61.99 F
Washington DC
May 11, 2021
Satenaw Ethiopian News/Breaking News
Amharic News

ሕዝበ ሙስሊሙ ታላቁ የረመዳን ወር እስላማዊ አስተምሕሮን በመከተል በመረዳዳትና በመተጋገዝ ማሳለፍ እንደሚገባ የአማራ ክልል እስልምና ጉዳዮች ከፍተኛ ምክር ቤት ገለጸ።

ሕዝበ ሙስሊሙ ታላቁ የረመዳን ወር እስላማዊ አስተምሕሮን በመከተል በመረዳዳትና በመተጋገዝ ማሳለፍ እንደሚገባ የአማራ ክልል እስልምና ጉዳዮች ከፍተኛ ምክር ቤት ገለጸ።

ባሕር ዳር: ሚያዝያ 01/2013 ዓ.ም (አሚኮ) የአማራ ክልል እስልምና ጉዳዮች ከፍተኛ ምክር ቤት ፕሬዝዳንት ሼህ ሰኢድ ሙሃመድ 1 ሺህ 442ኛው ሂጅራ የረመዳን ወርን አስመልክቶ መልዕክት አስተላልፈዋል፡፡

ታላቁ የረመዳን ወር እስላማዊ አስተምሕሮን በመከተል በመረዳዳትና በመተጋገዝ ማሳለፍ እንደሚገባም ገልጸዋል።

እስልምና ሃይማኖት ከተገነባባቸው አምስት መሰረቶች አንዱ የረመዳን ጾም ነው፤ይህን የጾም ወር ካላስፈላጊ ተግባሮች በመራቅ መጾም ከአላህ ግዴታ ተደርጓል ብለዋል ሼህ ሰኢድ፡፡ በቁርዓን ሕግ የረመዳንን ወር ከአላህ ምህረት በመፈለግ እንደሚጾምም ገልጸዋል፡፡

ታላቁን ረመዳን ወር በጾም ከማሳለፍ በተጨማሪ ከሌላው ጊዜ በበለጠ ለተቸገሩ ወገኖች በማብላት፣ በማጠጣት፣ በመደጋገፍ እና በመተጋገዝ ጭምር መሆን እንደሚገባውም መክረዋል፡፡

ረመዳን ቁራዓን የወረደበት ታላቅ ወር በመሆኑ ማንኛውም አማኝ ቁራዓንን መቅራት አለበት ብለዋል፡፡

ጾሙ ከፈጣሪ ተቀባይነት እንዲኖረው እያንዳንዱ እንቅስቃሴ በእስላማዊ አስተምሕሮና “ዘካን” በማብዛት፤ ሌሊቱን ደግሞ “ሶላት” በመስገድ ማሳለፍ እንደሚገባ አሳስበዋል፡፡ አማኙ ከሚያገኘው ገቢም ለምስኪኖች እና ለድሃዎች ማገዝ እንደሚገባውም መክረዋል፡፡

በዚህ ወቅት በኢትዮጵያና በዓለም የተከሰተው የኮሮና ቫይረስ ወረርሽኝ ሊያደርስ የሚችለውን ማኅበራዊ፣ ኢኮኖሚያዊና ሰብዓዊ ቀውስ “አላህ” እንዲያከስመው “ዱዓ” ማድረግ ይገባል ብለዋል፡፡ ከዚህም በተጨማሪ በጤና ባለሙያዎች የሚሰጠውን ትምሕርት እና በመንግሥት የሚወጡ ሕጎችን በማክበር የቫይረሱን ስርጭት ለመከላከል በሚደረገው ሀገራዊ ጥረትም ኅብረተሰቡ ኀላፊነቱን ሊወጣ ይገባል ነው ያሉት፡፡

በሀገሪቱ የሚስተዋለው የዜጎች ሕይወት መጥፋት እና መፈናቀል እንዲቆም በ“ዱዓ” ፈጣሪን መለመን ይገባልም ብለዋል፡፡ ዜጎች በፍቅር፣ በሰላምና በጋራ እንዲኖሩ ሁሉም ኢትዮጵያዊ ኀላፊነቱን መወጣት እንዳለበትም ጠይቀዋል፡፡

ዘጋቢ፡- ዳግማዊ ተሠራ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የዓለም ባንክ በኢትዮጵያ በኢኖቬሽንና ቴክኖሎጂ ዘርፎች የተጀመሩ ስራዎችን መደገፋን አጠናክሮ እንደሚቀጥል አስታወቀ

admin

ኢትዮጵያ እና ደቡብ ሱዳን የገቢ አሰባሰብ ላይ የልምድ ልውውጥ አደረጉ

admin

የቅዱስ ላልይበላ ውቅር አብያተ ክርስቲያናት የጥገና ጥናት፣ ውጤትና ዝርዝር አሠራር ለማኅበረሰቡ ቀርቦ ውይይት እየተደረገበት ነው፡፡

admin