76.68 F
Washington DC
June 17, 2021
Satenaw Ethiopian News/Breaking News
Amharic News

ሩሲያና ኢትዮጵያ በመረጃና ደኅንነት ጉዳዮች የሚያደርጉትን ትብብር አጠናክረው እንደሚቀጥሉ ተገለጸ።




ሩሲያና ኢትዮጵያ በመረጃና ደኅንነት ጉዳዮች የሚያደርጉትን ትብብር አጠናክረው እንደሚቀጥሉ ተገለጸ።
ባሕር ዳር: ሰኔ 02/2013 ዓ.ም (አሚኮ) ሩሲያና ኢትዮጵያ በመረጃና ደኅንነት ጉዳዮች እንዲሁም በሌሎች መስኮች
የሚያደርጉትን ሁሉን አቀፍ ትብብር አጠናክረው እንደሚቀጥሉ ተገልጿል፡፡
የብሔራዊ መረጃና ደኅንነት አገልግሎት ዳይሬክተር ጀነራል ተመሥገን ጥሩነህ በኢትዮጵያ የሩሲያ አምባሳደር ኢያቭገኒ ተርኪን
ጋር በሁለትዮሽ ጉዳዮች ዙሪያ ውይይት አድርገዋል፡፡
በዚህ ወቅት የብሔራዊ መረጃና ደኅንነት አገልግሎት ዳይሬክተር ጀነራል ተመሥገን ሀገራቱ
የረጅም ዓመት የታሪክና የባህል ትስስር ያላቸው መሆኑን አስታውሰዋል። ወቅታዊ የኢትዮጵያን ፈተና ለማሻገር እገዛ በሚያደርጉ
መስኮች ትብብራቸውን አጠናክረው ለመቀጠል በሚያስችሉ ጉዳዮች ዙሪያ ውይይት ማድረጋቸውን አመልክተዋል፡፡
የብሔራዊ መረጃና ደኅንነት አገልግሎት ነጻና ገለልተኛ እንዲሁም ዓለም አቀፍ ደረጃውን የጠበቀ ፕሮፌሽናል ተቋም ለመገንባት
እያከናወናቸው ላሉ ተግባራት ከሩሲያ ጋር የሚደረገው ትብብር አቅም እንደሚፈጥርለት አቶ ተመሥገን ጠቁመዋል።
የሁለቱ ሀገራት አጋርነት በችግር ወቅትም ተፈትኖ ፍሬያማ ስኬት የታየበት በመሆኑ በቀጣይም በመረጃና ደኅንነት ዘርፍ ትብብሩ
ተጠናክሮ ስለሚቀጥልበት ጉዳይ ውይይት መደረጉን ተናግረዋል፡፡
በኢትዮጵያ የሩሲያ አምባሳደር ኢያቭገኒ ተርኪን በውይይቱ ወቅት እንደገለጹት፤ ሩሲያ ከኢትዮጵያ ጋር በተለያዩ መስኮች ስታደርግ
የነበረው ትብብር ተጠናክሮ ይቀጥላል፡፡ በተለይ ሀገራቱ በመረጃና ደኅንነት ጉዳዮች ትብብራቸው ወደ ላቀ ደረጃ እንዲሸጋገር
የተለያዩ ተግባራት እየተከናወኑ ነው፡፡
በዚህ ረገድ በቴክኖሎጂ ሽግግር፣ በአቅም ግንባታ መስክና በመረጃ ልውውጥ የተጠናከረ የጋራ ሥራ ለማከናወን የሚያስችል
ገንቢ ውይይት ከብሔራዊ መረጃና ደኅንነት አገልግሎት ዳይሬክተር ጀነራል ጋር ማድረጋቸውን ገልጸዋል፡፡
ሩሲያ በተባበሩት መንግሥታት የጸጥታው ምክር ቤት ቋሚ መቀመጫ ካላቸው አምስት ሀገራት አንዷ ናት፡፡
በትግራይ ከተካሄደው የሕግ ማስከበር ዘመቻ ጋር በተያያዘ በሚነሱ አጀንዳዎች ዙሪያ ከሌሎች አጋር ሀገራት ጋር ከኢትዮጵያ ጎን
በመቆም ሀገሪቱ የውስጥ ችግሮችን በራሷ መፍታት የምትችል ሉዓላዊ ሀገር መሆኗን በጸጥታው ምክር ቤትና በሌሎችም ዓለም
አቀፍ መድረኮች እያንጸባረቀች ትገኛለች ሲል የብሔራዊ መረጃና ደኅንነት አገልግሎት ለመገናኛ ብዙኃን በላከው መረጃ
አመልክቷል፡፡
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m






Previous articleበትግራይ ክልል ከሕግ ማስከበሩ ዘመቻ በኋላ ከ9 ነጥብ 7 ሚሊዮን በላይ ለሚሆኑ ዜጎች የአስቸኳይ ጊዜ ድጋፍ መሰራጨቱን የብሔራዊ አደጋ ስጋት ሥራ አመራር ኮሚሽን ገለጸ፡፡


Source link

Related posts

አማራ ሚዲያ ኮርፖሬሽን ተደራሽነቱን ከማስፋት ባለፈ የዜናና ፕሮግራም አቀራረብ ማሻሻያዎችን እያከናወነ ነው።

admin

ታክስ ማጭበርበር የግብር አሰባሰብ ሂደቱ ላይ ጫና እየፈጠረ መሆኑን የአማራ ክልል ገቢዎች ቢሮ አስታወቀ፡፡

admin

አለም ዙሪያ ለምትገኙ፣ በየሀገሩ ለተደራጃችሁ ኢትዮጵያውያን ሁሉ ፡-

admin