63.52 F
Washington DC
May 6, 2021
Satenaw Ethiopian News/Breaking News
Amharic News

ምርጫ ቦርድ የኦሮሞ ነጻነት ዲሞክራሲያዊ ግንባርን  ከፓርቲነት  መሰረዙ አግባብ ነው ሲል  ፍርድ ቤቱ  ውሳኔ ሰጠ

አዲስ አበባ ፣ ሚያዝያ 5 ፣ 2013 (ኤፍ.ቢ.ሲ )ፍርድ ቤቱ የኢትዮጵያ ብሄራዊ ምርጫ ቦርድ የኦሮሞ ነጻነት ዲሞክራሲያዊ ግንባር  ከፓርቲነት  መሰረዙ አግባብ ነው ሲል ውሳኔ ሰጠ።

ውሳኔውን የሰጠው የፌዴራል ከፍተኛ ፍርድ ቤት 9ኛ የምርጫ ጉዳዮች  ችሎት ነው።

ፍርድ ቤቱ ውሳኔ የተሰጠው   በኦሮሞ ነጻነት ዲሞክራሲያዊ ግንባር እና በኢትዮጵያ ብሄራዊ ምርጫ ቦርድ መካከል   የነበረውን ክርክር የሁለቱንም ተከራካሪዎች ማስረጃን መርምሮ  ነው ።

የኦሮሞ ነጻነት ዲሞክራሲያዊ ግንባር  በየካቲት 19 ቀን 2013 ዓ.ም ለፍርድ ቤቱ  ባስገባው የክስ መመስረቻ  የኢትዮጵያ ብሄራዊ ምርጫ ቦርድ በታሳስ 6 ቀን 2013 ዓ.ም ከተወዳዳሪ ፓርቲነት ሰርዞኛል፣  ቦርዱ  በማጣራት ሂደቱም ለእኔ አሳውቆ አስተያየት አልሰጠሁበትም፣ ይህ ደግሞ የመከላከል መብቴን ያለጠበቀ ነው ሲል  ክስ አቅርቦ ነበር።

ፍርድ ቤቱም  የኢትዮጵያ ብሄራዊ ምርጫ ቦርድ  የመስራች አባላት መረጃን የማጣራት ስራን ተከትሎ ቦርዱ ያገኘውን ግኝት የሚያሳይ ሪፖርት ማህደር እንዲያቀርብ  ትዕዛዝ  ሰጥቶት ነበር።

ይህን ተከትሎም የኢትዮጵያ ብሄራዊ ምርጫ ቦርድ ባቀረበው ማሰረጃ  መሰረት ÷ የኦሮሞ ነጻነት ዲሞክራሲያዊ ግንባር  የመስራች አባላት   በሃረሪ ክልል በተወደሰ ሁለት የአባላት ናሙና  እና በድሬደዋ አስተዳደር ደግሞ በተወሰደ 10 የአባላት ናሙና  ሁሉም የሌሉ መሆናቸውን አመላክቷል።

እንዲሁም  ከአማራ ክልል 10 የአባላት ናሙናዎችን ተወስዶ ሁሉም በቦታው የሌሉ መሆናቸውን ቦርዱ  ባቀረበው ማስረጃ ገልጿል።

በኦሮሚያ ክልልም 98 የአባላት ናሙና ተወስደው 25ቱ  ብቻ መኖራቸውን እንዲሁም  53ቱ አባላት ደግሞ ኗሪ አለመሆናቸውን  የሚገልጹ 20 ሰነዶች አቅርቧል።

በተጨማሪ ቦርዱ ባዘጋጀው ዝርዝር ላይ  18 አድራሻቸው ያልታወቀ  ወይም ተገኝተው ሊረጋገጡ ያልቻሉ መሆናቸውን በማስረጃ  ያቀረበ ሲሆን÷ በዚህ ሂደትም አባላቱ ይኖራሉ  ከተባለበት አስተዳደር ፣ወረዳ፣ቀበሌ በሃላፊዎች ተፈርመው በማህተም የተረጋገጡ ማስረጃዎቸን ቦርዱ  ለችሎቱ አቅርቧል።

ፍርድ ቤቱም ይህን ማስረጃ ለኦሮሞ ነጻነት ዲሞክራሲያዊ ግንባር  እንዲደርሰው ካደረገ በኋላ  ፓርቲው ያለውን አሳማኝ ማስረጃ እንዲያቀረብ  ፍርድቤቱ  አዟል።

ፓርቲውም  የቤት ኪራይ ውል፣ኦዲተር የቀጠረበት ውል 2 ገጽ ተያያዥ ማስረጃ፣  እንዲሁም በህዳር 12 ቀን 2012 ዓ.ም ያከናወነውን የጠቅላላ ጉባኤ 39 የስራ አስፈጻሚ ኮሚቴ እና የማአከላዊ ኮሚቴ አባላት የተሰጣቸውን ሃላፊነት ለመወጣት የገቡትን ቃል 2 ገጽ ሰነድ እና በ450 ሰዎች የተፈረመበት 8 ገጽ ሰነድ የመስራች አባላት ዝርዝር ያለበት ሰነድ አቅርቧል።

በዚህ መልኩም ፍርድ ቤቱ  ባደረገው የማስረጃ ምዘና ፓርቲው ያቀረበው መስራቾቹን  የመዘገበበት ሰነድ የቦርዱን የማጣራት ግኝት የሚያስተባበልና ዋጋ የሚያሳጣ ማስረጃ ተደርጎ ሊወሰድ የሚችል አይደልም ብሏል ።

በመሆኑም ምርጫ ቦርዱ ፓርቲውን በመሰረዝ የሰጠው ውሳኔ አግባብ ነው ሲል የኦሮሞ ነጻነት ዲሞክራሲያዊ ግንባር ያቀረበው ክስን ውድቅ አድርጓል።

የምርጫ ቦርዱን ውሳኔ ሊሻር አይገባም በማለትም አጽንቶታል።

በታሪክ አዱኛ

 

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን

 



Source link

Related posts

ሥለ ኢሳት ግድ ይለናል – ዳኛቸው ቢያድግልኝ

admin

የሮቤ – ጋሴራ – ጊኒር የመንገድ ስራ ግንባታ መዘግየቱ ተገለፀ

admin

በተለያዩ የኢትዮጵያ አካባቢዎች በሚኖር የአማራ ሕዝብ ላይ የሚደርሰው ግድያና መፈናቀል ሊቆም እንደሚገባ የምክር ቤት አባላት ጠየቁ፡፡

admin