44.76 F
Washington DC
February 26, 2021
Satenaw Ethiopian News/Breaking News
Amharic News

በመተከል ዞን ከፀረ ሰላም ኀይሎች ጋር የሚሰሩ የጸጥታ ሃይል አባላት ከድርጊታቸው እንዲቆጠቡ ማሳሰቢያ ተሰጠ፡፡

በመተከል ዞን ከፀረ ሰላም ኀይሎች ጋር የሚሰሩ የጸጥታ ሃይል አባላት ከድርጊታቸው እንዲቆጠቡ ማሳሰቢያ ተሰጠ፡፡

ባሕር ዳር፡ ጥር 19/2013 ዓ.ም (አብመድ) በቤኒሻንጉል ጉሙዝ ክልል መተከል ዞን የተጣለባቸውን የህዝብ አደራ ችላ በማለት የሽፍታውን እንቅስቃሴ እያገዙ ‘በሁለት ቢላዋ የሚበሉ’ የጸጥታ መዋቅሩ አባላት አካሄዳቸውን ማስተካከል እንዳለባቸው ማሳሰቢያ ተሰጠ።

በፌዴራል መንግስት የተቋቋመው የተቀናጀ ግብረ ኀይል በቤኒሻንጉል ጉሙዝ ክልል በመተከል ዞን ለሚሰሩ የጸጥታ ኀይል አመራሮችና አባላት ስልጠና እየሰጠ ነው። በፌዴራል መንግስት የተቋቋመው ግብረ-ኀይል በዞኑ ከሚገኙ የተለያዩ ማህበረሰብ ክፍሎች ጋር ባደረገው ውይይት በዞኑ በተከሰተው የጸጥታ ችግር ላይ አንዳንድ የጸጥታ ኀይል አባላት እጃቸው እንዳለበት መገንዘቡን አስታውቋል።

በመሆኑም በዞኑ የሚሰራው የጸጥታ ኀይል አመራሮችና አባላት እንዲገመገሙና ሥልጠና እንዲወስዱ እየተደረገ ነው። ከጋንታ መሪ እስከ ብርጌድ አዛዥ የነበሩ 109 ፀረ-ሽምቅ፣ ልዩ ጥበቃና አድማ ብተና ልዩ ኃይሎች እንዲሁም በዞኑ በየደረጃው የሚገኙ 37 የፖሊስ አመራሮች ስልጠናውን መውሰድ ጀምረዋል።

የምዕራብ ዕዝ ምክትል አዛዥና የግብረ-ኀይሉ አባል ብርጋዴል ጄነራል ዓለማየሁ ወልዴ እንዳሉት፤ የጸጥታ ኃይሉ የተለያዩ ብሄር ብሄረሰቦችን በእኩልነትና በተዓማኒነት የማገልግል ኀላፊነት አለበት። ከዚህ በተቃራኒ የሚደረጉ ማናቸውንም አይነት ህገ-ወጥ እንቅስቃሴ በፍጥነት መቆም እንዳለበትም ነው ያሳሰቡት።

“የህዝብ አገልጋይ መስለው የሽፍታውን እንቅስቃሴ እያገዙ ‘በሁለት ቢላዋ ለመብላት’ ሲነቀሳቀሱ የነበሩ የጸጥታ መዋቅሩ አባላት አካሄዳቸውን ማስተካከል አለባቸው” ማለታቸውን ኢዜአ ዘግቧል።

“ማንኛውም የጸጥታ ኃይል ከህዝብና አገር በታች መሆኑን አስገንዝበው፤ የተዘበራረቀ አስተሳሰብ የሚያራምዱ የጸጥታ መዋቅር አባላት ቆም ብለው መስመራቸውን ሊያጠሩ እንደሚገባም አሳስበዋል።

በፌደራል ፖሊስ ኮሚሽን የወንጀል መከላከል ዘርፍ ምክትል ኦፕሬሽን ኃላፊ ረዳት ኮሚሽነር ኢሳቅ አሊ የጸጥታ ኃይሎች ከፖለቲካ ፓርቲ ወገንተኝነት ነጻ ሆነው ሃላፊነታቸውን በአግባቡ መወጣት እንዳለባቸው ነው የተናገሩት።

የፖሊስ ተልዕኮ ህገ-መንግስቱንና ህገ-መንግስታዊ ሥርዓቱን ማክበርና ማስከበር መሆኑን ጠቅሰው፤ ከዚህ ተልዕኮ ውጭ ሌላ ዓላማ ያነገቡ የጸጥታ ኃይሎች ራሳቸውን እንዲፈትሹ አሳስበዋል።

“የክልሉ የፖሊስና ልዩ ኃይል አባላት በህብረተሰቡ ዘንድ ይነሳባቸው የነበረውን ቅሬታ በእኩልነት በማገልገልና አካባቢውን ሰላማዊ በማድረግ መካስ አለባቸው” ብለዋል።

የቤኒሻንጉል ጉሙዝ ክልል ብልጽግና ፓርቲ ጽህፈት ቤት ኃላፊ አቶ ኢሳቅ አብዱልቃድር በበኩላቸው ከፖሊስ የሚጠበቀው ከወገንተኝነት ነጻ በሆነ መልኩ ሳይንሱን መተግበር ብቻ መሆኑን ገልጸዋል።

“ጸጥታ ኀይሉ በዞኑ የተፈጸመው መጥፎ ድርጊት እንዳይደገም በኀላፊነት መስራት አለበት” ሲሉም ኀላፊው ጥሪ አቅርበዋል።

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

አትሌት ሰምበሬ ተፈሪ በድሬዳዋ በተካሄደው 14ኛው የኢትዮጵያ ግማሽ ማራቶን ውድድር አሸነፈች

admin

ምክትል ከንቲባ አዳነች አቤቤ፣የትምህርት ሚኒስትር ዶክተር ጌታሁን መኩሪያ እና ሌሎች ኃላፊዎች ከመምህራን ጋር ውይይት አካሄዱ

admin

መንግስት ለነዳጅ 24 ቢሊየን ብር ባለፉት ሁለት ዓመታት ድጎማ ማድረጉ ተገለፀ

admin