78.37 F
Washington DC
June 17, 2021
Satenaw Ethiopian News/Breaking News
Amharic News

ለመምረጥ የሚችል ዜጋ ቀሪ ሰዓቱን ተጠቅሞ የምርጫ ካርዱን በእጁ እንዲያስገባ መራጮች ጥሪ አቀረቡ፡፡

ለመምረጥ የሚችል ዜጋ ቀሪ ሰዓቱን ተጠቅሞ የምርጫ ካርዱን በእጁ እንዲያስገባ መራጮች ጥሪ አቀረቡ፡፡

ባሕር ዳር፡ ሚያዝያ 29/2013 ዓ.ም (አሚኮ) የምርጫ ካርድ ማውጫ የመጨረሻ ቀን በመሆኑ መራጮች ቀሪ ሰዓታትን ተጠቅመው የምርጫ ካርዳቸዉን እንዲያወጡ የምርጫ ካርድ ሲያወጡ አሚኮ ያነጋገራቸው የባሕር ዳር ከተማ ነዋሪዎች ናቸው ጥሪ ያቀረቡት፡፡

አቶ ዓለሙ እንዳላማው የባሕር ዳር ከተማ ነዋሪ ናቸው፡፡ ካርድ ሲያወጡ ነበር ያገኘናቸው፡፡ ለመምረጥ የሚችል ዜጋ ሁሉ ሰዓቱን ተጠቅሞ ካርድ ማውጣት እንዳለበት መክሯል፡፡

“ያሰብነውን የፖለቲካ ፓርቲ ለመምረጥ ካርድ ልናወጣ ይገባል፡፡ የምናወጣው ካርድ የሀገራችንን እጣ ፋንታ የምንወስንበት ነው” ብለዋል፡፡

ወይዘሮ ሠላም ገረመው “ካርድ የማያወጣ ሰው የራሱን ነፃነት ነው የገደበው” ብለዋል፡፡ የምርጫ ካርድ ለማውጣት የሚችል የባሕር ዳር ነዋሪ ሁሉ የሥራ ሰዓቱን አጣብቦ በቀሪ ሰዓታት ውስጥ ካርዱን በእጁ ሊይዝ ይገባል ነው ያሉት፡፡

ወጣት ዮናስ ክንዴ ደግሞ እስከ ዛሬ ድረስ በሥራ ጫና ምክንያት የምርጫ ካርድ ማውጣት እንዳልቻለ ተናግሯል፡፡ ያለዉን ጊዜ ተጠቅሞና የመምረጥ መብቱን ለመጠቀም ዛሬ ካርድ ለማውጣት መወሰኑንም ገልጿል፡፡

ሲስተር ማርሸት አንተነህ አሁን የቀረው ሰዓት በጣም ውስን በመሆኑ መራጩ መዘናጋት እንደሌለበት ተናግረዋል፡፡ “እኔም ዛሬ ነገ ስል የምርጫ ካርድ ሳላወጣ ተዘናግቼ ቆይቼያለሁ” ያሉት ሲስተር ማርሸት ጊዜው ሳያልፍ የመራጮች ካርድ በወቅቱ በእጃችን ማስገባት ይኖርብናል ብለዋል፡፡

”ካርድ ማውጣት ሲችል ያላወጣ ሰው ሌሎች በመረጡት ሊተዳደር ይችላል፤ ሌሎች በመረጡት መተዳደር ደግሞ ጥያቄያችንን ለማንሳት ያስቸግራል፣ ስለዚህ ካርድ ማውጣትም ሆነ መምረጥ ወሳኝ ነው” ብለዋል፡፡

አቶ አበበ አድምጤ በባሕር ዳር ከተማ የምርጫ ጣቢያ ‘ሀ’ አስተባባሪ ናቸው፡፡ ዛሬ ሚያዝያ 29/2013 ዓ.ም በባሕር ዳር የምርጫ ካርድ ማውጫ ቀን የሚጠናቀቅበት በመሆኑ ኅብረተሰቡ ያለውን ቀሪ ሰዓት ሊጠቀምበት ይገባል ብለዋል፡፡

ኅብረተሰቡ በወቅቱ እንዲመዘገብ እየሠሩ እንደሆነ የጠቆሙት አስተባባሪው ለምርጫ ብቁ የሆኑ ዜጎች ሁሉ ቀሪ ሰዓታቸውን ተጠቅመው እንዲመዘገቡ ጥሪ አቅርበዋል፡፡

ዘጋቢ፡- ቡሩክ ተሾመ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

በቀጣዩ ሀገራዊ ምርጫ የሚጠበቅባቸውን ኀላፊነት ለመወጣት እየሠሩ መሆናቸውን አሚኮ ያነጋገራቸው የሲቪል ማኅበረሰብ ድርጅትች አስታወቁ፡፡

admin

ʺደፋር ሰው ከማዶ ቢሏቸው ደረሰ ፣ የገነቡት ምሽግ በድንገት ፈረሰ”

admin

ቦርዱ ለ6ኛው ሀገራዊ ምርጫ በቀጣይ ቀናት ተጨማሪ 106 ሺህ 345 ምርጫ አስፈጻሚዎችን መልምሎ እንደሚያሰለጥን ገለጸ።

admin