76.62 F
Washington DC
June 15, 2021
Satenaw Ethiopian News/Breaking News
Amharic News

በሰሜን ሸዋ ፣ ደቡብ ወሎና ኦሮሞ ብሔረሰብ አስተዳደር አካባቢዎች ከክልልና ከፌዴራል የጸጥታ ተቋማትን ያካተተ ኮማንድ ፖስት መቋቋሙን መከላከያ ሚኒስቴር አስታወቀ።



በሰሜን ሸዋ ፣ ደቡብ ወሎና ኦሮሞ ብሔረሰብ አስተዳደር አካባቢዎች ከክልልና ከፌዴራል የጸጥታ ተቋማትን ያካተተ ኮማንድ
ፖስት መቋቋሙን መከላከያ ሚኒስቴር አስታወቀ።
ባሕር ዳር: ሚያዝያ 10/2013 ዓ.ም(አሚኮ) የኢፌዴሪ የመከላከያ ሚኒስቴር በወቅታዊ የሀገሪቱ የጸጥታ ሁኔታ ላይ መግለጫ
ሰጥቷል።
በአንዳንድ የሀገሪቱ አካባቢዎች ሕዝብን ከሕዝብ በማጋጨት በንጹሐን ዜጎች ላይ የሕይወት እና ንብረት አደጋ ባደረሱ የጥፋት
ቡድኖች ላይ እርምጃ መውሰድ መጀመሩን ሚኒስቴሩ አስታውቋል፡፡
በመግለጫውም የኢፌዴሪ የመከላከያ ሠራዊት በትግራይ ክልል ውጤታማ ሕግ የማስከበር ተልዕኮውን በጀግንነት በመፈጸም
ላይ በሚገኝበት በአሁኑ ወቅት በአንዳንድ የሀገሪቱ አካባቢዎች የጸጥታ ችግሮች እየተስተዋሉ ይገኛል ብሏል፡፡
ሆን ተብሎ የሠራዊቱን ሕገመንግስታዊ ተልዕኮ ለማስተጓጎል ታስቦ የተሠሩ የጥፋት ሴራዎች በሰላም ወዳዱ ሕዝባችን እና
በመከላከያ ሠራዊት የተቀናጀ ሥራ ሊከሽፍ ችሏል ነው ያለው።
በመተማ መስመር ለዘመናት አብረው በኖሩ የቅማንት እና የአማራ ተወላጆች መካከል የተፈጠሩ የጸጥታ ችግሮችን የፌደራል እና
የክልል የጸጥታ ኀይሎች ከኅብረተሰቡ እና ከአካባቢው የሀገር ሽማግሌዎች ጋር የተቀናጀ ሥራ በመሥራት የተከሰቱ የጸጥታ
ችግሮችን በሰላማዊ መንገድ ለመፍታት ከፍተኛ ሥራ እየተሠራ ይገኛል ብሏል፡፡
በወለጋ ቡሬ መስመር በጊዳ አያና አንገር ጉቴ አዋሳኝ አካባቢዎች ለረዥም ጊዜ አብሮ በኖሩ የአማራ እና የኦሮሚያ ክልል
ነዋሪዎችን ሆን ብሎ ለማጋጨት ታስቦ የተደረገው ሙከራ በአካባቢው ኅብረተሰብ ትብብር ወደ ሰላማዊ ሁኔታ ለመመለስ
ተችሏል ብሏል መግለጫው።
የኢትዮጵያን የገቢ እና ወጪ የንግድ እንቅስቃሴን ለመገደብ በማሰብ በሱማሌ እና የአፋር ኢሳ ሕዝቦችን ለማጋጨት የተሠራው
ሴራ በሰላም ወዳዱ ሕዝብ የተቀናጀ ተሳትፎ በቁጥጥር ስር ለመዋል ተችሏልም ነው ያለው፡፡
ሌላው ሰሞኑን በሰሜን ሸዋ እና በኦሮሞ ብሔረሰብ አስተዳደር ወረዳዎች በተለይም በዚህ ሁለትና ሦስት ቀን በአጣዬ ከተማ እና
በአካባቢው በታጠቁ ኀይሎች በሰው ሕይወት እና ንብረት ላይ በደረሰው ውድመት የኢፌዴሪ የመከላከያ ሚኒስቴር የተሰማውን
ጥልቅ ሀዘን እየገለጸ በዚህ አደጋ ለተጎዱ ወገኖች መጽናናትን ይመኛል ብሏል፡፡
በዚህ የጸጥታ ችግር ተሳታፊ የሆኑ ወንጀለኞችን በቁጥጥር ስር የማዋል እና መሳርያ ይዘው በጸጥታ አካላት ላይ ተኩስ የከፈቱና
የሠራዊቱን እንቅስቃሴ የገደቡ ጸረ ሰላም ኀይሎች ላይ ሠራዊቱ እርምጃ መውሰድ መጀመሩን ገልጿል። መንገድ መዝጋትን
ጨምሮ የኅብረሰተቡን ሰላም በማወክ ላይ የተሠማሩ አካላት ከድርጊታቸው እንዲቆጠቡ ሚኒስቴሩ በጥብቅ ለማሳሰብ
ይወዳልም ብሏል መግለጫው፡፡
በዚህም መሰረት በሰሜን ሸዋ እና በኦሮሞ ብሔረሰብ አስተዳደር ወረዳዎች ከተከሰተው የጸጥታ ችግር ጋር ተያይዞ ከክልል እና
ከፌዴራል የጸጥታ ተቋማትን ጨምሮ ሦስቱንም ዞኖች ያካተተ ኮማንድ ፖስት መቋቋሙን ሚኒስቴሩ አመላክቷል፡፡
ኮማንድ ፖስቱ የአካባቢውን ጸጥታ በማደፍረስ ሥራ ላይ በተሰማሩ የጥፋት ቡድኖች ላይ እርምጃ በመውሰድ የሕግ የበላይነት
የማረጋገጥ ሥራን ይሠራልም ብሏል።
በዚህም መሰረት የአካባቢውን ሰላም ወደ ነበረበት ለመመለስ ሲባል የሚከተሉት ክልከላዎች የተደረጉ መሆኑን ኮማንድ ፖስቱ
ይገልጻል ነው ያለው፡፡
1ኛ. ከደብረሲና እስከ ኮምቦልቻ አዋሳኝ ወረዳዎች መንገድ ላይ ከመንገዱ ግራ እና ቀኝ እስከ 20 ኪሎሜትር ውስጥ የጦር
መሳርያ ይዞ መንቀሳቀስ በጥብቅ የተከለከለ ነው፡፡
2ኛ. መንገድ መዝጋትን ጨምሮ አብያተ ክርስቲያናትን፣ የመንግሥት ተቋማትን የግለሰብ መኖርያ ቤትን እና ንብረት ማውደም
ወይም ለዚህ ተግባር በተናጥልም ይሁን በቡድን መንቀሳቀስ በጥብቅ የተከለከለ ነው፡፡
ቀደም ሲል የተዘረዘሩትን እና ቀጣይ በኮማንድ ፖስቱ ለኅብረተሰቡ የሚገለጹ ክልከላዎችን ተላልፎ የተገኘ የፖለቲካ ድርጅት፣
የመንግሥት መዋቅር እና ቡድኖች ላይ ሕጋዊ እርምጃ የሚወሰድበት መሆኑን መታወቅ አለበት ብሏል፡፡
መላው ኅብረተሰብም እንደወትሮው ሁሉ ከጸጥታ ተቋማት ጎን በመሰለፍ ለኢትዮጵያ ሰላም እና ደኅንነት የበኩሉን ገንቢ ሚና
እንዲጫወት ጥሪውን አቅርቧል፡፡
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleየአማራ ክልልን ደኅንነት ለመጠበቅ ኅብረተሰቡ ከመቼዉም ጊዜ በላይ ሊደራጅ እንደሚገባ ነዋሪዎች ተናገሩ፡፡

Source link

Related posts

የኢትዮ-አውሮፓ ሕብርት የጋራ ምክክር ተካሄደ።

admin

ካናዳ 132 ነጥብ 9 ሚሊዮን ዶላር ለአየር ንብረት ለውጥ ፈንድ ልታበረክት ነው፡፡

admin

የእናቶችን ሞት 50 በመቶ ለመቀነስ እየተሰራ ነው – ጤና ሚኒስቴር

admin