76.87 F
Washington DC
June 20, 2021
Satenaw Ethiopian News/Breaking News
Amharic News

“ለፋሲል ከነማ የሚደረገው ድጋፍ ተጠናክሮ ይቀጥላል” ርእሰ መስተዳድር አገኘሁ ተሻገር

“ለፋሲል ከነማ የሚደረገው ድጋፍ ተጠናክሮ ይቀጥላል” ርእሰ መስተዳድር አገኘሁ ተሻገር

ባሕር ዳር፡ ግንቦት 24/2013 ዓ.ም (አሚኮ) የአማራ ክልላዊ መንግሥት ለፋሲል ከነማ የእግር ኳስ ክለብ የሚያደርገውን ድጋፍ አጠናክሮ እንደሚቀጥል ርእሰ መስተዳድር አገኘሁ ተሻገር ተናገሩ፡፡

ፋሲል ማእድ የንጉስ እራት በሚል ክለቡን በገቢ ለማጠናከር ያለመ የገቢ ማሰባሰቢያ መርሃ-ግብር በአጼ ፋሲል አብያተ መንግሥት ቅጥር ግቢ ዛሬ ምሽቱን ተካሂዷል፡፡

በመርሃ ግብሩ የተገኙት ርእሰ መስተዳድሩ እንደተናገሩት በአማራ ክልል ታሪክ በእግር ኳስ ስፖርት ዘርፍ እየታየ ያለው መሻሻል ዘርፉን ለማሳደግ ለሚደረገው ጥረት ስኬታማነት ተስፋን የሰነቀ ነው።

“ፋሲል ከነማ ባለፉት አመታት ባደረገው ብርቱ ስፖርታዊ ጥረት ታሪክ የቀየረ የአሸናፊነት ድል ማስመዝገብ በመቻሉ ለክልሉ ሕዝብ ኩራት መሆን ችሏል” ብለዋል፡፡

የክልሉ መንግሥት ክለቡን በበጀት ከመደገፍ ጀምሮ የስፖርት ዘርፉን ለማጠናከር ትኩረት ሰጥቶ እንደሚሰራ ጠቁመው ለክለቡ ገቢ መጠናከር የገንዘብ ድጋፍ ላደረጉ የክልል መንግሥታትም ምስጋና አቅርበዋል፡፡

የጎንደር ከተማ ከንቲባና የፋሲል ከነማ የእግር ኳስ ክለብ ፕሬዘዳንት ሞላ መልካሙ በበኩላቸው “የክለቡ አሸናፊነት የጎንደርን ታሪክ ያደሰ ታላቅ ስፖርታዊ ክንዋኔ ነው” ብለዋል፡፡

ክለቡ ጠንካራ ወንድማማችነትና አንድነትን በማጎናጸፍ ስፖርት ለወዳጀነትና ለፍቅር የሚለውን መርህ በተግባር ያስመሰከረ የልፋትና የድካም ውጤት ነው ሲሉም ተናግረዋል፡፡

“የከተማ አስተዳደሩ ክለቡን በገቢ ለማጠናከር ሰፊ ራእይ በመያዝ ወደ እንቅስቃሴ ገብቷል” ያሉት ከንቲባው በጎንደር በባሕር ዳርና በአዲስ አበባ ለገቢ ማስገኛ የሚውሉ የገበያ ሞሎችንና የንግድ ተቋማትን ለማቋቋም መታቀዱንም ገልጸዋል፡፡

ለክለቡ ማጠናከሪያ በአዲስ አበባ በባህርዳርና ዛሬ ምሽት ደግሞ በጎንደር በተካሄዱ የገቢ ማሰባሰቢያ መርሃ ግብሮች ከ200 ሚሊዮን ብር በላይ ቃል መገባቱንም ከንቲባው ተናግረዋል፡፡

በፋሲል አብያተ መንግስት እየተካሄደ ባለው የክለቡ የገቢ ማሰባሰቢያ መርሃ ግብር የክለቡ ተጫዋቾችና አመራሮች፣ የንግዱ ማህበረሰብ አባላት፣ ጥሪ የተደረገላቸው እንግዶችና የከተማው አመራሮች ተሳታፊ መሆናቸውን የዘገበው ኢዜአ ነው፡፡

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

በ169 ታዳጊዎች ላይ ሊፈፀም የነበረ ያለ እድሜ ጋብቻ እንዲቋረጥ ተደረገ

admin

“በሐበሻ ማንም የማይበደልበት ሥርዓትን ያቆመ ንጉሥ አለ” ነብዩ መሐመድ (ሰ.ዐ.ወ)

admin

መርገመ ቴድሮስ – መስፍን አረጋ | Ethiopian News | ዘ-ሐበሻ | Latest News Provider

admin