55.89 F
Washington DC
April 13, 2021
Satenaw Ethiopian News/Breaking News
Amharic News

ሐረር ለዘመናት የምትታወቅባቸው መቻቻልና የመተባበርን የመሰሉ እሴቶች ጎልተው እንዲወጡ ይሰራል- አቶ ኦርዲን

አዲስ አበባ ፣ ጥር 15 ፣ 2013 (ኤፍ ቢ ሲ) የሐረር ክልል ለዘመናት የምትታወቅባቸው የሰላም ፣ የፍቅር ፣ የመቻቻል ፣ የመተባበር ፣ የመከባበር ፣ የእህትማማችነትና ወንድማማችነት ጠንካራ ማህበራዊ ትስስር ከመቼውም ግዜ በላይ ጎልተውና ልቀው እንዲወጡ የክልሉ መንግስት ቁርጠኛ አቋም ይዞ ለተግባራዊነቱ በመረባረብ ላይ እንደሚገኝ ርዕሰ መስተዳድር አቶ ኦርዲን በድሪ  ተናግረዋል።

በሐረሪ ክልል በ2013 ዓ.ም በተከናወኑ የጸጥታ ስራዎች ለጸጥታ ሃይሎች ፣ ለሀይማኖት ተቋማት ፣ ለሰላም ቤተሰብ ፣ ገለልተኛ አማካሪ ቡዱን እና ለሰላም አምባሳደሮች የምስጋና ፕሮግራም ተካሄዷል።

በፕሮግራሙ ላይ በክቡር እንግድነት የተገኙት የሐረሪ ክልል ርዕሰ መስተዳድር አቶ ኦርዲን በድሪ ባስተላለፍት መልዕክት የታሪክ የስልጣኔ የቅርስ ፈርጥ የሆነችው ሐረር ከተማ ለዘመናት የምትታወቅባቸው ጠንካራ ማህበራዊ ትስስሮች ጎልተው እንዲወጡ ይሰራል ብለዋል።

የጸጥታ ዘርፍ እርስ በእርስ በመናበብ ህዝብን በስፋት በማሳተፍ የሚያደርገው መጠነ ሰፊ ውጤታማ ርብርብ በተጨባጭ የሚታየው ለውጥ ለሌሎችም ዘርፎች በአርአያነት የሚጠቀስ የሚደነቅና የክልሉ መንግስት እውቅና የሚሰጠው መሆኑን ተናግረዋል።

በክልሉ ያለው ሰላምና መረጋጋት ቀጣይነት እንዲኖረውና ዘላቂ እንዲሆን የሁሉንም እንደሚያስፈልግ መናገራቸውን ከክልሉ ሰላምና ደህንነት ቢሮ ያገኘነው መረጃ ያመለክታል።

ኢትዮጵያ ለጀመረችው የአንድነት ፣የእኩልነትና የጋራ ብልፅግናን የሚረጋገጥ የለውጥ ሂደት የሰላም መስፈንና የህግ የበላይነት መከበር መተኪያ የማይገኝላቸው ቁልፍ ተግባራት መሆኑን ተናግረዋል።

የሀገር መከላከያ ፣ የፌደራል ፖሊስ ፣ የኦሮሚያ ፖሊስ ፣ የክልሉ ፖሊስ ፣ ሌሎች የጸጥታ አካላት ፣ መንግስታዊ ተቋማት ለሀይማኖት ተቋማት ፣ ለሰላም ቤተሰብ ፣ ገለልተኛ አማካሪ ቡዱን እና ለሰላም አምባሳደሮች  ላበረከቱት አስተዋፅኦ ምስጋና አቅርበዋል።

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!



Source link

Related posts

የአነስተኛና መካከለኛ ማምረቻ ኢንዱስትሪ ልማትን በማስፋፋት ፍትሃዊ፤ ዘለቄታዊና ተስማሚ የስራ እድል መፍጠር እንደሚገባ ተገለጸ

admin

«የሱዳን ሕዝብ አልሲሲን የተቃወማቸው ግብጽ ፍላጎቷን በሱዳን ለማስፈጸም እያሴረች መሆኑን በመገንዘብ ነው» አቶ ሀሊ ያሂያ ሱዳናዊ የሚዲያ ባለሙያና የምስራቅ አፍሪካ ፖለቲካ ተንታኝ

admin

የገንዘብ እጥረት የባሕር ዳርን ስታዲዬም ጣሪያ እንዳይለብስ አድርጎታል፡፡

admin