች የሚፈቱበት ቁልፍ ነው-ጠ/ሚ ዐቢይ አህመድ

admin

በአማራ ክልል የተፈፀመውን ጥቃት ለማስቆም ተጨማሪ የጸጥታ ኃይል መግባቱን የክልሉ መንግሥት አስታወቀ።

admin