51.91 F
Washington DC
May 11, 2021
Satenaw Ethiopian News/Breaking News
Amharic News

በመጀመሪያ ዙር መስኖ እርሻ ከአንድ ሚሊዮን ኩንታል በላይ ምርት መገኘቱን የአማራ ክልል ርእሰ መስተዳድር ገለጹ፡፡

በመጀመሪያ ዙር መስኖ እርሻ ከአንድ ሚሊዮን ኩንታል በላይ ምርት መገኘቱን የአማራ ክልል ርእሰ መስተዳድር ገለጹ፡፡

ባሕር ዳር: መጋቢት 02/2013 ዓ.ም (አብመድ)

ርእሰ መስተዳድሩ አቶ አገኘሁ ተሻገር ለአማራ ክልል ምክር ቤት አምስተኛ ዙር ስድስተኛ ዓመት 17ኛ መደበኛ ጉባኤ የክልሉ የመስኖ እርሻ አፈጻጸምን በተመለከተ ሪፖርት አቅርበዋል፡፡

እንደ ርዕሰ መሥተዳድሩ ሪፖርት የመስኖ የቅድመ ዝግጅት ሥራን በማከናወን 27 ሚሊዮን 487 ሺህ 533 ኩንታል ምርት ለማምረት ታቅዶ ወደ ሥራ ተገብቷል፡፡

በመጀመሪያ ዙር መስኖ እሰካሁን 1 ሚሊዮን 254 ሺህ 776 ኩንታል ምርት መሰብሰብ እንደተቻለም ተናግረዋል፡፡ በሁለተኛው ዙር መስኖ 108 ሺህ 422 ኩንታል ለማምረት የታቀደ ሲሆን 4 ዞኖች ሙሉ በሙሉ ወደ ሥራ መግባታቸውን ጠቅሰዋል፡፡

ለመስኖ ሥራው ውጤታማነት 254 ሺህ 226 ኩንታል ማዳበሪያ ጥቅም ላይ መዋሉን ርእሰ መሥተዳድሩ በሪፖርታቸው ገልጸዋል፡፡ በዚህም አማካይ ማዳበሪያ አጠቃቀማም 1 ነጥብ 1 ኩንታል በሄክታር መድረሱ ጠቁመዋል፡፡ እንደ ሪፖርቱ የመስኖ ሥራውን ለማዘመን በተደረገ ጥረት የተሻለ አቅም ያላቸው 2 ሺህ 542 የውኃ መሳቢያ ጄኔሬተሮች ጥቅም ላይ ውለዋል ብለዋል፡፡

እንደ ሀገርም ሆነ እንደ ክልል በተጀመረው ሥራ በክልሉ ስንዴን በመስኖ ከማምረት አንጻር 12 ሺህ 997 ሄክታር መሬት በማልማት ልምድ የተወሰደበት ነው ብለዋል ርእሰ መስተዳደሩ በሪፖርታቸው፡፡

ለመስኖ እርሻው ምርጥ ዘርና ማዳበሪያ በመጠቀም በኩል መሻሻሎች ቢታዩም ግብዓትን ጥቅም ላይ ከማዋል አንጻር ውስንነቶች እንዳሉና ሊሻሻሉ የሚገባቸው ጉዳዮች መኖራቸውን ተናግረዋል፡፡

አቶ አገኘሁ በግብዓት አቅርቦቱ ላይ እምርታዊ ለውጥ በማምጣትና የውኃ አጠቃቀምን በማሻሻል የውኃ መሳቢያ ጄኔሬተሮችን መጠን በማሳደግ ከመስኖ የሚገኘውን ምርት ለማሳደግ እንደሚሠራም አስታውቀዋል፡፡

ርእሰ መሥተዳድሩ በሪፖርታቸው እንደገለጹት የ2013 ዓ.ም የተፈጥሮ ሀብት ልማት ጥበቃ ሥራን በንቅናቄ በመምራት ውጤታማ ለማድረግ ጥረት ተደርጓል ብለዋል። በዚህም 4 ሚሊዮን 204 ሺህ 116 መስራት የሚችል የሰው ኃይል ተለይቶ ወደ ሥራ ተገብቷል፡፡ እስካሁንም 94 በመቶ የሠው ኃይል ማሳተፍ ተችሏል፡፡

አቶ አገኘሁ የተሰሩ የተፈጥሮ ሃብት ልማት ጥበቃ ሥራዎች በሥነ አካላዊ ዘዴ መስፈርቱን ጠብቆ ለመሸፈን የቅየሳ ሥራው በአግባቡ ተከናውኗል ብለዋል፡፡

የግብርና ምርትና ምርታማነትን ለማሳደግ የተፈጥሮ ሃብት ጥበቃ ሥራ ማነቆዎችን በመፍታት ለአግሮ ኢንዱስትሪው የሚያገለግሉ ገበያ ተኮር ምርቶችን የማምረት ሥራ መጀመሩንም አብራርተዋል፡፡ የእንስሳት፣ የደን፣ የአፈር፣ የውኃ ጥበቃ እና ሥራውን የሚደግፉ የምርምር ሥራዎችም እየተሠሩ መሆኑን አቶ አገኘሁ በሪፖርታቸው አመላክተዋል፡፡

በትርንጎ ይፍሩ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

“ፍቅር፣ ጀግንነት፣ ትህትና፣ እንግዳ አቀባበል፣ ባህልን እና እምነትን ማክበር እንደ ኢትዮጵያዊያን” ይባል ነበር- መምህር ዘመነወርቅ ዮሐንስ

admin

ከማሪታይም ዘርፉ ኢትዮጵያ  ማግኘት የሚገባትን  ያህል እየተጠቀመች አለመሆኑ ተገለጸ

admin

ባለሃብቶች ለገበታ ለሃገር የነቃ ተሳትፎ እያደረጉ እንደሚገኝ ብሔራዊ ሐብት አሰባሳቢ ኮሚቴ አስታወቀ፡፡

admin