40.51 F
Washington DC
April 17, 2021
Satenaw Ethiopian News/Breaking News
Amharic News

ለ2013/2014 የመኸር እርሻ ወቅት 271 ሺህ ኩንታል ምርጥ ዘር ለማቅረብ እየሠራ መሆኑን የአማራ ክልል የእጽዋት ዘርና ሌሎች የግብርና ግብዓቶች ጥራት ቁጥጥር ኳራንታይን ባለስልጣን አስታወቀ፡፡

ለ2013/2014 የመኸር እርሻ ወቅት 271 ሺህ ኩንታል ምርጥ ዘር ለማቅረብ እየሠራ መሆኑን የአማራ ክልል የእጽዋት ዘርና ሌሎች የግብርና ግብዓቶች ጥራት ቁጥጥር ኳራንታይን ባለስልጣን አስታወቀ፡፡

ባሕር ዳር፡ መጋቢት 27/2013 ዓ.ም (አሚኮ) በአማራ ክልል የምርጥ ዘር አቅርቦትና ቁጥጥርን በተመለከተ የአማራ ክልል የእጽዋት ዘርና ሌሎች የግብርና ግብዓቶች ጥራት ቁጥጥር ኳራንታይን ባለስልጣን ዋና ሥራ አስኪያጅ ሙሉጌታ ደባሱ መግለጫ ሰጥተዋል፡፡

ባለስልጣን መሥሪያ ቤቱ ዋነኛ ተልዕኮው በክልሉ የሚገኙ የግብርና ግብዓቶችን በመስክና በቤተ ሙከራ የጥራት ቁጥጥር በማድረግ ለአርሶአደሮች ዋስትና መስጠት እንደሆነም ገልጸዋል፡፡ አርሶአደሮች ጥራታቸውን የጠበቁ የግብርና ግብዓቶችን እንዲጠቀሙ ለማስቻልም እንደሚሠራም ተናግረዋል፡፡ በአሁኑ ወቅት የዘር ስርጭት ላይ እንደሚገኙም ሥራ አስኪያጁ አስታውቀዋል፡፡

በክልሉ ባለፈው ዓመት ከፍተኛ የሆነ የምርጥ ዘር እጥረት አጋጥሞ እንደነበር ያስታወሱት ሥራ አስኪያጁ ከእጥረቱ ጋር ተያይዞ ሕገወጥ የዘር ግብይት እንደነበርም ተናግረዋል፡፡ አርሶአደሮቹ ትክክለኛ ያልሆነ ዘር በውድ ዋጋ እና ሕጋዊ ባልሆነ መንገድ ሲደርሳቸው እንደነበርም አስታውሰዋል፡፡ ያለፈውን ዓመት ግምት ውስጥ በማስገባት ዘንድሮ በክልሉ የተሻለ ዘር እንዲቀርብ ጥረት መደረጉንም አስታውቀዋል፡፡

በክልል ደረጃ ለ2013/2014 የመኸር እርሻ ወቅት 271 ሺህ ኩንታል ምርጥ ዘር ለአርሶአደሮች ለማቅረብ እየተሠራ መሆኑንም ነው የተናገሩት፡፡ በዚህ ዓመት ከባለፈው ዓመት የተሻለ ምርጥ ዘር እንደሚቀርብም አስታውቀዋል፡፡ አርሶአደሮች ባለፈው ዓመት የተፈጠረው የምርጥ ዘር አቅርቦት እጥረት ዘንድሮ ሊከሰት ይችላል ብሎ በመገመት ጥራቱ ያልተረጋገጠ ዘር እንዳይገዙ አሳስበዋል፡፡ የትኛውም ዘር የዘር መለያ ይኖረዋል ያሉት ዋና ሥራ አስኪያጁ አርሶአደሮች ሳያረጋግጡ መውሰድ እንደሌለባቸውም ነው ያሳሰቡት፡፡ በባለስልጣኑ ያልተረጋጋጠ ዘር መግዛት እንደማይገባም ነው ያስገነዘቡት፡፡

በዘንድሮው ዓመት ከባለፈው ዓመት የተሻለ ዘር አቅርቦት በሁሉም ዝርያዎች ስለሚኖር ተረጋግቶ በሕጋዊ መንገድ መግዛት ይገባልም ብለዋል፡፡ ሥራ አስኪያጁ ለአርሶ አደሩ ቅርበት ባላቸው አማራጮች ዘር እንዲቀርብ ለማድረግ ባለስልጣኑ የመጋዘን የጥራት ቁጥጥር ማድረጉንም አስታውቀዋል፡፡

እንደ ሥራ አስኪያጁ መረጃ

• 431 መጋዘኖች ጥራታቸው ተፈትሾ ዘር እንዲኖራቸው ዝግጁ ተደርገዋል፤

• በ107 ተጨማሪ መጋዘኖች የጥራት ቁጥጥር ይከናወንባቸዋል፤

• ከ538 መጋዘኖች ለክልሉ አርሶ አደር ምርጥ ዘር ይቀርባል፤

• ከ271 ሺህ ኩንታል ምርጥ ዘር ለማቅረብ እቅድ ተይዟል፤

• 73 ሺህ 199 ኩንታል በቤተ ሙከራ ተፈትሾ ለስርጭት ዝግጁ ሆኗል፡፡

ለአርሶአደሮች የሚያስፈልጉ ምርጥ ዘሮችን ቅድሚያ ሰጥተው ለማቅረብ እየሠሩ መሆናቸውን የተናገሩት ሥራ አስኪያጁ የዘር ወቅት ከመድረሱ በፊት የዘር ፍተሻው እንደሚጠናቀቅ አስታውቀዋል፡፡

አቶ ሙሉጌታ በመግለጫቸው ክልሉ በምርጥ ዘር አቅርቦት ራሱን አለመቻሉን ጠቅሰዋል፡፡ ከምርጥ ዘር አቅርቦት አኳያ ክልሉ እንዲሸፍን እየተሠራ መሆኑንም አመላክተዋል፡፡

ዘንድሮ ከባለፈው ዓመት አንጻር የተሻለ የዘር ስርጭት ቢኖርም እጥረት ሊኖር ይችላል፤ ነገር ግን በአግባቡ ማሰራጨት ከተቻለ ችግሩን መፍታት እንደሚቻልም ነው የተናገሩት፡፡

የምርጥ ዘር አቅርቦት ጥራት ቁጥጥር ሥራው ውጤታማ እንዲሆን ከዘር ማምረት ጀምሮ ያሉ ባለድርሻ አካላት ኀላፊነታቸውን እንዲወጡ ጠይቀዋል፡፡ ባለሥልጣን መሥሪያ ቤቱም አስፈላጊውን ቁጥጥርና ድጋፍ እንደሚያደርግም አስታውቀዋል፡፡

ዘጋቢ፡- ታርቆ ክንዴ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

የአማራ ልዩ ኃይልን በተሳሳተ መንገድ መተቸቱና መኮነኑ መሰረተ ቢስና ተቀባይነት የሌለው መሆኑን የምዕራብ ጎንደር ዞን ዋና አስተዳዳሪ ገለጹ፡፡

admin

‹‹በየአካባቢው የሚፈጸሙ ዘርን መሰረት ያደረጉ ጥቃቶች እንዲቆሙና ሀገራዊ አንድነት እንዲጎለብት ሕገ መንግስታዊ ማሻሻያ ማድረግ ያስፈልጋል›› የሶማሌ ክልል ምክትል ርእሰ መሥተዳድር አቶ ኢብራሂም ኡስማን

admin

አፕልን በማምረት ተጠቃሚ የሆኑ አርሶ አደሮች የገበያ ትስስር እንዲፈጠርላቸው ጠየቁ፡፡

admin