71.98 F
Washington DC
May 17, 2021
Satenaw Ethiopian News/Breaking News
Amharic News

በበዓላት ወቅት የኮሮናቫይረስን ለመከላከል በገበያ ቦታና በትራንስፖርት አካባቢ በሚደረጉ እንቅስቃሴዎች ላይ ጥንቃቄ ማድረግ ያስፈልጋል” ዶክተር አብርሃም ይመኑ



“በበዓላት ወቅት የኮሮናቫይረስን ለመከላከል በገበያ ቦታና በትራንስፖርት አካባቢ በሚደረጉ እንቅስቃሴዎች ላይ ጥንቃቄ ማድረግ
ያስፈልጋል” ዶክተር አብርሃም ይመኑ
ባሕር ዳር፡ ሚያዝያ 20/2013 ዓ.ም (አሚኮ) በአሁኑ ወቅት የኮሮናቫይረስ ወረርሽኝ የበርካታ ሰዎችን ሕይወት እየቀጠፈ
ይገኛል፡፡ መዘናጋትና የወጡ መመሪያዎችን አለመተግበር ደግሞ ዋጋ እያስከፈሉ ይገኛሉ፡፡ የአሚኮ የጋዜጠኞች ቡድን ከሰሞኑ
ለዘገባ ባቀናባቸው የእንጅባራ፣ የአንካሻ ጓጉሳ፣ የጓጉሳ ሽኩዳድ፣ የፋግታ ለኮማና የዳንግላ ወረዳ ነዋሪዎች ለኮሮናቫይረስ
ወረርሽኝ የሚያደርጉት ጥንቃቄ እጅግ ዝቅተኛ መሆኑን ተመልክቷል፡፡
ነዋሪዎቹ በገበያ ቦታ፣ በእምነት ተቋማት፣ በሆቴሎች፣ በትራንስፖርትና በልዩ ልዩ ቦታዎች ላይ ሲገኙ የአፍና የአፍንጫ መሸፈኛ
አይለብሱም፡፡ ወደ ጤና ተቋማት ሲገቡ ብቻ የአፍና የአፍንጫ መሸፈኛ ሲለብሱ ተመልክተናል፡፡ ከጤና ተቋማት ውጪ የአፍና
የአፍንጫ መሸፈኛን ሲጠቀሙ ግን አይስተዋልም፡፡
ከዳንግላ ዙሪያ ወረዳ ያነጋገርናቸው አቶ ግዛቸው አያሌው የአፍና የአፍንጫ መሸፈኛ ጭምብል ለብሰው ሲንቀሳቀሱ
ተመልክተናል፡፡ ሌሎች ሰዎች ሰለ ኮሮና ወረርሽኝ በቂ እውቅና እያላቸው የአፍና የአፍንጫ መሸፈኛ አውልቀው መሄድ፣ በሽታውን
አቅልለው ማየት እና የጤና ባለሙያዎችን ምክር አለመተግበር ችግር እንደሚስተዋልም ተናግረዋል፡፡ በመሆኑም በጤና ተቋማት
አስገዳጅ የሆነው የአፍና የአፍንጫ መሸፈኛ ጭምብል መልበስ በሌሎችም ቦታዎች ተግባራዊ ሊደረግ ይገባል ብለዋል፡፡
ወይዘሮ ሙሉአዳም መሰለ ደግሞ የኮሮናቫይረስ ወረርሽኝ እያስከተለ ከሚገኘው ከፍተኛ ማኅበራዊና ኢኮኖሚያዊ ቀውስ
ራሳቸውንና ቤተሰባቸውን ለመታደግ ቅድመ ጥንቃቄ እያደረጉ መሆኑን ገልጸዋል፡፡ የቫይረሱን ወረርሽኝ ለመከላከል መከላከያ
መንገዶችን በአግባቡ መተግብር አስፈላጊ ነው ብለዋል፡፡ የትንሣኤ በዓልን በጤና ለማሳለፍ ራሳቸውን ከኮሮናቫይረስ እየጠበቁ
እንደሚገኙ ተናግረዋል፡፡
ዶክተር አብርሃም ይመኑ በዳንግላ የመጀመሪያ ደረጃ ሆስፒታል ሜዲካል ዳይሬክተር ናቸው፡፡ የኮሮናቫይረስ ወረርሽኝ እንደ
ሀገርም እየተስፋፋ መሆኑን በመረዳት ዜጎች በቂ ቅድመ ጥንቃቄ ማድረግ እንደሚገባቸው ተናግረዋል፡፡ “ከኮሮናቫይረስ
ለመጠበቅ በበዓላት ወቅት በገበያ ቦታና በትራንስፖርት አካባቢ በሚደረጉ እንቅስቃሴዎች ላይ ከፍተኛ ጥንቃቄ ያስፈልጋል” ነው
ያሉት፡፡ ሕክምና ከሚደረግላቸው ብዙ ታካሚዎች መካከል ቫይረሱ የተገኘባቸው ቁጥራቸው ቀላል የማይባል መሆኑን አንስተዋል፡፡
እንደ ሀገርም የመተንፈሻ መሳሪያ እጥረት እየገጠመ መሆኑን ጤና ሚኒስቴር መግለጹንም ዶክተር አብርሃም አስታውሰዋል፡፡ ሰው
በሽታውን አቅልሎ ከማየት መውጣት አለበት ብለዋል፡፡ የኮሮናቫይረስን ለመከላከል የአፍና የአፍንጫ መሸፈኛ ጭምብል
መልበስ፣ እጅን በሳሙና መታጠብ እና ርቀት መጠበቅ የሁሉም ሰው የዕለት ከዕለት ተግባር ሊሆን እንደሚገባ አሳስበዋል፡፡
ዘጋቢ፡- አዳሙ ሽባባው
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous article“የኮሮናቫይረስ ክትባት የጤና ችግር እንደሚያስከትል ተደርጎ የሚነሳው ሀሳብ ትክክል አደለም” የክትባቱ ተጠቃሚ
Next article“የላልይበላ ብሔራዊ የንብ ሃብት ሙዚየም ዛሬም በሙሉ አቅሙ ወደ ሥራ አልገባም”

Source link

Related posts

ዳውን ዳውን ኢትዮጵያ? (አንተነህ መርዕድ)

admin

እኛ እና ዓለም – ምን እናድርግ? – ምንስ አናድርግ?  (አሰፋ ሀይሉ)

admin

የመከላከያ ኢንዶክትሪኔሽን ዋና ዳይሬክቶሬት ዳይሬክተር ሜጀር ጄኔራል መሐመድ በደቡብ ሱዳን ከተሰማሩ የኢትዮጵያ ሰላም አስከባሪ ሻለቆች ጋር ተወያዩ

admin