76.62 F
Washington DC
June 15, 2021
Satenaw Ethiopian News/Breaking News
Amharic News

ለ2013/14 የምርት ዘመን ለመኸር እርሻ የሚውል ከ12 ሚሊዮን ኩንታል በላይ ማዳበሪያ ለአርሶ አደሮች እየተከፋፈለ መሆኑን የኢትዮጵያ ግብርና ሥራዎች ኮርፖሬሽን አስታወቀ።




ለ2013/14 የምርት ዘመን ለመኸር እርሻ የሚውል ከ12 ሚሊዮን ኩንታል በላይ ማዳበሪያ ለአርሶ አደሮች እየተከፋፈለ መሆኑን
የኢትዮጵያ ግብርና ሥራዎች ኮርፖሬሽን አስታወቀ።
ከስድስት ሚሊዮን ኩንታል በላይ ተጨማሪ ማዳበሪያ ወደ ሀገር ውስጥ እንደሚገባም ገልጿል።
ባሕር ዳር: ግንቦት 28/2013 ዓ.ም (አሚኮ) ኮርፖሬሽኑ ለ2013/14 የምርት ዘመን ለመኸር እርሻ የሚውሉ እንደ የሰብል
ምርጥ ዘርና አግሮ ኬሚካሎች ያሉ የግብርና ግብዓቶችን ለተጠቃሚዎች እያቀረበ መሆኑን አስታውቋል።
በምርት ዘመኑ ከ18 ሚሊዮን 169 ሺህ በላይ ኩንታል ዩሪያን ጨምሮ የተለያዩ የማዳበሪያ አይነቶችን ከውጭ ለማስገባት
ያቀደው ኮርፖሬሽኑ፤ ከጥር ወር ጀምሮ እስከ ግንቦት 24 /2013 ዓ.ም ድረስ ከ15 ሚሊዮን 47 ሺህ በላይ ኩንታል ማዳበሪያ
ጅቡቲ ወደብ ማድረስ መቻሉን አመልክቷል።
ከዚህ ውስጥ 12 ሚሊዮን 127 ሺህ 510 ኩንታል ማዳበሪያ ወደ ሀገር ውስጥ ተጓጉዞ በሕብረት ሥራ ማኅበራት አማካይነት
ለአርሶ አደሮቾ እየተከፋፈለ መሆኑን አስታውቋል።
ቀሪው ከስድስት ሚሊዮን ኩንታል በላይ ማዳበሪያ በቀጣይ ጊዜ ወደ ሀገር ውስጥ እንደሚገባም ነው የተገለጸው።
በምርጥ ዘር አቅርቦትም እስካሁን 284 ሺህ 437 ኩንታል የተለያዩ የዘር ደረጃቸውን የጠበቁ የሰብል ዘሮችን በኮርፖሬሽኑ
እርሻዎች፣ በሰፋፊ የባለሃብቶች እርሻና በአርሶ አደሮች ማሳ በማምረትና በማዘጋጀት ለተጠቃሚዎች እየተከፋፈለ ይገኛል።
በተመሳሳይ በሰብል ዘመኑ በኮርፖሬሽኑ እርሻዎች፣ በባለሃብቶች እርሻና በአርሶ አደሮች ማሳ 335 ሺህ 765 ኩንታል ተጨማሪ
የተለያዩ የሰብል ዘሮችን ለማምረት ታቅዶ መሬት የማዘጋጀትና ዘር የመዝራት ሥራ እያካሄደ መሆኑን ኮርፖሬሽኑ ገልጿል።
በዚሁ የዝግጅት አካል ለ2014/15 የሰብል ዘመን ለተጠቃሚዎች ዘር ለማቅረብ እየተሠራ መሆኑንም የጠቆመው መግለጫው፣
ለዚህም የኮርፖሬሽኑ 4 ሺህ 529 ሄክታር መሬት ታርሶ በ239 ሄክታር መሬቱ ላይ የበቆሎ ዘር መዘራቱን አስታውቋል።
የኢትዮጵያ የግብርና ሥራዎች ኮርፖሬሽን ከ19 በላይ የተለያዩ የሰብል ዘሮችና 80 የሚጠጉ ዝርያዎችን በተለያዩ የዘር ደረጃዎች
ማባዛቱ ተገልጿል።
በተጨማሪም የመነሻ ዘሮች ላይ ትኩረት በማድረግ ዘር የማባዛትና የማሰራጨት ሥራዎችን በማከናወን ላይ እንደሚገኝ
የኮርፖሬሽኑ የኮርፖሬት ኮሙኒኬሽንና ማህበራዊ ጉዳዮች አገልግሎት ኃላፊ አቶ ጋሻው አይችሉህም ለኢዜአ አስታውቀዋል።
ከአግሮ ኬሚካል አቅርቦት አኳያም ኮርፖሬሽኑ የፀረ-አረም፣ የፀረ-በሽታ፣ የፀረ-ተባይና የፀረ-መጋዘን ነፍሳት ተባዮች ኬሚካሎች
እንዲሁም በሰው ኃይል የሚታዘሉ የኬሚካል መርጫ መሣሪያዎችን ከውጭ በማስገባት ለተጠቃሚዎች እያቀረበ መሆኑን
አመልክቷል።
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m






Previous articleየኢትዮጵያ የሰላም ማስከበር ተልዕኮ ተሳትፎ ተጠናክሮ መቀጠል ያለበት ተግባር መሆኑን የተለያዩ አገሮች ወታደራዊ አታሼዎች ገለጹ።


Source link

Related posts

ሱማሌ ክልልን ለሁሉም ተምሳሌት ለማድረግ እየተሠራ መሆኑን የክልሉ መንግሥት አስታወቀ፡፡

admin

የኢትዮጵያ ፖስታ አገልግሎት ድርጅት ባለፉት ስድስት ወራት ከ230 ሚሊየን ብር በላይ ገቢ ማግኘቱን አስታወቀ

admin

ʺእነሆ የአላፊው ዓለም ጉዟቸውን ፈፀሙ”

admin