51.91 F
Washington DC
May 12, 2021
Satenaw Ethiopian News/Breaking News
Amharic News

ለቴክኖሎጂ ቅጂና ፈጠራ ትኩረት ሰጥቶ እንደሚሠራ የአማራ ክልል ቴክኒክ፣ ሙያና ኢንተርፕራይዞች ልማት ቢሮ አስታወቀ፡፡



ለቴክኖሎጂ ቅጂና ፈጠራ ትኩረት ሰጥቶ እንደሚሠራ የአማራ ክልል ቴክኒክ፣ ሙያና ኢንተርፕራይዞች ልማት ቢሮ አስታወቀ፡፡
ባሕር ዳር፡ ሚያዝያ 03/2013 ዓ.ም (አሚኮ)ሰባተኛዉ ክልል አቀፍ ቴክኖሎጂን የመቅዳትና የማስተላለፍ ተቋማዊ አቅምን
ማጠናከር ዓላማ ያደረገ ተግባራዊ ጥናትና ምርምር ዉድድር እና አውደ ርዕይ በደሴ ከተማ እየተካሄደ ነዉ፡፡ በዚህ ዉድድር
አሸናፊ የሚሆኑ የፈጠራ ሥራዎች አማራ ክልልን ወክለዉ በመላዉ ኢትዮጵያ የቴክኖሎጂ ፈጠራና ቅጅ ዉድድር እንደሚሳተፉ
የአማራ ክልል ቴክኒክ፣ ሙያና ኢንተርፕራይዞች ልማት ቢሮ አስታውቋል፡፡
በውድድሩና ሲምፖዚየሙ ላይ ከአማራ ክልል የተውጣጡ 113 የቴክኒክና ሙያ ተቋማት ተሳተፊ ናቸው፡፡ በአውደ ርዕዩ በሰዓት
ስድስት ኩንታል ማምረት የሚችል የጤፍ መውቂያ ማሽን፣ በተመሳሳይ ሰዓት 40 ኩንታል በቆሎ መፈልፈል የሚያስችል የፈጠራ
ሥራ፣ የገብስ እና ስንዴ ማጨጃ ማሽን፣ የመኖ ማቀነባበሪያ እና መሰል ፈጠራዎች ቀርበዋል፡፡
ቴክኖሎጂዎቹ የአርሶ አደሩን ጉልበትና ጊዜ የሚቆጥቡ፣ ድካሙን የሚቀንሱ፣ የምርት ጥራትን የሚጨምሩና ብክነትን የሚያስቀሩ
ናቸው ተብሏል፡፡ በኤሌክትሪክ የምትሠራ ባለ ሦስት ጎማ ተሽከርካሪ (ባጃጅ)ን ጨምሮ ሌሎች መሰል ችግር ፈቺ የቴክኖሎጂ
ውጤቶች በቴክኒክና ሙያ ተቋማት ተሠርተው ለእይታና ውድድር ቀርበዋል፡፡
በመርሐ ግብሩ ላይ ተገኝተው የመክፈቻ ንግግር ያደረጉት የአማራ ክልል ቴክኒክ፣ ሙያና ኢንተርፕራይዞች ልማት ቢሮ ኃላፊ አቶ
አረጋ ከበደ ሲምፖዚየሙ የክልሉ ኮሌጆችና ኢንተርፕራይዞች የቴክኖሎጂና ልማት ደረጃን ለመለየት የሚረዳ መሆኑን ገልጸዋል፡፡
የገበያ ትስስር በመፍጠር የምርት ትውውቅ ለማድረግ፣ የቴክኖሎጂ ቅጂና አጠቃቀምን ለማስፋፋትና ተደራሽ ለማድረግ
ጠቀሜታው የጎላ እንደሆነ ተናግረዋል።
አውደ ርዕዩ በስምንተኛው ሀገር አቀፍ የቴክኖሎጂ ቅጂና ፈጠራ ውድድር ላይ ክልሉን ወክለው የሚወዳደሩ የፈጠራ
ባለሙያዎችን ለመምረጥ እንደሚያግዝም ተናግረዋል፡፡
የክልሉ መንግሥት ለቴክኖሎጂ ቅጂና ፈጠራ ትኩረት ሰጥቶ እንደሚሠራም አቶ አረጋ ገልጸዋል፡፡ ሰባተኛው ክልል አቀፍ
የቴክኖሎጂ፣ የክህሎት፣ የጥናትና ምርምር ውድድር የጥቃቅንና አነስተኛ ተቋማት አውደ ርዕይ ከደሴ በተጨማሪ በኮምቦልቻ
ከተማም የሚደረግ ይሆናል ተብሏል፡፡ እስከ ሚያዚያ 6/2013 ዓ.ም ድረስም ቆይታ ይኖረዋል፡፡
ዘጋቢ፡- አሊ ይመር-ከደሴ
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m




Previous articleበፌዴራል መንግሥት የሚገነቡ መሠረተ ልማቶች በአግባቡ እንዲከናወኑ ክልሉ በትኩረት እንደሚሠራ ርእሰ መሥተዳድር አገኘሁ ተሻገር አስታወቁ፡፡
Next article“የመተከል ዞን ግብረኀይል እስካሁን ውጤታማ ተግባራትን ቢያከናውንም አሁንም ቀሪ ሥራዎች ይጠበቁበታ” የጠቅላይ ሚኒስትሩ የደኀንነት አማካሪ ገዱ አንዳርጋቸው

Source link

Related posts

ከተማ አስተዳደሩ በህገ ወጥ መንገድ ተይዘው የነበሩ 115 የቀበሌ ቤቶችን ለአቅመ ደካሞችና ለአካል ጉዳተኞች አስረከበ

admin

የፀጥታው ምክር ቤት በኢትዮጵያ ጉዳይ ላይ ገንቢ ሚና ሊጫወት እና ከኢትዮጵያ ህዝብና መንግስት ጎን ሊቆም ይገባል – የኢትዮጵያ አሜሪካውያን የዜጎች ምክር ቤት

admin

“ወጣቱ ትውልድ በዓድዋ ላይ በደም ማኅተም የታተመውን አንድነት ጠብቆ ሀገርን የማሻገር ኃላፊነት ሊወጣ ይገባል” የአማራ ክልል የጥንታዊት ኢትዮጵያ ጀግኖች አርበኞች ማኅበር ፕሬዝደንት ዳኝነት አያሌው

admin