52.39 F
Washington DC
February 25, 2021
Satenaw Ethiopian News/Breaking News
Amharic News

“ሃይማኖት ያልገደበው ኢትዮጵያዊነት” | የአማራ ብዙኃን መገናኛ ድርጅት

“ሃይማኖት ያልገደበው ኢትዮጵያዊነት”

ባሕር ዳር፡ ጥር 17/2013 ዓ.ም (አብመድ) የመቻቻልና መደጋገፍ ማሳያ የሆኑት የወሎ – ወልድያ ክርስትና እና እስልምና ሃይማኖት ተከታዮች ዛሬም እንደትላንቱ በመከባበር፣ በመዋደድና በመተጋገዝ በአብሮነት እየኖሩ ነው፡፡

በወልድያ ከተማ አስተዳደር በጀነቶ ቀበሌ በሚገኘውና 300 ዓመታትን ባስቆጠረው የሞላ ጽጌ ገነት ቅዱስ ጊዮርጊስ ቤተክርስቲያን ግንባታ ላይ የታየውም ይህ እውነታ ነው፡፡ ቤተክርስቲያኑን የኔ ብሎ የሠራው የቀበሌው ሕዝብ ነው፡፡

ሕዝበ – ሙስሊሙ በጸሎት፣ በጉልበት እና በገንዘብ አስተዋጽኦ አድርጓል፡፡ ትናንት በተካሄደው የምረቃ ሥነ-ሥርዓት ላይም በአካል በመገኘት ደስታውን ገልጿል፡፡

በቀበሌዋ የሁለቱም ሃይማኖት ተከታዮች በማኅበራዊና ኢኮኖሚያዊ ጉዳዮች ይተጋገዛሉ፡፡

በጀነቶ ቀበሌ ነዋሪ የሆኑት አቶ አስፋው አንባው የእስልምና እምነት ተከታይ ናቸው፡፡ ከክርስትና እምነት ተከታይ ወንድሞቻቸው ጋር የጠበቀ ወዳጅነት እንዳላቸው ነግረውናል፡፡ “በአጨዳም፣ በማኅበርም፣ በሰርግ፣ በሐዘን፣ በሰደቃ ወቅትና በልዩ ልዩ ጉዳዮች እየተረዳዳን ነው እየኖርን ያለነው” ብለዋል፡፡

አቶ አስፋው ለቤተክርስቲያኗ ግንባታም በዱዓ፣ በጉልበት እና በግላቸው ብር በማዋጣት ክርስቲያን ወንድሞቻቸውን አግዘዋል፡፡ ከብጹዕ አቡነ ኤርሚያስ የሰሜን ወሎና የኦሮሞ ብሔረሰብ አስተዳደር አህጉራተ ስብከት ሊቀ ጰጳስና የቅዱስ ላልይበላ ገዳማት የበላይ ጠባቂ የምስጋና ምስክር ወረቀት ተበርክቶላቸዋል፡፡ በዚህም “ቤተክርስቲያኗ ለኔ ክብር ሰጥታኛለች፤ ገንዘብ ሳይሆን ትልቁ የታሪክ ተወቃሽ ሳልሆን የታሪክ ተመስጋኝ ሆኘ ተሸልሜያለሁ፡፡ በዚህም ደስታ ተሰምቶኛል” ብለዋል፡፡

ሌላው የእስልምና ሐይማኖት ተከታይ አቶ አያሌው ይመር በአካባቢያቸው የአቢደቆ መስጂድ ሲገነባ ሕዝበ ክርስቲያኑ እገዛ ማድረጉን ነግረውናል፡፡ ዛሬ ደግሞ የቤተክርስቲያኑን ግንባታ የእስልምና ሃይማኖት ተከታዮች ጭምር እገዛ አድርገው በመጠናቀቁ መደሰታቸውን ተናግረዋል፡፡

አቶ መኮንን በላይ የኦርቶዶክስ ሃይማኖት ተከታይ ናቸው፡፡ የእስልምና ሃይማኖት ተከታዮች ላደረጉት ድጋፍ አመስግነዋል፡፡ በቀጣይም ትብብሩን አጠናክረን እንቀጥላለን ነው ያሉት፡፡

ዘጋቢ፡- ዋሴ ባየ

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡

Source link

Related posts

ስዩም መስፍንን ጨምሮ የጁንታው ቀንደኛ አመራሮች ተደመሰሱ

admin

የብልጽግና ፓርቲ ዋና ጽሕፈት ቤት የሥራ ኃላፊዎች ለሰብዓዊ ድጋፍ የሚውል የአንድ ወር ደመወዝ 50 በመቶ ለገሱ

admin

“አይቆረጠም የድንጋይ ቆሎ ፣ አይወረወር የእሳት አለሎ ፣ ፍቅሩን ነው እንጂ ጠቡን ማን ችሎ”

admin