78.37 F
Washington DC
June 17, 2021
Satenaw Ethiopian News/Breaking News
Amharic News

ለመምረጥ የሚችሉ ዜጎች ሊጠናቀቅ ሰዓታት በቀረው የመራጮች ምዝገባ ጊዜያቸውን በመጠቀም የምርጫ ካርድ እንዲወስዱ መራጮች ጥሪ አቀረቡ፡፡

ለመምረጥ የሚችሉ ዜጎች ሊጠናቀቅ ሰዓታት በቀረው የመራጮች ምዝገባ ጊዜያቸውን በመጠቀም የምርጫ ካርድ እንዲወስዱ መራጮች ጥሪ አቀረቡ፡፡

ባሕር ዳር፡ ግንቦት 06/2013 ዓ.ም (አሚኮ) የኢትዮጵያ ብሔራዊ ምርጫ ቦርድ ባለፈው ሚያዝያ 29/2013 ዓ.ም የመራጮች ምዝገባ ለሰባት ቀን እስከ ግንቦት 06/2013 ዓ.ም ድረስ ማራዘሙ ይታወሳል፡፡

አሚኮ ያነጋገራቸው የባሕር ዳር ከተማ ነዋሪዎች እንዳሉት ዛሬ የመራጮች ካርድ ማውጫ የመጨረሻ ቀን በመሆኑ መስፈርቱን የሚያሟሉ ሰዎች ሰዓታቸውን ተጠቅመው የምርጫ ካርዳቸዉን ማውጣት ይጠበቅባቸዋል፡፡

አቶ ዳዊት ፍስሐ የባሕር ዳር ከተማ ነዋሪ ናቸው፡፡ የመራጮች ምዝገባ ያላቸውን ቀሪ ጊዜ ተጠቅመው ካርድ ሲያወጡ ነበር ያገኘናቸው፡፡ ለመምረጥ መስፈርቱን የሚያሟላ ዜጋ ሁሉ ሰዓቱን ተጠቅሞ ካርድ ማውጣት እንዳለበት መክረዋል፡፡

“ካርድ ለማውጣት ብቁ የሆነ ሰው ካርድ ባለማውጣቱ ሳይመርጥ ከቀረ ኀላፊነቱን አልተወጣም ማለት ነው። በተደጋጋሚ የተሰጠዉን እድል በመጠቀም ካርድ ማውጣት ያስፈልጋል። ያሰብነውን የፖለቲካ ፓርቲ ለመምረጥ ካርድ ልናወጣ ይገባል፡፡ በምናወጣው ካርድ የሀገራችንን እጣ ፋንታና ለመጪው ትውልድ አሻራችንን የምናሳርፍበት ሊሆን ይገባል” ብለዋል፡፡

ወይዘሪት ፋንታነሽ ደሴ በሥራ ጫና ምክንያት ካርድ ሳያወጡ መቆየታቸውን ተናግረዋል። የምዝገባው ቀን መራዘሙ ዛሬ ካርድ ለማውጣት እንዳገዛቸውም ጠቁመዋል። የምርጫ ካርድ ለማውጣት መስፈርቱን የሚያሟላ የባሕር ዳር ከተማ ነዋሪ ኹሉ በቀሪ ሰዓታት ውስጥ ካርዱን በእጁ ሊይዝ ይገባልም ብለዋል፡፡

“ዛሬ ነገ ስል እስከ አሁን ካርድ አላወጣሁም። አሁን በቀረው ሰዓት ካርድ ለማውጣት ወስኛለሁ” ያሉት ደግሞ አቶ መሥፍን ጌትነት ናቸው። እሳቸዉን ጨምሮ ለመምረጥ የሚችሉ ዜጎች እድላቸውን ሊጠቀሙበት እንደሚገባ መልእክታቸውን አስተላልፈዋል።

“የራሳችንን እድል የምንወስነው እራሳችን ነን። ነገ ይጠቅመናል ብለን የምናስበውን የፖለቲካ ፓርቲ ለመምረጥ ዛሬ የምርጫ ካርድ በእጃችን ማስገባት አለብን” ብለዋል።

አቶ ዳዊት መሐሪ በባሕር ዳር ከተማ የምርጫ ጣቢያ ‘2ሀ’ አስተባባሪ ናቸው፡፡ ዛሬ ግንቦት 06/2013 ዓ.ም 11:30 በባሕር ዳር የምርጫ ካርድ ማውጫ ቀን የሚጠናቀቅበት በመሆኑ ለመምረጥ የሚችሉ ኹሉ ያለውን ጥቂት ሰዓታት ሊጠቀምበት ይገባል ነው ያሉት፡፡

ዘጋቢ፡- ቡሩክ ተሾመ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

“በርብ ግድብ የአሳ ምርት ላይ ያለውን ህገወጥ ሥራ በማስቆም የአሳ ምርቱን ውጤታማ ለማድረግ እየሠራሁ ነው፡፡” የደቡብ ጎንደር ዞን እንስሳት ሃብት ልማት ተጠሪ ጽሕፈት ቤት

admin

በዕኛ አገር ለአገር ኖረ ፣በስራ የተከበረ ኖሮ ያወዉቃል – ማላጂ | Ethiopian News | ዘ-ሐበሻ | Latest News Provider

admin

ለእግር ኳስ ተጫዋቾች፣ አትሌቶች፣ ስፖርተኞች እና አርቲስቶች በ2013 ዓ.ም የችግኝ ተከላ መርሃ ግብር ገለጻ ተደረገ

admin