72.12 F
Washington DC
June 13, 2021
Satenaw Ethiopian News/Breaking News
Amharic News

“ለሀገር በቀል የግጭት መፍቻ ዘዴዎች ትኩረት አለመስጠት ዋጋ እያስከፈለ ነው” በአዲስ አበባ ዩኒቨርሲቲ የፓለቲካ ሳይንስ መምህር እና ተመራማሪ ፈቃደ ተረፈ (ዶ.ር)

“ለሀገር በቀል የግጭት መፍቻ ዘዴዎች ትኩረት አለመስጠት ዋጋ እያስከፈለ ነው” በአዲስ አበባ ዩኒቨርሲቲ የፓለቲካ ሳይንስ መምህር እና ተመራማሪ ፈቃደ ተረፈ (ዶ.ር)

ባሕር ዳር፡ ግንቦት 24/2013 ዓ.ም (አሚኮ) ሙያዊ ጥምረት ለልማት (ፓዴት) የተሰኘ ድርጅት ፓዴት ሀገር በቀል የግጭት መፍቻ ዘዴዎች ላይ በኮምቦልቻ ከተማ በሰላም እና በግጭት አፈታት ዙሪያ ከባለ ድርሻ አካላት ጋር ምክክር አካሂዷል።

ድርጅቱ በአማራ፣ በኦሮሚያ እና በአፋር ክልሎች በሕጻናት ጥበቃ፣ በስነ ተዋልዶና ኤች አይቪ ኤድስ እንዲሁም ለወጣቶች የሥራ እድል የማመቻቸት ሥራዎችን የሚያከናውን መንግሥታዊ ያልሆነ ተቋም ነው። ከቅርብ ጊዜ ወዲህ በየአካባቢው የሚፈጠሩ ግጭቶችን ለመፍታት የሰላም እና የአብሮነት ኮሚቴዎችን ከተለያዩ የማኀበረሰብ ክፍሎች በማዋቀር በሰላም ጉዳይ ሥራዎችን እያከናወነ ነው።

ከምክክር መድረኩ ተሳታፊዎች መካከል ከራያ ቆቦ ወረዳ የመጡት አቶ በካሪስ ጎቤ ባለፉት ወራት በአካባቢያቸው የነበሩ ግጭቶችን በሀገር በቀል የግጭት መፍቻ ዘዴዎች እልባት መስጠታቸውን ገልፀዋል። አበጋር፣ ክፍሎ፣ ዘወልድ፣ረክቦትና ለሌሎች የግጭት መፍቻ ዘዴዎች ትኩረት ቢደረግ በሀገሪቱ በየቦታው እያጋጠሙ ያሉ የሰላም መደፍረሶችን መቀነስ ይቻላልም ነው ያሉት።

በምክክር መድረኩ ላይ በአዲስ አበባ ዩኒቨርሲቲ የፓለቲካ ሳይንስ መምህር እና ተመራማሪ ፈቃደ ተረፈ(ዶ.ር) “ለሀገር በቀል የግጭት መፍቻ ዘዴዎች ትኩረት አለመስጠት ዋጋ እያስከፈለ ነው” ብለዋል። በቀጣይም መንግሥት ውጤታማ ለኾኑ የሀገር በቀል የግጭት መፍቻ ዘዴዎች ትኩረት መስጠት ይኖርበታል ብለዋል።

በውይይት መድረኩ ከሰላም ሚኒስቴር፣ ከኢትዮጵያ ሰብዓዊ መብት ኮሚሽን እና ከፌዴራል ፓሊሰ ኮሚሽን የተውጣጡ ከፍተኛ ባለሙያዎች ተሳትፈዋል። ከየአካባቢው የተሰባሰቡ የሰላም እና የአብሮነት ግብረኃይሎች ባለፉት 6 ወራት በአካባቢያቸው የፈፀሟቸውን የሰላም ተግባራት በተሞክሮነት አቅርበዋል።

የፓዴት ሥራ አስኪያጅ አብርሃም ቱራ ሰላም የሁሉም ነገር መሰረት በመኾኑ ድርጅታቸው ከሁሉም በላይ ቅድሚያ ሰጥቶ እንደሚሠራ ተናግረዋል።

ዘጋቢ፡- ጀማል ይማም

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2HYJBLZ
በዌብሳይት www.amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m

Source link

Related posts

ኢትዮጵያ በ6 ወራት 976 የሳይበር ጥቃት ሙከራ ተደርጎባታል

admin

ዐብይ አህመድና ፕሮፌሰር አለማየሁ ገብረማርያም – መስፍን አረጋ | Ethiopian News | ዘ-ሐበሻ | Latest News Provider

admin

ኅብረተሰቡ አዳዲስ የፈጠራ ውጤቶችን በመጠቀም ቤት የመገንባት ልምዱን እንዲያዳብር የፈጠራ ባለሙያዎች ጠየቁ፡፡

admin